Se̱nge̱-mo̱ 15:23 - Mɑ‑to̱ Shir Taku̱rda-o swo̱r o-nu pu̱-o̱

²³ Ye̱ ya'asu̱ru̱ taku̱rda-o̱ ro̱ m-ze̱e̱ à: “Be-de u̱n o̱r no̱ ne̱, yan-To̱m Ye̱so u̱n se̱k-ye̱ ne̱ ye̱ u̱n hun-ne̱ yan-dor, ha-mo̱ u̱n yan-dor ye̱ ro̱ baag-o̱ u̱n ye̱, Yahuda-ne̱ ye̱ á, u̱n bo̱-o̱ o-Antakiya, komo u̱n dak-to̱ o-Siriya ne̱ u̱n o̱ o-Kirikiya ne̱, te̱ u̱r-gas.

Se̱nge̱-mo̱ 15:23 ပူးပေါင်းရင်းမြစ်များ

Matiyos 4:24

Remen kaane̱, ma-to̱ u̱n wu̱ wo̱o̱ru̱ ko̱ o̱ ke dak-o̱ o-Siriya da-o gaan. Ye̱ ma'asu̱ru̱ wu̱ m-hante̱ u̱n ya-u̱s-go̱m go̱-u̱s-go̱, u̱n yan-swo̱ u̱r-ko̱o̱b ne̱, u̱n ye̱ ya-u̱t-ko̱t da'e̱ u̱t-hi ne̱ à u̱n ya-o-tattara ne̱, u̱n ryam-ne̱ komo. Wu̱ taasu̱ go̱m-se u̱n ye̱ myet.

Se̱nge̱-mo̱ 11:18

Bo̱ Yahuda-ne̱ yan-dor Ye̱so ho̱gu̱te̱ kaane̱ à, ye̱ taagu̱ bo̱ ye̱ he m-ze̱e̱ à, ye̱ bo̱mu̱ Shir. Ye̱ ma'asu̱ru̱ m-ze̱e̱, “Ashi, har u̱n ye̱ ro̱ Yahuda-ne̱ á, Shir nomsu̱te̱ ye̱ co̱w-yo m-waktu̱ne̱ be-de u̱n wu̱ u̱n yo u̱n kum m-ho̱o̱g ne̱.”

Se̱nge̱-mo̱ 11:20

Amba ye̱ ken yan-dor Ye̱so ye̱ ro kon so̱ o-Sayipurus, o-Kire̱ni ne̱, ye̱ neke̱ bo̱-o̱ o-Antakiya ye̱ nomote̱ ye̱ ro̱ Yahuda-ne̱ á u̱t-ma, ye̱ ro ye̱ u̱n nome̱ u̱n Ma-to̱ m-Re̱re̱m to̱ ma Ye̱so Wan-Ko̱yan.

Se̱nge̱-mo̱ 14:27

Bo̱ ye̱ wo̱o̱nte̱ à, ye̱ mo̱ro̱gsu̱ hun-ne̱ yan-dor Ye̱so ye̱ rwo̱ru̱ kap rii-yo Shir no̱me̱ be-de u̱n ye̱ à, komo u̱n bo̱ wu̱ tikshe̱ ye̱ ro̱ Yahuda-ne̱ á ish-o̱ m-she̱r o-nip à.

Se̱nge̱-mo̱ 15:1

Ye̱ ken hun-ne̱ ye̱ haanu̱ru̱ komo o-Antakiya rwu̱u̱n-mo̱ dak-o̱ o-Judiya. Ye̱ ro m-yoose̱ u̱n yan-dor Ye̱so, ye̱ m-ze̱e̱, “U̱rege̱ a ko̱ no̱ u̱r-ko̱ bo̱ jind-o Mosa ze̱e̱ á, no̱a hoks kum u̱n gwu̱ á.”

Se̱nge̱-mo̱ 15:2

Ma-u̱t su̱nu̱ru̱ Burus u̱n Barnabas ne̱ u̱n ka hun-ne̱ ye̱ ne̱ remen u̱n ka ma-to̱. Amba a rwo̱'u̱ Burus ne̱ u̱n Barnabas komo u̱n ye̱ ken ye̱ ne̱, ye̱ neke̱ o-Urusharima be-de u̱n yan-To̱m Ye̱so u̱n se̱k-ye̱ ye̱ u̱n hun-ne̱ ne̱ yan-dor Ye̱so remen ye̱ oromté̱ u̱n ka ma-to̱.

Se̱nge̱-mo̱ 15:22

Yan-To̱m Ye̱so u̱n se̱k-ye̱ ne̱, mo̱sse̱ u̱n kap o̱ u̱n hun-ne̱ ne̱ yan-dor, ye̱ hyanu̱ru̱ depete̱ ye̱ deeg ye̱ ken ye̱ be-de u̱n ye̱, ye̱ tomot ye̱ ha-mo̱ o-Antakiya mo̱sse̱ u̱n Burus ne̱ u̱n Barnabas. Ye̱ dagnu̱ Yahudas (wu̱ a m-ze̱e̱ Baru̱sabas à), komo u̱n Siras ne̱, ye̱ ro̱ go̱s-ye̱ be-de yan-dor à.

Se̱nge̱-mo̱ 15:4

Bo̱ ye̱ woote̱ o-Urusharima à, kap o̱ u̱n hun-ne̱ yan-dor Ye̱so, u̱n yan-To̱m Ye̱so ne̱, u̱n se̱k-ye̱ ye̱ u̱n hun-ne̱ yan-dor Ye̱so ne̱, ye̱ barku̱ ye̱. Burus ne̱ u̱n Barnabas ru̱ru̱ ye̱ kap rii-yo Shir no̱me̱ be-de u̱n ye̱ à.

Se̱nge̱-mo̱ 15:41

Ye̱ do̱ru̱ru̱ so̱ u̱n dak-to̱ o-Siriya o-Kirikiya ne̱, ye̱ ro hun-ne̱ yan-dor Ye̱so u̱n do ye̱ u̱r-be̱e̱b.

Se̱nge̱-mo̱ 18:18

Burus do̱o̱bu̱ru̱ u̱t-ho̱ hiin u̱n bo̱-o̱ o-Korinti. Ka da-o̱, wu̱ ze̱e̱ru̱ yan-dor se̱ de̱ ken ho̱-de. Biskira ne̱, u̱n Akira shiiru̱ Burus. Ye̱ co̱no̱g m-de̱k hat-o̱ m-ho̱ ha-mo̱ u̱n dak-o̱ o-Siriya. Remen kaane̱, ye̱ neku̱ru̱ bo̱-o̱ o-Kakiriya remen ye̱ co̱wu̱t o-hat. Amba rii-yo ye̱ inu̱te̱ o-Kakiriya, Burus oroste̱ hi-de u̱n wu̱ remen wu̱ swo̱ro̱g o-nu. Ye̱ daaru̱ hat-o̱ m-ho̱.

Se̱nge̱-mo̱ 21:25

Amba ma-to̱ u̱n ye̱ ro̱ Yahuda-ne̱ á ye̱ she̱re̱ o-nip à, te̱ regu̱ssu̱te̱ te̱ tomoste̱ o-taku̱rda. Te̱ kupsu̱ ye̱ u̱t-ma u̱nze, taase ye̱ ti rii-yo a pene̱ pyo-o̱ m-gir à, taase ye̱ ti m-hyó, taase ye̱ ti ap-mo̱ u̱n gu̱t-de a miggre̱ u̱s-co̱r à, taase ye̱ nom o-ás.”

Se̱nge̱-mo̱ 21:3

Bo̱ te̱ cirte̱ hyanbe̱ o-Sayipurus à, te̱ muutu̱ o̱ kwanta u̱n te̱. Te̱ se̱ngu̱ u̱r-hew dak-o̱ o-Siriya, te̱ wo̱o̱ru̱ bo̱-o̱ o-Taya, remen ka be-de hat-o he m-kergu̱nte̱ u̱n saw-to̱ u̱n o̱.

Se̱nge̱-mo̱ 23:26

Cir-mo̱ o-Karadiyos Risiyas, ha-mo̱ u̱n Wa-u̱t-go̱s Gwamna Pe̱ris. U̱r-Gas!

Se̱nge̱-mo̱ 6:9

Ye̱ ken ye̱ be-de u̱n kuke̱-o̱ u̱r-mo̱ro̱g o̱ a m-ze̱e̱ Kuke̱-o̱ u̱n ye̱ Possu̱sse̱ à, ye̱ he̱'e̱bu̱ru̱ Istipanus u̱t-ween. Ye̱ ka komo Yahuda-ne̱ ye̱ ye̱ o-Kire̱ni u̱n ye̱ o-Arekzandiriya ne̱, komo u̱n ye̱ u̱n dak-o̱ o-Kirikiya ne̱, u̱n ye̱ o-Asiya ne̱.

Garatiya-ne̱ 1:21

Bo̱ jime̱ à, u̱m haaru̱ dak-to̱ o-Siriya u̱n o̱ o-Kirikiya ne̱.

Yakubu 1:1

Me̱ Yakubu, ko-gu̱w-wu̱ Shir u̱n Ye̱so ne̱ Wan-Ko̱yan Kiristi. Me̱ m-gas u̱n ka baag-u̱t o̱p-u̱t yoor-to̱, to̱ Shir to̱ cakre̱ ha-mo̱ u̱n dak-u̱t ho̱r-to̱ à.

2 Yohana 1:10

Ko̱wan wu̱ haane̱ be u̱n no̱, u̱n de ma u̱n wu̱ yoos-de ne̱ n-ho̱n hu̱sse̱ de ma Kiristi, taase no̱ barku̱ wu̱ u̱n den-u̱t no̱ har no̱ gaste̱ wu̱ á.

2 Yohana 1:13

Yakar heno ru, wu̱ Shir daage̱ tomso ne̱ à, ye̱ wo̱ u̱r-gas.

2 Yohana 1:3

U̱m ko̱no̱g u̱nze Shir, Tato-o na u̱n Wà u̱n wu̱ Ye̱so Kiristi, a 'ye no̱ m-yar, u̱r-'wo̱n, u̱n gwu̱gwu̱-mo̱ u̱r-hur ne̱. Bo̱ a no̱ u̱r-she'et u̱n rem-se o-nip se Shir kutu̱ na à, bo̱ a he m-was u̱n o̱r na ne̱ à.

3 Yohana 1:14

Me̱ o-sakto̱, u̱m ro̱be̱ be u̱n du u̱jime̱ hiin, remen a hyende̱ a gassu̱nte̱ yish-ye̱ ka yish-ye̱.