Se̱nge̱-mo̱ 10:28 - Mɑ‑to̱ Shir Taku̱rda-o swo̱r o-nu pu̱-o̱

²⁸ Wu̱ ze̱e̱ru̱ ye̱, “No̱ u̱n hi u̱n no̱, no̱ nepste̱ u̱nze u̱depe̱ ko-Yahuda mo̱sse̱ u̱r-hi ko̱ ne̱ wu̱ gas, ko̱ ha u̱r-hamat be-de u̱n ne̱t-wu̱ ro̱ ko-Yahuda á. Amba Shir ze̱e̱g taase u̱m zee ne̱t, ‘Shir a go̱ks wo̱ á.’

Se̱nge̱-mo̱ 10:28 ပူးပေါင်းရင်းမြစ်များ

Markus 7:2

Ye̱ hyanu̱ru̱ ye̱ ken yan-neke̱-m Ye̱so ye̱. Ye̱ ro u̱n re̱ u̱n rii u̱t-ri'in ne̱ u̱n kom-to̱ u̱n ye̱, ba ye̱ u̱n sapt, bo̱ Parisa-ne̱ ze̱e̱ ye̱ ye̱ sapt à.

Ruka 18:11

Ko-Parisa e̱su̱ru̱ u̱n ho̱n wu̱ ko̱nu̱ru̱, ‘Shir, u̱m bo̱mo̱g wo̱ remen me̱ ko-hyow á, me̱ ko-wan-me̱n-u̱t jaas-to̱ wu̱ á, me̱ u̱n rwo̱r u̱t-bo̱ á, me̱ u̱n hoob-o̱ u̱n ne'a-ne̱ u̱ntu̱n ye̱ ken ye̱ á. U̱m bo̱mo̱g wo̱ remen me̱ u̱ntu̱n ka ko-wan-go̱ks u̱n tar wu̱ re̱e̱no̱ á.

Yohana 18:28

Ye̱ inu̱ru̱ n-sot n-sot, ye̱ ruutu̱ru̱ Ye̱so u̱n hur-o Ke̱pas komo ye̱ heetu̱ru̱ Ye̱so u̱n ish u̱n hur-o Biratus ko-Gwamna-wu̱ o-Roma wu̱ a ya'ase̱ gwo̱mo-to̱ u̱n Yahuda-ne̱ à. Ye̱ Yahuda-ne̱ u̱n hi u̱n de u̱n ye̱, ye̱ co̱w á, remen ye̱ o-gye̱r taase ye̱ ko̱kku̱sse̱ hi u̱n de u̱n ye̱, taase rii-yo m-re̱ yo u̱n Biki-o̱ m-Pas, yo kwangu̱ ye̱ m-re̱.

Yohana 4:27

A káne̱, ka yan-neke̱-m Ye̱so ye̱ mu̱u̱nu̱ru̱. Ye̱ wo̱o̱n, ye̱ 'wo̱s ka ne'a-wu̱ ro̱ u̱t-orom u̱n Ye̱so ne̱. Ye̱ hyanu̱ru̱ hyat-to̱ u̱n káane̱. Amba, yatt-wu̱ hokse̱ hak o-nu, wu̱ cit wu̱, wu̱ zet wu̱, “¿Ya wo̱ o-hoob?” Ko̱, “¿Ya o co̱ne̱ be-de u̱n wu̱?”

Yohana 4:9

Ká ne'a-wu̱ ze̱e̱ru̱, “¿Ya mo̱ssu̱ na cen na, wo̱tte̱ me̱ u̱n ko̱n-se u̱n ho̱-mo̱ m-swo̱? Wo̱ ko-Yahuda-wu̱, me̱ ne̱ ko-Samariya-wu̱.” (Ka ne'a-wu̱ ze̱e̱g Ye̱so kaane̱ remen Samariya-ne̱ ye̱ ro̱ m-mo̱sse̱ u̱t-kom u̱n Yahuda-ne̱ á.)

Se̱nge̱-mo̱ 10:29

Remen kaane̱, bo̱ a to̱mbe̱ u̱m haan à, me̱ zee ay á. To̱, m-mo̱ka u̱m co̱no̱g u̱m nep rii-yo rwo̱'e̱ no̱ agantu̱ me̱ à.”

Se̱nge̱-mo̱ 11:9

“Ka co̱r-o̱ shasu̱ru̱ n-To̱n shir o̱ no̱mu̱ u̱t-ma ayoore̱-o̱, o̱ zee, ‘Rii-yo Shir no̱me̱ a reet à, taase o zee yo rii-yo m-ku̱ko̱p.’