Se̱nge̱-mo̱ 10:11 - Mɑ‑to̱ Shir Taku̱rda-o swo̱r o-nu pu̱-o̱

¹¹ Wu̱ hyanu̱ To̱n-o shir tiksu̱te̱, o̱ ken rii-o̱ o̱ ro m-kergu̱ne̱ u̱ntu̱n u̱n caari-o̱ o-gwo̱do̱. A o̱ m-kyergu̱nte̱ n-dak u̱n pa'aso-to̱ u̱n o̱ ne̱ u̱t-nass.

Se̱nge̱-mo̱ 10:11 ပူးပေါင်းရင်းမြစ်များ

Matiyos 8:11

Me̱ no̱ m-ru̱re̱ hun-ne̱ de̱e̱n ye̱ ro̱ Yahuda-ne̱ á ye̱a haan so̱ u̱r-ho̱ran, u̱r-ho̱rim ne̱ rwu̱u̱n-mo̱ u̱n to̱ ken dak-to̱. Ye̱ she'ette̱ ye̱ reet o-biki be-u̱r gaan u̱n Ibrahi ne̱ u̱n Ishaku ne̱ u̱n Yakubu ne̱ u̱n Gwo̱mo-to̱ Shir.

Ruka 3:21

Bo̱ a komte̱ yo'os u̱n hun-ne̱ m-ho̱ à, wu̱ ma Ye̱so a yo'osu̱ru̱ wu̱. Da-o̱ wu̱ ro u̱n ko̱n-se Shir à, To̱n-o shir upsu̱ru̱.

Yohana 1:51

Komo wu̱ ze̱e̱ru̱ ye̱, “Me̱ no̱ m-ru̱re̱ o-nip, no̱a hyen a tikste̱ To̱n-o̱ Shir, yan-to̱m-ye̱ Shir ye̱ ro̱ m-kergende̱, ye̱ ro̱ m-da n-to̱n u̱n Wà-wu̱ u̱n ne̱t.”

Yohana 11:52

Yanze ne̱ remen Yahuda-ne̱ u̱n ho̱n-de u̱n ye̱ á, amba remen wu̱ mo̱rgu̱nsu̱té̱ yakar-ye̱ Shir ye̱ ro̱ cakarse̱ ko̱ kene̱ à, ye̱ she'ete̱ kang-o gaan.

Yohana 12:32

Amba me̱, da-o̱ a kame̱ me̱ n-to̱n o-kan à, remen kááne̱ man ru̱ hun-ne̱ m-haan be u̱n de.”

Se̱nge̱-mo̱ 10:12

N-me̱ u̱n o̱, ko̱yan go̱n gu̱t-de, de ro kon. Ye̱ u̱n na-u̱s nass ro̱ ko̱n, u̱n ye̱ ro̱ m-nak o-uub ne̱ à, u̱n ye̱ge̱-no ye̱ u̱t-ko̱t ne̱.

Se̱nge̱-mo̱ 11:5

“Me̱ u̱n bo̱-o̱ o-Jopa me̱ u̱s-ko̱n, u̱m hyanu̱ u̱t-hyangan. U̱m hyanu̱ o̱ ken rii-o̱ m-kyergu̱ne̱ u̱ntu̱n caari-o̱ o-gwo̱do̱. A kyergu̱ntu̱te̱ o̱ n-To̱n shir, pa'aso-to̱ u̱n o̱ u̱t-nass, o̱ wo̱o̱nu̱ yow yow u̱n me̱ ne̱.

Se̱nge̱-mo̱ 7:56

Istipanus ze̱e̱ru̱, “Gwo̱t no̱, me̱ u̱n hyan o-To̱n tikshishe̱, komo u̱n Wà-wu̱ u̱n ne̱t ne̱ eso u̱n kom-o̱ u̱r-re̱ o̱ Shir.”

Roma-ne̱ 1:16

Me̱ u̱n ho̱ge̱ u̱n 'e̱-mo̱ u̱n rwo̱r u̱n Ma-to̱ m-Re̱re̱m á. Me̱ u̱n ze̱e̱ kaane̱ remen to̱ ro̱ na m-kute̱ u̱n be̱e̱b-de Shir. Ka be̱e̱b-de de ro̱ u̱n gwu̱-o̱ u̱n myet ye̱ she̱re̱ be-de u̱n wu̱ à, Yahuda-ne̱ u̱r-takan, ka da-de ye̱ ro̱ Yahuda-ne̱ á.

Roma-ne̱ 9:4

Ye̱ Isra-ne̱, ye̱ Shir muute̱ yakar-ye̱ u̱n wu̱ à, wu̱ kutute̱ ye̱ se̱ps-mo̱ u̱n wu̱. Wu̱ swo̱ro̱g u̱s-nu u̱n ye̱ ne̱. Wu̱ ya'asu̱ru̱ ye̱ karamsa-o Mosa. Wu̱ kutu̱ ye̱ bu̱-yo ye̱ hette̱ wu̱ m-kwu̱kt mo̱, o-nip à. Wu̱ dooru̱ ye̱ su̱re̱ u̱s-nu.

Garatiya-ne̱ 2:15

“Ko̱ de̱ nomte̱ na Yahuda-ne̱ ye̱ be-de o-mat, ba ye̱ ro̱ Yahuda-ne̱ á, komo ba ‘ya-u̱t-ba'as’ á,

Garatiya-ne̱ 3:28

Remen kaane̱ koos-m ro̱ ko̱n á be-de u̱n Yahuda-ne̱ u̱n ye̱ ro̱ Yahuda-ne̱ ne̱ á. Komo koos-m mo̱ kus be-de ye̱ ro̱ u̱r-mat u̱n gu̱w-ne̱ ne̱ á, ko̱ be-de u̱n ne'a-ne̱ u̱n campo̱-ne̱ ne̱. Kap gaan no̱ ro̱ be-de u̱n mo̱sse̱ u̱r-hi u̱n Kiristi Ye̱so.

Apisu-ne̱ 1:10

Rii-yo Shir ro̱ u̱t-zo̱nge̱ wu̱ nomot da-o̱ wo̱o̱'e̱ à, yo ro̱ wu̱a mo̱sse̱ u̱s-rem kap o-To̱n o-dak ne̱ be-u̱r gaan be-de u̱n ko-Gwo̱mo wan-gaan. Ka ko-Gwo̱mo-wu̱ ro̱ Ye̱so Kiristi.

Apisu-ne̱ 3:6

Yo Shir wuke̱ à yo ro̱: be-de u̱n rwo̱r u̱n Ma-to̱ m-Re̱re̱m to̱ ma Kiristi Ye̱so, ye̱ ro̱ Yahuda-ne̱ á, yan-dor Ye̱so ye̱a kum u̱r-gwu̱u̱g hond hond u̱n te̱ ne̱ Yahuda-ne̱. No̱ u̱n te̱ ne̱ a waragte̱ u̱ntu̱n hun-ne̱ gaan. No̱ ye̱ ro̱ Yahuda-ne̱ á no̱ ro̱ u̱n de ma no̱ gwu̱u̱g-de ne̱ de ka yo Shir su̱ru̱ na o-nu u̱n bu̱-o Ye̱so Kiristi à.

Korosiya-ne̱ 3:11

Remen Shir muutu̱ no̱ hun-ne̱ pu̱-ye̱ m-mo̱ka koos-m mo̱ kus á. U̱n ko-Yahuda, u̱n wu̱ ro̱ ko-Yahuda á, myet gaan-to̱. Ko̱ a ko̱o̱g ne̱t, ko̱ a ko̱ wu̱ á, myet gaan-to̱. Koos-m mo̱ kus á, ko̱ ko-hamat ko̱ ko-yan-ba-u̱s-we̱e̱r ne̱, ko̱ ne̱ ko-gu̱w, ko̱ ne̱ wu̱ ro̱ ko-gu̱w á. Kiristi wu̱ jiishe̱ ko̱yan, wu̱ wu̱ ro̱ tomso ne̱ n-me̱ u̱n hun-ne̱ ye̱ u̱n wu̱ myet.

U̱t-Hyangan 11:19

Ka da-de a tikshu̱ru̱ Pyo-o̱ Shir n-To̱n shir. Ka da-o̱ a hyanu̱ru̱ kà ba-o̱ u̱n wu̱ o̱ u̱n e̱ss u̱t-ma o̱ n-me̱ u̱n Pyo-o̱ u̱n wu̱. A nomoru̱ o̱ ken myakt-o̱, o-zaaz ne̱, o-dàkàr ne̱, u̱n nukte̱-mo̱ o-dak ne̱, u̱n caari-ye̱ u̱n ta'ar-ye̱ u̱n kem ne̱.

U̱t-Hyangan 19:11

Ka da-de u̱m hyanu̱ru̱ To̱n-o shir tikshite̱, komo jo̱k-o pus-yo ro̱ eso kaane̱. Ka wu̱ daa ká jo̱k-yo à, jin-de u̱n wu̱ Ko-yan-E̱ss u̱t-Ma komo Wa-o-Nip. U̱n me̱n-u̱t pus-to̱ wu̱ ro̱ u̱n piish u̱t-ma komo u̱r-gu̱n ne̱.

U̱t-Hyangan 4:1

Bo̱n kane̱, u̱m dooru̱ hyan u̱n to̱ ken hyangan-to̱, u̱m hyang o̱ ken ish-o̱ tikshisse̱ n-To̱n shir. U̱m dooru̱ m-ho̱ge̱ u̱n ká co̱r-o̱ u̱m ho̱ge̱ n-ga à. O̱ te̱psu̱tu̱ me̱ u̱ntu̱n o-kar o̱ ze̱e̱ru̱ me̱, “Daan kane̱, man kutu wo̱ rii-yo he m-ko̱r u̱n jim-de u̱n yo ka à.”