Ruka 8:25 - Mɑ‑to̱ Shir Taku̱rda-o swo̱r o-nu pu̱-o̱

²⁵ Ka da-de wu̱ ze̱e̱ru̱ yan-neke̱-mo̱ u̱n wu̱, “¿Remen yan o̱ no̱ she̱rté̱ u̱n me̱ á?” Amba ye̱ ho̱gu̱te̱ o-gye̱r komo ye̱ ze̱e̱ru̱ hi u̱n de u̱n ye̱, “¿Yan go̱n ne̱t-wu̱ ne̱ wu̱ ka? M-yo, m-ho̱ ne̱ mo̱ ro̱ wu̱ o-do̱ro̱tte̱.”

Ruka 8:25 ပူးပေါင်းရင်းမြစ်များ

Matiyos 14:31

U̱n gyept-o̱ u̱n yish, Ye̱so tabbu̱ru̱ kom-o̱ u̱n wu̱, wu̱ shipu̱ru̱ Bitrus. Ye̱so ze̱e̱ru̱ Bitrus, “Wo̱tt m-she̱r de̱e̱n á, ¿remen yan o̱ o ryegente̱?”

Matiyos 17:20

Ye̱so ze̱e̱ru̱ ye̱, “Remen she̱r-m no̱ ro̱ de̱e̱n á. Nip-o̱ me̱ no̱ m-ru̱re̱, u̱rege̱ she̱r-m no̱ wo̱o̱g go̱s-to̱ u̱n go'-yo o-mosta yo jiishe̱ u̱s-re̱k be-de u̱n go̱ kap à, no̱a rees m-ze̱e̱ ka haag-o̱ ine̱ zee-mo̱ u̱n kane̱ ha-mo̱ u̱n re̱e̱no̱, komo o̱a ine̱. Yatt rii-yo he no̱ m-kwange̱ á.”

Matiyos 6:30

¿U̱rege̱ har Shir ro̱ m-nome̱ u̱n gwo̱-se o-ko̱t u̱t-geger to̱ ro̱ kane̱ caane̱, m-buk a tu̱ks to̱ à, yagu̱nte̱ no̱? No̱ m-she̱r be-de u̱n wu̱ de̱e̱n á!

Matiyos 8:10

Bo̱ Ye̱so ho̱gu̱te̱ kaane̱ à, wu̱ bo̱pu̱ru̱ o-nu. Wu̱ ze̱e̱ru̱ yan-neke̱-mo̱ u̱n wu̱, “Nip-o̱ me̱ no̱ m-ru̱re̱, ko̱ n-me̱ u̱n dak-o̱ o-Isra me̱ tak m-kum wa-m-she̱r m-'wo̱ns ne̱ u̱ntu̱n wu̱ ka á.

Matiyos 8:26

Ye̱so ze̱e̱ru̱ ye̱, “¿Remen yan no̱ ho̱gu̱te̱ o-gye̱r kaane̱? No̱tt m-she̱r be u̱n de de̱e̱n á.” Ka da-de wu̱ inu̱ru̱, wu̱ te̱pru̱ru̱ ká yo-mo̱ u̱n ká sa-mo̱ ne̱, kap o̱ u̱n ká be-de re̱su̱ru̱ ceen.

Markus 4:35

Ka da-de ne̱ m-rim, Ye̱so ze̱e̱ru̱ yan-neke̱-mo̱ u̱n wu̱, “Haan a pes no̱ jit-de o-mar.”

Ruka 12:28

U̱rege̱ Shir ro̱ m-tu̱pe̱ u̱n gwo̱-se o-ko̱t u̱t-matuku gwo̱-se ro̱ caane̱ à, m-buk se̱ ro̱ ko̱n á, se̱ tu̱kse̱. No̱ aragte̱ se̱, ¿remen yan o̱ wu̱ hette̱ no̱ m-we̱n u̱n rii-yo m-co̱pe? No̱ she̱r be-de Shir de̱e̱n á!

Ruka 8:24

Yan-neke̱-m Ye̱so haaru̱ be-de u̱n wu̱, ye̱ 'yonsu̱ru̱ wu̱, ye̱ ro̱ m-ze̱e̱, “Go̱s-wu̱, Go̱s-wu̱! A ma-to̱ m-mar!” Ye̱so inu̱ru̱, wu̱ huru̱ m-yo u̱t-gaag, m-ho̱ ne̱ mo̱ re̱su̱ru̱ temb.

Ruka 8:26

Ye̱so u̱n yan-neke̱-mo̱ u̱n wu̱ ne̱ pasu̱ru̱ riib-o dak-o̱ o-Garasa, o̱ ro̱ pesto-de Mar-o̱ o-Gariri à.

Yohana 11:40

Ye̱so ze̱e̱ru̱, “¿Me̱ ru̱ru̱ wo̱ o̱ á, u̱m zee wo̱ she̱r hur u̱n du u̱n me̱ ne̱, wo̱a hyen se̱ps-mo̱ Shir à?”