Ruka 8:13 - Mɑ‑to̱ Shir Taku̱rda-o swo̱r o-nu pu̱-o̱

¹³ Ka go̱-ye̱ he̱ne̱ u̱t-ta'ar à, ye̱ ro̱ ye̱ ho̱ge̱ u̱t-ma à, ye̱ go̱ksu̱ru̱ gwe̱rgwe̱r. Amba to̱ co̱w ye̱ u̱t-me̱n á, ya o-da hiin ye̱ go̱kse̱, amba da-o̱ meger-u̱t wo̱o̱ne̱ à, ye̱ hosu̱ru̱.

Ruka 8:13 ပူးပေါင်းရင်းမြစ်များ

Markus 6:20

Ko-Gwo̱mo Here̱ ro̱ u̱n gye̱r-o Yohana. Wu̱ nak wu̱ kashi u̱n ne̱t-wu̱, wan-ba-m-ku̱ko̱p. Remen kaane̱, wu̱ e̱ssu̱ru̱ wu̱ be-de rii a ci wu̱ á. Wu̱ ro m-zo̱'o̱re̱ de̱e̱n da-o̱ Yohana ro u̱t-ma u̱n wu̱ ne̱. Amba kap u̱n kaane̱ ne̱, wu̱ ro̱ u̱n ho̱ge̱ u̱n re̱re̱m-mo̱ u̱n ma-to̱ u̱n wu̱.

Ruka 8:12

Ka go̱-ye̱ he̱ne̱ u̱n co̱w à, ye̱ ro̱ ye̱ ho̱ge̱ à, amba ko-Gwo̱mo-wu̱ u̱n ya-u̱t-ko̱t haag wu̱ deks yo ye̱ ho̱ge̱ à u̱n hur-de u̱n ye̱, remen wu̱ wenet ye̱ be-de m-go̱ks u̱n ma-to̱ u̱n gwu̱.

Ruka 8:14

Ka ye̱ he̱ne̱ be-de u̱n yokor à, ye̱ ro̱ ye̱ ho̱ge̱ à, komo ye̱ go̱ks, amba yaane̱ ye̱ u̱n ye̱ ne̱n á, remen co̱n-to̱ u̱n rii u̱n tu̱k-mo̱ u̱t-me̱n ne̱, co̱n-to̱ u̱n hwo̱r, u̱n co̱n-to̱ u̱n ho̱ge̱ m-re̱re̱m ne̱.

Yohana 15:2

Ko̱ yo ke jet-yo be-de u̱n yo, yo mate̱ á, Tato re a kups yo. Ko̱ yo ke yo ro̱ u̱r-mat à, a ro̱ yo m-ja'as remen yo ja'asté̱ u̱r-mat de̱e̱n.

Yohana 15:6

Kap ne̱t-wu̱ she'ete̱ be u̱n de á, a ruut wu̱ u̱ntu̱n bo̱ a m-kups u̱n jet-yo ba u̱r-mat á. A jore̱, a kamas go̱n ka jet-se be-u̱r gaan. Se hu̱'u̱se̱, a su se o-ra.

Yohana 5:35

Yohana ne̱ sha-mo̱ u̱r-pitirra mo̱, de u̱n 'ya u̱n no̱ m-cecas u̱r-bon ne̱ à. No̱ u̱n re̱e̱b-o̱ u̱n ma-to̱ u̱n wu̱ u̱n ya o-da hiin.

1 Korinti-ne̱ 13:2

Ko̱ me̱ u̱n yar-mo̱ u̱n ko̱'o̱t u̱n ma-to̱ rwu̱u̱ne̱ be-de Shir ne̱ à, u̱m nep komo rii-yo ro̱ wukusse̱ à, u̱m nep komo ho̱n u̱s-nap kap. Komo me̱ m-she̱r ne̱ de̱e̱n, mo̱ wo̱o̱ wugur u̱t-haag à, amba me̱tt m-was á, to̱, me̱ rii-yo á.

1 Korinti-ne̱ 15:2

Komo Shir a gu no̱ u̱n bu̱-yo u̱n ka Ma-to̱ m-Re̱re̱m to̱, u̱rege̱ no̱ go̱kste̱ kom-u̱t yoor. U̱n ba ka á, she̱r-m no̱ be-u̱r Kiristi mo̱ waragte̱ hwaa.

Garatiya-ne̱ 3:1

No̱ raag-ne̱ ya-o-Garatiya! ¿Wa zu̱ngsu̱ no̱ o̱? ¿Ko̱ wu̱ ken wu̱ u̱n nomo no̱ u̱s-baat? U̱m ru̱ru̱tu̱ no̱ cas cas u̱nze Ye̱so Kiristi marag n-to̱n o-kan.

Garatiya-ne̱ 3:4

¿Ashe̱ ko̱o̱b-de no̱ swo̱o̱ go̱-u̱s-go̱ à, waragte̱ hwaa o̱ ka? ¿A nome̱ kaane̱?

Apisu-ne̱ 3:17

Komo me̱ u̱s-ko̱n se Shir, bo̱ Kiristi he m-she'et ko̱yanda u̱n hur-u̱t no̱ remen no̱ she̱re̱g u̱n wu̱ à. Me̱ u̱s-ko̱n no̱ cu̱n Shir, u̱n o̱r no̱ ne̱. Ká co̱n-to̱ a doo no̱ m-'wo̱ns.

Korosiya-ne̱ 1:23

Nip-o̱ u̱rege̱ no̱ ma'aste̱ m-she̱r be-de u̱n Ma-to̱ m-Re̱re̱m. Se̱ no̱ she̱re̱g u̱r-be̱e̱b ne̱ u̱ntu̱n hur-o̱ a ma'e̱ n-to̱n u̱n shi'it-de m-'wo̱ns à. Taase no̱ yage̱ ko̱ wu̱ ke ne̱t-wu̱ we̱n no̱ hwo̱ o-dish u̱n rii-yo Shir swo̱re̱ o-nu u̱n Ma-to̱ m-Re̱re̱m to̱ u̱n wu̱ à. No̱ be'esu̱te̱ no̱ ho̱gu̱ssu̱te̱ ka ma-to̱. A ru̱ssu̱te̱ hun-ne̱ ka Ma-to̱ m-Re̱re̱m to̱ ho̱no o-dak kap. Komo me̱ Burus u̱n hi u̱n de wan-gaan wu̱ be-de u̱n gu̱w-ne̱ ye̱ Shir ya m-ko̱'o̱t u̱n ka ma-to̱.

Korosiya-ne̱ 2:7

She̱r no̱ geer-u̱s no̱ n-me̱ u̱n Kiristi, komo no̱ se̱nge̱ m-do̱ be-de u̱n nap-se u̱n wu̱. Komo se̱ngu̱ no̱ m-she̱r u̱r-be̱e̱b ne̱ be-de u̱n yo hun-ne̱ yoosu̱ no̱ à mo̱sse̱ u̱n Kiristi ne̱ à. Komo no̱ se̱nge̱ bo̱ngo̱n-de Shir.

1 Tasaronika-ne̱ 3:5

Remen kaane̱, bo̱ me̱ hokse̱ 'mo̱ u̱r-hur á, o̱ hante̱ u̱m to̱mbu̱te̱ Timoti remen u̱m ho̱gu̱té̱ ma-to̱ u̱n she̱r-m no̱. U̱m ro o-gye̱r ka wa-u̱t-meger-wu̱, be'esse̱ wu̱ raks no̱, komo se̱nge̱-mo̱ te̱ no̱me̱ be u̱n no̱ à mo̱ warag hwaa.

1 Timoti 1:19

Da-o̱ wo̱ ro u̱n ko̱'o̱t u̱n Ma-to̱ Shir, ma'as n-te̱ m-she̱r, komo hur u̱n du kaps wo̱ á. Ye̱ ken hun-ne̱ ye̱ hur-de u̱n ye̱ kapste̱ ye̱. Remen kaane̱ ye̱ hoks m-she̱r be-de Shir á.

Yahuda-ne̱ 10:39

Amba na, a u̱ntu̱n ye̱ wo̱ngse̱ hi-de u̱n ye̱ n-me̱ m-she̱r be-u̱r Ye̱so á. Ka ye̱ Shir he m-jorbe̱ n-me̱ o-ra à. A ro̱ ka ye̱ she̱re̱ har da-o̱ a he kum u̱n gwu̱ à.

Yakubu 2:26

Remen kaane̱, bo̱ wu̱r-o̱ u̱n ne̱t-wu̱ ro̱tte̱ o-ku̱kt á margan o̱, kaane̱ o̱ komo m-she̱r ba m-se̱nge̱ margan-mo̱.

2 Bitrus 2:20

Me̱ u̱n ze̱e̱ yo ka mo̱sse̱ u̱n yan-yoos-de u̱t-bo̱ ne̱ remen ye̱ rwu̱nte̱ be-de u̱n rii-yo ba u̱r-bon yo u̱n ho̱no o-dak yo ro̱ m-naas u̱n hur-de u̱n hun-ne̱ à. Yo ka u̱n nome̱ remen ye̱ nak Ye̱so Kiristi wu̱ ro̱ Wan-Ko̱yan u̱n Wan-Gwu̱ ne̱. Amba m-mo̱ka ye̱ yagu̱te̱ rii yo̱-yo hoks ye̱, ye̱ ro̱ yo komo m-nome̱ o-do̱ro̱tte̱. Remen kaane̱ ho̱o̱g-mo̱ u̱n ye̱ u̱r-bu̱ste̱ a jiish m-naase̱ arge̱-mo̱ n-ga, remen ye̱ yagu̱te̱ Kiristi.

2 Bitrus 2:22

Rii-yo ye̱ no̱me̱ à yo no̱mo̱g hond hond u̱n ka Swo̱o̱g-to̱ u̱t-Ma to̱ ne̱ u̱nze, “Wo̱-o gwo̱'o̱g u̱t-gwò̱ yo wargu̱ru̱ to̱ m-rekem.” Komo, “Are̱de-yo a zo̱re̱ à yo waragte̱ u̱t-byorke̱ n-me̱ o-ru̱p.”

1 Yohana 2:19

Ká hun-ne̱ ye̱ u̱n rwu̱u̱n be-u̱r na, myet u̱n kaane̱ ne̱ ye̱ kang-o gaan u̱n na ne̱ á. Ye̱ rotte̱ kang-o gaan u̱n na ne̱, ye̱ ro̱a she'et be-u̱r gaan u̱n na ne̱. Amba koos-mo̱ u̱n ye̱, mo̱ a nepte̱ ye̱ ma na ye̱ á, ko̱ n-ga.

Yahudas 1:12

Da-o̱ ka hun-ne̱ ye̱, she'ete̱ n-me̱ u̱n mo̱ro̱g-u̱r no̱ de m-re̱ m-was ne̱ mo̱ u̱n Wan-Ko̱yan, ya ye̱ ro̱ u̱ntu̱n u̱t-ta'ar to̱ ro̱ u̱n ku̱s o̱ m-ho̱ à, to̱ hat-o wo̱ de'e̱ se̱ m-sabre̱ à. Ye̱ ro̱tt m-'e̱ á. Hi u̱n de u̱n ye̱ temb ye̱ ro̱ m-re̱e̱gte̱. Ya ye̱ ro̱ u̱ntu̱n zaan-mo̱ u̱n kem-o̱ ba m-ho̱ à, amba ba m-ho̱ n-me̱. Ya-m-mo̱r to̱ u̱t-ma amba ba m-hoks u̱n rwu̱nte̱ u̱n rii. Ya ye̱ ro̱ u̱ntu̱n 'yo-se ba u̱r-mat da-o̱ depe̱ à. Ba mar-mo̱ ku̱kt-o̱ ye̱ mare̱ cot á, har ma ye̱ hu̱'u̱sse̱ gaw remen a mu'ussu̱te̱ ye̱ u̱s-geer ne̱.