Ruka 8:1 - Mɑ‑to̱ Shir Taku̱rda-o swo̱r o-nu pu̱-o̱

¹ Bo̱ da-o̱ doote̱ à, Ye̱so do̱ru̱ru̱ to̱ ken bo̱-u̱t caari-to̱, u̱t-re̱k-to̱ ne̱, wu̱ ro̱ m-rwo̱r u̱n Ma-to̱ m-Re̱re̱m to̱ u̱n gwo̱mo-to̱ Shir. Yan-neke̱-mo̱ u̱n wu̱ o̱p u̱n yoor [12] ro̱ u̱n wu̱ ne̱.

Ruka 8:1 ပူးပေါင်းရင်းမြစ်များ

Matiyos 11:1

Bo̱ Ye̱so komte̱ ru̱re̱ u̱n yan-neke̱-mo̱ u̱n wu̱ o̱p u̱n yoor [12] ká ma-to̱ à, ka da-de, wu̱ inu̱ru̱ káne̱ wu̱ haaru̱ to̱ ken bo̱-to̱ u̱n dak-o̱ o-Gariri. Wu̱ yoosu̱te̱ hun-ne̱ komo wu̱ ko̱'o̱tu̱ru̱ ye̱ Ma-to̱ Shir.

Matiyos 13:19

Ka go̱'-ye̱ he̱'e̱ne̱ n-riib u̱n co̱w à, ye̱ ro̱ ka ye̱ ho̱ge̱ ma-to̱ u̱n Gwo̱mo-to̱ Shir à amba ye̱ nap to̱ atte̱ ma-to̱ u̱n to̱ á. Ko-Gwo̱mo-wu̱ u̱n ya-u̱t-ko̱t haanu̱ru̱, wu̱ rwo̱o̱'ru̱ to̱-to̱ ke ye̱ u̱n rii-yo ye̱ ho̱ge̱ à.

Matiyos 4:23

Ye̱so bo̱pu̱ m-pa'ag myet dak-o̱ o-Gariri, wu̱ ro̱ u̱r-yoos u̱n kuke̱-to̱ u̱n yoos u̱n Ma-to̱ Shir. Wu̱ ro̱ m-ko̱'o̱t Ma-to̱ m-Re̱re̱m to̱ u̱n gwo̱mo-to̱ Shir. Komo wu̱ taaste̱ go̱m-se u̱n hun-ne̱ u̱n ya-ba-m-gu̱gaaz mo̱ o-wu̱r ne̱.

Matiyos 9:35

Bo̱n kane̱, Ye̱so do̱ru̱ru̱ myet o̱ u̱t-bo̱ u̱n ye̱ ro n-me̱ o-ko̱t ne̱ à. Wu̱ ro u̱r-yoos u̱n kuke̱-to̱ u̱n yoos u̱n Ma-to̱ Shir. Wu̱ ro u̱n ko̱'o̱te̱ u̱n hun-ne̱ Ma-to̱ m-Re̱re̱m to̱ u̱n gwo̱mo-to̱ Shir. Wu̱ ro̱ komo m-taase̱ u̱n hun-ne̱ u̱s-go̱m u̱n ko̱ o̱ ke go̱n go̱m-o̱ u̱n ko̱o̱b-de u̱n gu̱gaaz-mo̱ o-wu̱r mo̱ ne̱.

Markus 1:39

Ye̱so ko̱mu̱ru̱ do̱re̱ u̱n ho̱n u̱n dak-o̱ o-Gariri kap, wu̱ ro̱ u̱n ko̱'o̱t u̱n Ma-to̱ Shir u̱n kuke̱-to̱ u̱n yoos u̱n Ma-to̱ Shir. Wu̱ ruutu̱ru̱ ya-u̱t-ko̱t u̱n hi-to̱ u̱n hun-ne̱.

Ruka 1:80

Ka wà-wu̱ bo̱'o̱su̱te̱, komo u̱r-be̱e̱b de u̱n Ku̱kt-o Shir ne̱. Wu̱ she'ete̱ u̱n dak-o̱ o-dákár, har se̱ da-o̱ wu̱ rwu̱u̱ne̱ cas be-de u̱n hun-ne̱ ye̱ o-Isra.

Ruka 20:1

De ken ho̱-de, Ye̱so ro̱ u̱n Pyo-o̱ Shir, wu̱ ro̱ m-yoose̱ u̱n hun-ne̱, komo wu̱ ro̱ u̱n rwo̱r u̱n ka Ma-to̱ Shir to̱, Ma-to̱ m-Re̱re̱m, Gwo̱mo-ne̱ ye̱ u̱n ko̱n-se Shir u̱n yan-Yoos-de o-karamsa ne̱, mo̱sse̱ u̱n se̱k-ye̱ ne̱, haanu̱ru̱. Ye̱ ze̱e̱ru̱ wu̱,

Ruka 4:18

“Ku̱kt-o̱ u̱n Yawe ro̱ u̱n hi u̱n de, remen wu̱ dagante̱ me̱ u̱m hantu̱te̱ ko̱o̱b-ne̱ ka Ma-to̱ m-Re̱re̱m to̱. Wu̱ to̱mu̱nte̱ me̱ u̱m ko̱'o̱t a us ka ye̱ a gage̱ à, komo u̱n ups u̱n yish-ye̱ u̱n po̱-ne̱ ne̱. U̱m guut ye̱ a mo̱'e̱ à,

Ruka 9:6

Yan-neke̱-mo̱ u̱n wu̱ ruuru̱ ye̱ do̱ru̱ru̱ u̱t-bo̱, ye̱ ro̱ m-rwo̱r u̱n ka Ma-to̱ m-Re̱re̱m to̱ komo u̱n taas u̱n go̱m-se u̱n hun-ne̱ ko̱ kene̱.

Se̱nge̱-mo̱ 10:38

No̱ nepste̱ Shir daage̱ Ye̱so wu̱ o-Nazaret, bo̱ Shir ya'ase̱ wu̱ Ku̱kt-o̱ Shir à, komo u̱r-be̱e̱b ne̱. Remen Shir ro mo̱sse̱ u̱n wu̱ ne̱, wu̱ se̱ngu̱ m-pa wu̱ ro u̱n no̱m u̱n se̱nge̱-mo̱ m-so̱k, wu̱ ro u̱n taase̱ u̱n kap ye̱ ko-Gwo̱mo-wu̱ u̱n ya-u̱t-ko̱t shipe̱ à, go̱m-se u̱n ye̱.

Se̱nge̱-mo̱ 13:32

“Te̱ ma te̱ hantu̱tu̱ no̱ Ma-to̱ m-Re̱re̱m, u̱nze ka Ma-to̱ Shir swo̱re̱ o-nu u̱n tat-ne̱ na ne̱ à.

Roma-ne̱ 10:15

¿Re yan-ko̱'o̱t u̱n Ma-to̱ Shir he m-ko̱'o̱t a to̱m ye̱ á? Bo̱ to̱ ro̱ gense̱ u̱n Ma-to̱ Shir à u̱nze, “Wo̱o̱n-mo̱ u̱n yan-ko̱'o̱t u̱n Ma-to̱ m-Re̱re̱m rii-yo u̱r-bon yo de̱e̱n.”