Ruka 6:45 - Mɑ‑to̱ Shir Taku̱rda-o swo̱r o-nu pu̱-o̱

⁴⁵ Kashi u̱n ne̱t ro̱ m-rwu̱nte̱ kashi u̱n rii u̱n hur-de u̱n wu̱, ne̱t yo̱-wu̱, komo ro̱ m-rwu̱nte̱ rii 'yo̱-yo u̱n hur-de u̱n wu̱, remen nu-o̱ ro̱ m-rwo̱r u̱n rii-yo ro̱ u̱r-hur à.

Ruka 6:45 ပူးပေါင်းရင်းမြစ်များ

Yohana 7:38

Kap wu̱ she̱re̱ u̱n me̱ à, bo̱ Ma-to̱ Shir rwo̱re̱ à, ‘Be-de u̱n wu̱ o̱ ho̱-mo̱ u̱n ho̱o̱g he m-rwu̱u̱n bo̱ ro̱o̱g-o ro̱ m-ja à.’ ”

Se̱nge̱-mo̱ 5:3

Bitrus ze̱e̱ru̱, “Wo̱ Hananiya, ¿re nome̱ o yagu̱te̱ ko-Gwo̱mo-wu̱ u̱n ya-u̱t-ko̱t cu̱wu̱t u̱n hur u̱n du, har o nomote̱ Ku̱kt-o̱ Shir u̱t-bo̱, komo o wukute̱ ye̱ ken ye̱ be-de u̱n ka hwo̱r-ye̱ o-kat ye̱?

Apisu-ne̱ 3:8

Me̱ bo'os u̱m es be-de u̱n kap hun-ne̱ ye̱ Shir á. Amba myet u̱n kaane̱ ne̱, Shir ya'ag me̱ se̱nge̱-mo̱ u̱n ko̱'o̱t u̱n ma-u̱t Ye̱so be-de u̱n ye̱ ro̱ Yahuda-ne̱ á, Ma-to̱ m-Re̱re̱m, u̱n Kiristi. Ka Ma-to̱ m-Re̱re̱m to̱ aragte̱ nap-se u̱n ne̱t.

Apisu-ne̱ 4:29

No̱ jar no̱ no̱me̱ o̱r no̱ ma-to̱ u̱n ba u̱r-bon á. Amba cep no̱ ma-to̱ he m-do'e̱ o̱r no̱ ne̱ jaab-o̱ u̱t-me̱n à, remen ye̱ bo'osu̱té̱ m-she̱r ne̱ be-de Shir remen ma-u̱t u̱n no̱. Rwo̱r no̱ ma-to̱ depe̱ à, to̱ he gu u̱n hun-ne̱ à.

Apisu-ne̱ 5:19

Te̱pse̱ no̱ o̱r no̱ ne̱ u̱n Se̱p-to̱ u̱r-Bo̱ngo̱n to̱ Shir. Komo no̱ hu'e̱ Wan-Ko̱yan u̱t-se̱p u̱t-dum ne̱ to̱ u̱r-bo̱ngo̱n u̱n hur-u̱t no̱.

Korosiya-ne̱ 3:16

Yage̱ ma-u̱t Kiristi to̱ she'ete̱ n-me̱ u̱n hur-u̱t no̱ ko̱ o̱ ke da-o̱, to̱ reet hi-de u̱n yo no̱ m-nom à u̱n yo no̱ u̱s-barag ne̱ à. No̱m no̱ yo ka be-de u̱n yoose̱ u̱n o̱r no̱ ne̱ u̱s-we̱e̱r ne̱, no̱ u̱n o̱r no̱ ne̱ myet u̱t-ma we̱e̱r-u̱s-we̱e̱r. Tomso ne̱, no̱ u̱n hu u̱n Se̱p-to̱ u̱r-Bo̱ngo̱n to̱ Shir, komo no̱ hu'e̱ u̱t-se̱p, u̱t-dum ne̱ to̱ mo̱sse̱ Kiristi remen no̱ kututé̱ Shir u̱nze hur-u̱t no̱ ya'ase̱ wu̱ u̱r-bo̱ngo̱n.

Korosiya-ne̱ 4:6

Nomo no̱ ye̱ u̱t-ma gwe̱rgwe̱r, remen ye̱ ho̱gu̱té̱ re̱re̱m-mo̱ u̱n rege̱n no̱ u̱t-to̱ u̱n yo no̱ m-ze̱e̱ à. Da-o̱ no̱ m-rwo̱r à, no̱m no̱ ce̱e̱n remen no̱ nept bo̱ depe̱ no̱ shes wu̱ à we̱e̱r-u̱s-we̱e̱r.

Yahuda-ne̱ 8:10

amba m-mo̱ka u̱m ru̱ssu̱te̱ hun-ne̱ ye̱ o-Isra, To̱ kà ro̱ e̱ss u̱n ma-u̱t re u̱t-pu̱ to̱: Yawe ze̱e̱g da-o ro̱o̱n, man ru̱ karamsa-u̱t re n-me̱ me̱n-to̱ u̱n ye̱. Man gen to̱ komo u̱n hur-de u̱n ye̱. Man warag Shir o̱ u̱n ye̱, ye̱ komo ye̱a warag hun-ne̱ re.

Yahudas 1:15

Wu̱a piishe̱ hun-ne̱ ye̱ u̱n ho̱no o-dak u̱t-ma. Wu̱a kute̱ kap yan-yage̱ u̱n dor o̱ Shir rii-yo ba u̱r-bon yo ye̱ nome̱ Shir à. Wu̱a rwu̱nte̱ cas nu-o jaas-o̱, o̱ ya-u̱r-ba'as yan-yage̱ do̱r o̱ Shir rwo̱re̱ mo̱sse̱ u̱n wu̱ ne̱ à.”