Ruka 6:35 - Mɑ‑to̱ Shir Taku̱rda-o swo̱r o-nu pu̱-o̱

³⁵ Amba co̱n no̱ ye̱ yagu̱ no̱ à, no̱ nome̱ ye̱ rii-yo u̱r-bon, ya'as no̱ mo̱o̱g, no̱ dish a topo no̱ á. U̱rege̱ no̱ no̱mo̱g kaane̱ no̱a kum 'yons-u̱r caari, be-de Shir komo no̱a warag yakar-ye̱ u̱n Shir wu̱ jiishe̱ à. No̱m no̱ kaane̱ remen Shir ro̱ m-'ya u̱n yan-nu-o̱ o-kiit u̱n yan-me̱n-u̱t jaas-to̱ ne̱.

Ruka 6:35 ပူးပေါင်းရင်းမြစ်များ

Matiyos 5:9

Ya-o-zak-ye̱, ka ye̱ ro̱ m-co̱n hun-ne̱ she'et ba u̱t-ween à, remen Shir a dek ye̱ yakar-ye̱ u̱n wu̱.”

Markus 5:7

Wu̱ she̱rgu̱ru̱ u̱s-kan. Wu̱ ze̱e̱ru̱, “Ye̱so, Wà-wu̱ Shir, n-to̱n, ¿ya da wo̱ u̱n me̱ ne̱? Hakku̱re̱, u̱m mo̱ssu̱te̱ wo̱ u̱n Shir ne̱, wo̱ 'ya me̱ u̱r-ko̱o̱b á!”

Ruka 1:32

Wu̱a nom u̱t-go̱s, a eeg wu̱, wà-wu̱ u̱n Shir n-To̱n. Wan-Ko̱yan Shir a sagbe̱ wu̱ u̱t-gwo̱mo, bo̱ Dawuda ro à,

Ruka 6:36

Ho̱gu̱ no̱ u̱r-'wo̱n bo̱ tato no̱ ro̱ u̱r-'wo̱n ne̱ à.

Yohana 13:35

Kááne̱ o̱ ko̱wan he m-nap u̱nze yan-neke̱-m re ye̱ no̱ ro̱, u̱rege̱ de̱ u̱nze no̱ m-was u̱n o̱r no̱ ne̱ ne̱.”

Yohana 15:8

Ka bo̱-se ne̱ o̱ ka an se̱ke̱mse̱ u̱n Tato re u̱rege̱ no̱ u̱r-mat de̱e̱n. Ka bo̱-o̱ tomso no̱ he m-kute̱ u̱nze yan-neke̱-m re no̱ ro̱.

Se̱nge̱-mo̱ 14:17

Kap u̱n kaane̱ ne̱ komo, wu̱ we̱t u̱n yage̱ u̱n hi u̱n de u̱n wu̱ ba o-napa á. Wu̱ wu̱ ro̱ no̱ u̱n 'ya u̱n kem, o-go̱s u̱n rem-se o-kat ne̱. Wu̱ ro̱ no̱ m-coks u̱n rii-yo m-re̱, wu̱ ro̱ no̱ komo u̱n rwo̱ u̱n zak-o̱ u̱t-me̱n.”

2 Korinti-ne̱ 8:9

Remen no̱ nepse̱ yar-m Wan-Ko̱yan Ye̱so Kiristi rem na. Ko̱ de̱ nomte̱ wu̱ ro̱ u̱n ko̱ yo ke rii-yo ne̱ à, myet u̱n kaane̱ ne̱, wu̱ waragte̱ ko-ko̱o̱b rem no̱. Remen ko-ko̱o̱b-wu̱ wu̱ warge̱ à, o̱ rwo̱'e̱ no̱ kumut ko̱ yo ke rii-yo u̱n co-o̱ Shir.

2 Timoti 3:2

Yo rwo̱'e̱ u̱m zeet kaane̱ à, remen: Hun-ne̱ ye̱a ma'as yan-co̱n-to̱ u̱n hi u̱n de u̱n ye̱ temb. Ye̱a ma'as yan-co̱n-to̱ u̱n hwo̱r, Ya-u̱s-se̱s, Yan-nu̱-mo̱ u̱r-hi, Ya-u̱t-re̱e̱b, Yan-ko̱o̱b-de o-do̱ro̱tte̱ o̱ u̱n ye̱ mate̱ ye̱ à, Yan-nu-se u̱n o-kiit, Yan-ko̱o̱b-de u̱n gye̱r-o̱ Shir.