Ruka 6:20 - Mɑ‑to̱ Shir Taku̱rda-o swo̱r o-nu pu̱-o̱

²⁰ Ye̱so gwo̱tu̱ru̱ yan-neke̱-mo̱ u̱n wu̱, wu̱ ze̱e̱ru̱, “Shir ya'ag no̱ o-kwu̱m no̱ ye̱ ro̱ ko̱o̱b-ne̱ m-mo̱ka à, remen gwo̱mo-to̱ Shir to̱ ma no̱ to̱!

Ruka 6:20 ပူးပေါင်းရင်းမြစ်များ

Matiyos 11:5

Po̱-ne̱ ro̱ m-kum o-hyan m-mo̱ka. Ryam-ne̱ ro̱ u̱r-hew, cim-ne̱ ro̱ u̱n kum m-po̱rge̱, 'kato̱-ne̱ ro̱ m-ho̱ge̱ u̱t-ma, a m-'yons u̱n ye̱ mare̱ à, komo a m-ko̱'o̱te̱ u̱n ko̱o̱b ne̱ Ma-to̱ m-Re̱re̱m.

Matiyos 25:34

“Ka da-o̱ ko-Gwo̱mo he m-ze̱e̱ ye̱ ro̱ u̱n re̱-de u̱n wu̱ à, ‘Haan no̱, no̱ ye̱ kume̱ o-kwu̱m be-u̱r Tato re à! Go̱ks no̱ cim-yo u̱t-gwo̱mo yo Shir e̱ssu̱ no̱ cin u̱n takan-de u̱n ho̱no o-dak à.

Matiyos 5:1

Bo̱ Ye̱so hyente̱ hun-ne̱ mo̱ro̱gsu̱te̱ de̱e̱n à, wu̱ daaru̱ n-to̱n u̱r-haag, wu̱ she'etu̱ru̱. Bo̱ wu̱ she'ette̱ à, yan-neke̱-mo̱ u̱n wu̱ haaru̱ be-de u̱n wu̱.

Ruka 12:32

“No̱ ho̱ge̱ o-gye̱r á, no̱ kur-de u̱n ca re, amba myet u̱n kaane̱ ne̱ no̱ ho̱ge̱ o-gye̱r á. Tato no̱ ro̱ o-zak, wu̱ ye'et no̱ gwo̱mo-to̱ u̱n wu̱.

Ruka 13:28

Kane̱ no̱ he u̱s-kan no̱ ti-m yin da-o̱ no̱ he Ibrahi m-hyan à u̱n Ishaku, Yakubu u̱n kap yan-Rwo̱r u̱n Ma-to̱ Shir ne̱ n-me̱ u̱n gwo̱mo-to̱ Shir, amba Shir a 'ye no̱ ish-o m-co̱w á!

Ruka 14:15

Bo̱ wan-gaan be-de u̱n ka hun-ne̱ ye̱ ro̱ tara, remen ye̱ reet rii-yo m-re̱ ho̱gu̱te̱ kaane̱ à, wu̱ ze̱e̱ru̱ Ye̱so, “Ya-o-zak-ye̱ ka ye̱ he m-she'et tara be-de u̱n biki-o̱ u̱n gwo̱mo-to̱ Shir à!”

Ruka 16:25

“Amba Ibrahi ze̱e̱ru̱, ‘Baks, wà re o, da-o̱ u̱n ho̱o̱g-m ru o ho̱gu̱te̱ m-re̱re̱m, Razarus komo swo̱o̱g u̱r-ko̱o̱b. Amba m-mo̱ka wu̱ ro̱ m-ho̱ge̱ re̱re̱m-mo̱ u̱n wu̱ káne̱, wo̱ ne̱, wo̱ u̱n swo̱ u̱r-ko̱o̱b.

Ruka 4:18

“Ku̱kt-o̱ u̱n Yawe ro̱ u̱n hi u̱n de, remen wu̱ dagante̱ me̱ u̱m hantu̱te̱ ko̱o̱b-ne̱ ka Ma-to̱ m-Re̱re̱m to̱. Wu̱ to̱mu̱nte̱ me̱ u̱m ko̱'o̱t a us ka ye̱ a gage̱ à, komo u̱n ups u̱n yish-ye̱ u̱n po̱-ne̱ ne̱. U̱m guut ye̱ a mo̱'e̱ à,

Se̱nge̱-mo̱ 14:22

ye̱ ro m-do'e̱ u̱n yan-neke̱-m Ye̱so u̱r-be̱e̱b, ye̱ ro ye̱ m-'ya m-'wo̱ns be-de m-she̱r be-de Shir. Ye̱ ro̱ m-ze̱e̱, “Se̱ mo̱sse̱ u̱n swo̱ u̱r-ko̱o̱b ne̱ de̱e̱n a hette̱ co̱w u̱n gwo̱mo-to̱ Shir.”

2 Korinti-ne̱ 6:10

N-me̱ u̱n naase̱-mo̱ u̱t-me̱n, te̱ u̱n kum rii-yo o-zak. Ko̱ de̱ nomte̱ te̱tt rii á, kap u̱n kaane̱ ne̱, rem te̱ hun-ne̱ de̱e̱n kumug rii be u̱n te̱, sa o zee te̱tt rii á, amba ko̱yan yo ma te̱ yo.

2 Korinti-ne̱ 8:2

Ye̱ swo̱o̱g u̱r-ko̱o̱b de̱e̱n remen ye̱ co̱wo̱g o-range̱ u̱n kom-to̱ u̱n ye̱ ro̱ dor á har de warag ye̱ o-zak. Komo de ru̱ ye̱ ken ye̱ ya u̱n caari-mo̱ m-yar sak, ko̱ de̱ nomte̱ ye̱ ro̱ n-me̱ u̱r-ko̱o̱b à.

2 Korinti-ne̱ 8:9

Remen no̱ nepse̱ yar-m Wan-Ko̱yan Ye̱so Kiristi rem na. Ko̱ de̱ nomte̱ wu̱ ro̱ u̱n ko̱ yo ke rii-yo ne̱ à, myet u̱n kaane̱ ne̱, wu̱ waragte̱ ko-ko̱o̱b rem no̱. Remen ko-ko̱o̱b-wu̱ wu̱ warge̱ à, o̱ rwo̱'e̱ no̱ kumut ko̱ yo ke rii-yo u̱n co-o̱ Shir.

1 Tasaronika-ne̱ 1:6

No̱ yooste̱ go̱n she'et u̱n te̱ u̱n de ma Wan-Ko̱yan ne̱ komo, no̱ go̱ksu̱ru̱ Ma-to̱ Shir; Ku̱kt-o̱ Shir ye'et no̱ zak-o̱ u̱r-hur, ko̱ de̱ no̱mte̱ no̱ swo̱o̱g u̱r-ko̱o̱b de̱e̱n à.

2 Tasaronika-ne̱ 1:5

Kap yo ka kutute̱ u̱nze Shir ro̱ u̱n piish u̱t-ma u̱r-bon ne̱, yo ka komo rwu̱ntu̱te̱ cas u̱nze no̱ bo̱'o̱ste̱ m-she'et u̱n gwo̱mo-to̱ Shir remen ka gwo̱mo-to̱, o̱ no̱tte̱ u̱n swo̱ u̱r-ko̱o̱b.

Yakubu 1:12

Shir a hu̱u̱ nu-o̱ u̱r-bon be-de u̱n ne̱t-wu̱ jo̱o̱se̱ n-me̱ u̱n re̱ u̱r-ko̱o̱b de u̱n wu̱ à, wu̱a go̱ks 'yons-de u̱n ho̱o̱g-o̱ u̱n ba m-ta o̱ Shir swo̱re̱ o-nu wu̱a 'ye ye̱ wasse̱ u̱n wu̱ ne̱ à.

Yakubu 2:5

Raag no̱ u̱t-to̱ o̱r re ne̱ yan-dor, ye̱ me̱ m-was à, Shir u̱n daag ka hun-ne̱ ye̱ ro̱ ko̱o̱b-ne̱ à, ye̱ ro̱tte̱ rii á u̱n ho̱no o-dak, remen ye̱ sheret be-u̱r Ye̱so Kiristi Wan-Ko̱yan. Nip-o̱ komo ye̱ ro̱ ya-o-kwu̱m. Komo wu̱ u̱n daag ye̱ remen ye̱ reet ka gwo̱mo-to̱ wu̱ swo̱re̱ ye̱ co̱ne̱ wu̱ à o-nu.

U̱t-Hyangan 2:9

U̱m nepste̱ range̱-o no̱ u̱n ko̱o̱b u̱n no̱ ne̱. Amba no̱ ya-o-kwu̱m-ye̱ n-me̱ u̱n rem-se Shir hyane̱ u̱r-bon ne̱ à. U̱m nepste̱ komo yo'og-yo ka hun-ne̱ ye̱ ro̱ no̱ m-no̱me̱ à. Ye̱ ro̱ m-ze̱e̱ ye̱ ro̱ Yahuda-ne̱, amba ne̱ ba kaane̱ o̱ á, remen mo̱ro̱g-de u̱n ye̱ de u̱n ko-Gwo̱mo-wu̱ u̱n ya-u̱t-ko̱t de.