Ruka 4:41 - Mɑ‑to̱ Shir Taku̱rda-o swo̱r o-nu pu̱-o̱

⁴¹ Ya-u̱t-ko̱t ruuru̱ be-de u̱n hun-ne̱ de̱e̱n ye̱ ro̱ u̱n ye̱ ne̱ à, ye̱ ro̱ u̱n 'yons u̱s-co̱r, “Wo̱ Wà-wu̱ Shir wu̱!” Ye̱so huru̱ ye̱ u̱t-gaag, ye̱ te̱pe̱r á, remen ye̱ nepse̱ Shir daagne̱ wu̱.

Ruka 4:41 ပူးပေါင်းရင်းမြစ်များ

Matiyos 26:63

Amba Ye̱so shas á. Ko-Gwo̱mo-wu̱ u̱n ko̱n-se Shir ze̱e̱ru̱ wu̱, “To̱nd u̱n jin-de Shir wan-ho̱o̱g, u̱rege̱ wo̱ ro̱ Kiristi, Wà-wu̱ Shir.”

Matiyos 4:3

Ko-Gwo̱mo-wu̱ u̱n ya-u̱t-ko̱t haanu̱ru̱, wu̱ megru̱ru̱ Ye̱so. Wu̱ ze̱e̱ru̱ Ye̱so, “U̱rege̱ wo̱ Wà-wu̱ Shir wu̱, rwo̱ ka ta'ar-to̱ barme̱ rii-yo m-re̱!”

Matiyos 8:16

Bo̱ rim-m nomte̱ à, hun-ne̱ hantu̱ru̱ Ye̱so ye̱ ya-u̱t-ko̱t da'e̱ u̱t-hi à de̱e̱n. Wu̱ ruutu̱ru̱ ya-u̱t-ko̱t u̱n rwo̱r u̱t-ma temb. Wu̱ taasu̱ru̱ komo ya-u̱s-go̱m go̱m-se u̱n ye̱ kap.

Matiyos 8:29

Ye̱ kangsu̱ru̱ Ye̱so, “Wà-wu̱ Shir, ¿ya o co̱ne̱ u̱n te̱ ne̱ ya-u̱t-ko̱t? ¿Ko̱ wo̱ u̱n haan o ye'et te̱ u̱r-ko̱o̱b cin ba da-o̱ u̱n wo̱o̱n o̱ Shir e̱sse̱ à?”

Matiyos 8:4

Ka da-de Ye̱so ze̱e̱ru̱ wu̱, “Wo̱ jar o ru̱re̱ ne̱t bo̱ no̱me̱ á. Amba neke̱, o kute̱ wan-Co̱w u̱n ko̱n-se Shir, wu̱r-o ru taag. Komo o seke̱ u̱r-seke̱ bo̱ karamsa-o Mosa zee à. No̱m kaane̱ remen o kututé̱ hun-ne̱ u̱nze cim-u̱t ru taag.”

Markus 1:25

Bo̱ ka ne̱t-wu̱ zette̱ kaane̱ à, Ye̱so hurgu̱ru̱ ko-ya-u̱t-ko̱t u̱t-gaag. Wu̱ ze̱e̱ru̱ wu̱, “Re̱s no̱, no̱ ru u̱n hi-de u̱n wu̱!”

Markus 1:32

Bo̱ ho̱-u̱r he̱bu̱te̱ à, hun-ne̱ ma'asu̱ru̱ Ye̱so u̱n dekne̱ u̱n ya-u̱s-go̱m, kap u̱n ye̱ ya-u̱t-ko̱t da'e̱ u̱r-hi ne̱ à.

Markus 1:34

Wu̱ taasu̱ru̱ ya-u̱s-go̱m de̱e̱n ko̱ wu̱ ke u̱n go̱n go̱m-o̱ u̱n wu̱ ne̱. Wu̱ ruutu̱ru̱ ya-u̱t-ko̱t de̱e̱n. Wu̱ yage̱ ya-u̱t-ko̱t ye̱ te̱pe̱rte̱ á, remen ye̱ nepste̱ wu̱ ro̱ Wà-wu̱ Shir.

Markus 3:11

Da-o̱ ye̱ ya-u̱t-ko̱t da'e̱ u̱r-hi à, hyane̱ Ye̱so à, ye̱ kwu̱ktu̱ru̱ u̱n co-o̱ u̱n wu̱. Ye̱ ze̱e̱ru̱ u̱s-kan, “Wo̱ wu̱ Wà-wu̱ Shir.”

Ruka 4:39

Ye̱so haaru̱ wu̱ e̱su̱ru̱ u̱n riib-o̱ kwu̱u̱r-o̱ u̱n ka ne'a-wu̱, wu̱ rwo̱'u̱ru̱ ka go̱m-o̱ m-ru u̱n wu̱r-o̱ u̱n ka ne'a-wu̱. Ka go̱m-o̱ ruuru̱, ka ne'a-wu̱ inu̱ru̱ kagat. Wu̱ jegu̱ru̱ ye̱ rii-yo m-re̱.

Yohana 20:31

Amba me̱n ge̱n to̱ ka remen no̱ she̱re̱t Ye̱so wu̱ ro̱ Kiristi, Wà-wu̱ Shir, no̱ kumut ho̱o̱g no̱ she̱re̱ u̱n jin-de u̱n wu̱.

Yakubu 2:19

O nepste̱ Shir gaan ye̱, kaane̱ ro̱ u̱r-bon ne̱! Amba ko̱ ya-u̱t-ko̱t ye̱ nak kaane̱, har ma u̱t-zap.