Ruka 21:36 - Mɑ‑to̱ Shir Taku̱rda-o swo̱r o-nu pu̱-o̱

³⁶ Zo̱ngu̱ no̱, komo no̱ ko̱n ko̱ de ke ho̱-de, remen no̱ kumut be̱e̱b-de m-ru u̱n kap yo he m-haan à, komo no̱ est u̱n co-o u̱n Wà-wu̱ u̱n ne̱t.”

Ruka 21:36 ပူးပေါင်းရင်းမြစ်များ

Matiyos 24:42

“Remen kaane̱ she'et no̱ zo̱ngse̱, remen no̱ nap ho̱-de Go̱s-wu̱ wu̱ ma no̱ he m-mu̱u̱n á.

Matiyos 24:43

Amba nap no̱ yo ka, u̱rege̱ ko-ya-o-hur-wu̱ nepse̱ da-o̱ ko-hyow he m-haan m-te̱t à, wu̱a rewe̱ á. Komo wu̱ roa yage̱ a cu̱wu̱t wu̱ o-hur á.

Matiyos 24:44

Remen kaane̱ no̱ ma se̱ no̱ she'et zo̱ngse̱, ko̱ o̱ ke da-o̱. Remen da-o̱ no̱ e̱sse̱ o-sakto̱ á, ka da-o̱ Wà-wu̱ u̱n ne̱t he m-haan.”

Matiyos 25:13

“Remen kaane̱, se̱ no̱ she'et zo̱ngse̱, remen no̱ nap u̱r-ho̱ ko̱ o-da á, o̱ u̱m he m-mu̱u̱n á.

Matiyos 26:41

She'et no̱ zo̱ngse̱ komo no̱ nom u̱s-ko̱n u̱n ba káane̱ á no̱a he̱'e̱be̱ n-te̱ u̱t-meger. Ku̱kt-o dekste̱ m-so̱k ne̱, amba wu̱r-o ro̱tt m-'wo̱ns á.”

Matiyos 8:20

Ye̱so ze̱e̱ru̱ wu̱, “E̱ge̱-ru̱u̱g ro̱ u̱n wu-to̱ u̱n ye̱ ne̱, ye̱ge̱-no komo u̱n be-to̱ u̱n rew-mo̱ u̱n ye̱ ne̱. Amba me̱ Wà-wu̱ u̱n ne̱t me̱tt be-de m-rew á.”

Markus 13:33

Cin da no̱ nepte̱ da-o̱ ka rem-se he m-takan á, ma'as no̱ zo̱ngse̱, yish ho̱o̱ge̱!

Markus 13:37

Ma-to̱ me̱ no̱ m-ru̱re̱ à, me̱ u̱n ru̱re̱ ko̱ wu̱ ke, wu̱ ma'as zo̱ngse̱.”

Ruka 1:19

Ko wan-to̱m-wu̱ Shir shasu̱ru̱, “Me̱ Gebu̱re̱ wu̱, wu̱ ro̱ m-e̱s u̱n be-de Shir à. Shir to̱mne̱ me̱, u̱m ru̱ru̱ wo̱ Ma-to̱ m-Re̱re̱m.

Ruka 18:1

Ye̱so ru̱ru̱ yan-neke̱-mo̱ u̱n wu̱ sha-mo̱ u̱t-ma wu̱ yoosu̱tu̱ ye̱ bo̱ ye̱ he m-se̱nge̱ u̱n ko̱n-se Shir ba m-kar á.

Ruka 20:35

Amba campo̱-ne̱ u̱n ne'a-ne̱ ne̱ ye̱ Shir he m-'yons u̱t-marimar à, remen ye̱ she̱re̱g u̱n wu̱, ye̱ he de m-ga u̱t-ge, u̱n ká da-o̱ á.

Ruka 21:35

u̱ntu̱n ce̱e̱b. Remen de a haan ho̱no o-dak kap de 'wo̱s ko̱ wu̱ ke wu̱ ro̱ u̱n ho̱o̱g ne̱ n-dak à.

Se̱nge̱-mo̱ 10:2

Wu̱ co̱no̱g Shir u̱n hur-u̱r gaan, komo wu̱ ro “Wan-se̱ps u̱n Shir,” kap u̱n yakar-ye̱ u̱n wu̱ ne̱. Wu̱ ro m-se̱nge̱ de̱e̱n be-de u̱n gwu̱-o̱ u̱n Yahuda-ne̱ ye̱ ro̱ ko̱o̱b-ne̱ à, komo ko̱ de ke ho̱-de wu̱ ro u̱s-ko̱n be-de Shir.

1 Korinti-ne̱ 16:13

She'et no̱ zo̱ngse̱, no̱ es m-so̱k ne̱ ne̱ n-me̱ u̱n she̱r-m no̱. She'et no̱ m-ciiz ne̱. Komo m-'wo̱ns ne̱.

2 Korinti-ne̱ 4:14

Remen te̱ nak u̱nze ka wu̱ 'yonse̱ Wan-Ko̱yan Ye̱so be-de u̱n m-mar à, wu̱a 'yons te̱ mo̱sse̱ u̱n Ye̱so ne̱, wu̱ tabbu̱ te̱ mo̱sse̱ u̱n no̱ ne̱ u̱n co-o u̱n wu̱.

Korosiya-ne̱ 4:2

Se̱ngu̱ no̱ u̱s-ko̱n be-de Shir ko̱yanda. Da-o̱ no̱ u̱s-ko̱n à, se̱ngu̱ no̱ u̱r-'er u̱r-bo̱ngo̱n ne̱.

1 Tasaronika-ne̱ 5:17

No̱ ma'as u̱s-ko̱n be-de Shir u̱r-ho̱ bi.

2 Timoti 4:5

Amba wo̱ Timoti, o garamse̱ hi u̱n du ko̱yanda. O 'mo u̱r-hur, da-o̱ u̱n swo̱ u̱r-ko̱o̱b. O no̱m se̱nge̱-mo̱ u̱n ko-ya-m-Rwo̱r u̱n Ma-to̱ m-Re̱re̱m, to̱ Shir. O no̱m se̱nge̱-m ru u̱r-bon ne̱, mo̱ Shir ya'asu̱ wo̱, o nom à.

1 Bitrus 4:7

Ta-de u̱n ko̱ yo ke rii-yo nomoste̱ yow yow. Remen kaane̱ rwo̱ no̱ u̱r-hur sak, no̱ garamse̱ hi u̱n no̱ remen no̱ hoksté̱ u̱s-ko̱n.

1 Bitrus 5:8

Garamse̱ hi u̱n no̱, no̱ she'et zo̱ngse̱ komo yish ho̱o̱g-ye̱. Wan-yage̱-u̱t no̱, ko-Gwo̱mo-wu̱ u̱n ya-u̱t-ko̱t, wu̱ ro̱ u̱t-dwu̱m u̱ntu̱n o-zur o-ko̱t, yo ro̱ u̱t-tu̱w u̱n hoob-o̱ u̱n wu̱ yo he m-ho̱ à.

1 Yohana 2:28

Yakar re, se̱ngu̱ no̱ n-me̱ u̱n Kiristi, remen da-o̱ wu̱ mu̱u̱ne̱ a ho'oste̱ u̱r-hur, bo̱ a hyen m-'e̱ u̱n he̱r-o̱ u̱n wu̱ ho̱-de wu̱ haan á.

Yahudas 1:24

U̱r-bo̱ngo̱n be-de wu̱ ro̱ u̱r-be̱e̱b ne̱ wu̱ wenet no̱ m-he̱ à. Wu̱ komo he no̱ m-heet be-de u̱n wu̱ de jiishe̱ u̱r-bon à ba u̱r-ba'as, se̱ o-zak.

U̱t-Hyangan 11:4

Ka yan-Rwo̱r u̱n Ma-to̱ Shir ye̱ ne̱n yoor-ye̱ ro̱ 'yo-se o-ze̱tun u̱s-yoor u̱n ka pitirra-u̱t yoor-to̱ ne̱ to̱ ro̱ she̱ro she̱ro u̱n he̱r-o Wan-Ko̱yan wu̱ u̱n ho̱no o-dak à.

U̱t-Hyangan 6:17

Remen caari-de u̱r-ho̱ de u̱n ryaab-se u̱n ye̱ woosu̱nte̱, ¿wan wu̱ he hoks m-e̱s?”

U̱t-Hyangan 7:9

Bo̱ to̱ ka aragte̱ à, u̱m gwo̱tu̱ru̱ u̱m 'wo̱s de ken caari-de u̱r-mo̱ro̱g de u̱n yan-ba-m-ku̱ko̱p u̱t-mo̱o̱r ne̱ ye̱ arge̱ m-o̱o̱g à. Ye̱ rwu̱u̱nte̱ so̱ u̱n ko̱ to̱ ke dak-to̱, u̱n ko̱ to̱ ke baag-to̱ ne̱, u̱n ko̱ ye̱ ke hun-ne̱ ye̱ ne̱, u̱n ko̱ de ke rem-de ne̱. Ye̱ ro̱ eso eso he̱r-o̱ u̱n ká kwu̱u̱r-o̱ u̱n co-o̱ u̱n ká Ca-yo. Ye̱ cu̱pste̱ matuku-u̱t se̱e̱b-to̱ u̱t-pus to̱, ye̱ bu̱ps jet-se o-do̱bino̱ u̱n kom-to̱ u̱n ye̱.

U̱t-Hyangan 8:2

Ka da-o̱ u̱m hyanu̱ru̱ yan-to̱m-ye̱ Shir ne̱n ta'yoor eso eso u̱n co-o̱ Shir, komo a ya'asu̱ru̱ ye̱ kar-u̱t ta'yoor-to̱ m-hur.