Ruka 21:17 - Mɑ‑to̱ Shir Taku̱rda-o swo̱r o-nu pu̱-o̱

¹⁷ Ko̱ wu̱ ke wu̱a yagu̱ no̱ rem re.

Ruka 21:17 ပူးပေါင်းရင်းမြစ်များ

Matiyos 10:22

Hun-ne̱ ko̱ kene̱ a yagu̱ no̱ remen no̱ yan-neke̱-m re ye̱. Amba bo̱ u̱n ye̱ jo̱o̱se̱ har ha-mo̱ u̱r-ko̱m à Shir a gu ye̱.

Matiyos 24:9

“Ka da-de ye̱a ship no̱, a 'ye no̱ u̱r-ko̱o̱b, ye̱ ho no̱. Komo, ho̱no o-dak kap a yagu̱ no̱ remen no̱ me̱ m-do̱re̱.

Matiyos 5:11

Ya-o-zak-ye̱ no̱, da-o̱ hun-ne̱ pyapu̱ no̱ à, ye̱ re̱e̱su̱ no̱ u̱r-ko̱o̱b, komo ye̱ nomo no̱ me̱n-u̱t jaas-to̱ go̱-u̱s-go̱ rem re.

Markus 13:13

Ko̱ wu̱ ke ne̱t-wu̱ wu̱a yage̱ no̱ remen no̱ yan-neke̱-m re ye̱. Amba kap wu̱ hokse̱ m-gaag u̱n me̱n-to̱ u̱n wu̱ har ta-de u̱n ho̱o̱g-o̱ u̱n wu̱ à, wu̱a po̱sse̱ ra-o̱ Shir.

Ruka 21:16

A heet ce̱te̱nte̱-u̱s no̱ be-de u̱n ye̱ mate̱ no̱ à, hen-ne̱ no̱ u̱n baag-o no̱ ne̱, u̱n nay no̱ ne̱ ne̱, komo ye̱a ho ye̱ ken ye̱ be-u̱r no̱.

Ruka 21:18

Amba ko̱ o-hi o-gaan u̱n hi u̱n no̱ yoa he̱'e̱n á.

Ruka 6:22

Shir ya'ag no̱ o-kwu̱m da-o̱ hun-ne̱ yage̱ no̱ à, ye̱ co̱n no̱ á, ye̱a pyapar no̱, ye̱ zee no̱ u̱n me̱n-u̱t jaas-to̱ ne̱, kap rem re Wà-wu̱ u̱n ne̱t!

Yohana 15:19

No̱ rotte̱ yan-ho̱no-o-dak, ye̱ roa cu̱n no̱. Amba remen no̱ yan-ho̱no-o-dak ye̱ á, tomso ne̱ me̱ daage̱ no̱ u̱n ho̱no o-dak, o̱ hante̱ yan-ho̱no-o-dak yagu̱tu̱ no̱.

Yohana 15:21

Ye̱a rangsu̱ no̱ kááne̱ remen jin u̱n de, remen ye̱ nap ne̱t-wu̱ to̱mne̱ me̱ á.

Yohana 17:14

U̱m ru̱ru̱te̱ ye̱ ma-u̱t ru. Hun-ne̱ ye̱ u̱n ho̱no o-dak yagu̱ru̱ ye̱, remen ye̱ ba ye̱ ma ho̱no o-dak ye̱ á, u̱ntu̱n bo̱ u̱m ro̱ wu̱ ma ho̱no o-dak á.

Yohana 7:7

Co̱w-o ro̱ ko̱n ho̱no o-dak u̱ yagu̱te̱ no̱ á. Me̱ wu̱ de̱ ho̱no o-dak ro̱ u̱t-yage̱ remen me̱ m-rwo̱r u̱n rem-se o̱ ro̱ m-no̱m à, se u̱n ba u̱r-bon.

Se̱nge̱-mo̱ 9:16

Me̱ u̱n hi u̱n de, man kussu̱ wu̱ ko̱o̱b-de wu̱ he m-swo̱ ba wu̱ u̱n co̱n u̱n remen jin u̱n de à.”

2 Korinti-ne̱ 12:10

Da-o̱ hun-ne̱ ye̱ ro me̱ u̱t-re̱e̱b, ko̱ ye̱ 'ye me̱ u̱r-ko̱o̱b, ko̱ ye̱ rangse̱ me̱, ko̱ ye̱ egnu̱tu̱ me̱ u̱r-ko̱o̱b remen u̱m do̱re̱ Kiristi à, me̱ m-no̱m o-zak. Me̱ u̱n ze̱e̱ kaane̱ remen da-o̱ me̱ kende̱ ka da-o̱ o̱ me̱ u̱n kum u̱r-be̱e̱b de rwu̱u̱ne̱ be-de Shir à.

2 Korinti-ne̱ 4:11

Kap o̱ u̱n ho̱-u̱t na u̱n ho̱no o-dak a u̱n kom-to̱ m-mar rem Ye̱so, remen a hyenet ho̱o̱g-m Ye̱so u̱n wu̱r-u̱t na to̱ m-mar.

2 Korinti-ne̱ 4:5

Remen ba ma-to̱ u̱n hi u̱n te̱ to̱ te̱ m-rwo̱r á, amba to̱ ma Ye̱so Kiristi Wan-Ko̱yan. Te̱ ne̱ gu̱w-ne̱ no̱ te̱ ro̱ rem Ye̱so.

Piripi-ne̱ 1:29

U̱m ze̱e̱g yo ka, remen Shir ya'ag no̱ da-o̱ u̱n go̱ks u̱n ma-u̱t Kiristi, komo Shir ya'ag no̱ o-da no̱ su̱ u̱r-ko̱o̱b u̱n wu̱ ne̱.

1 Bitrus 4:14

U̱rege̱ a pyapu̱rtu̱ no̱ remen jin-u̱r Kiristi, no̱ ya-o-kwu̱m-ye̱, remen Ku̱kt-o̱ m-se̱ps, u̱n o̱ Shir ne̱ ro̱ be-u̱r no̱.

U̱t-Hyangan 2:3

No̱ mo̱'o̱g u̱r-hur u̱n swo̱ u̱r-ko̱o̱b rem re komo no̱ pu̱ á.