Ruka 18:12 - Mɑ‑to̱ Shir Taku̱rda-o swo̱r o-nu pu̱-o̱

¹² U̱n ho̱-u̱t ta'yoor me̱ u̱n no̱m o-swo̱o̱t ho̱-u̱t yoor, me̱ kume̱ rii-yo wo̱o̱ o̱p à, me̱ wo̱ m-ya'as o-gaan.’

Ruka 18:12 ပူးပေါင်းရင်းမြစ်များ

Matiyos 5:20

“Me̱ no̱ m-ru̱re̱, u̱rege̱ kashi u̱n she'et-u̱r no̱ de jiish de u̱n yan-Yoos-de o-karamsa u̱n Parisa-ne̱ á, no̱a cu̱w n-me̱ u̱n gwo̱mo-to̱ Shir á ko̱ hiin.

Matiyos 6:1

Ye̱so haaru̱ co u̱n yoose̱ u̱n yan-neke̱-mo̱ u̱n wu̱. Wu̱ ze̱e̱ru̱, “Da-o̱ no̱ nome̱ rii-yo u̱r-bon taase no̱ nom u̱n yish-ye̱ u̱n hun-ne̱ remen ye̱ bu̱mu̱t no̱. U̱rege̱ no̱ no̱mo̱g rii-yo u̱r-bon remen hun-ne̱ bu̱mu̱t no̱, no̱a kum u̱r-'yons be-u̱r Tato no̱ wu̱ ro̱ n-To̱n shir á.

Matiyos 6:16

Ye̱so ze̱e̱ru̱, “Da-o̱ no̱ o-swo̱o̱t à, no̱ naas o-co bo̱ ya-o-she̱pe̱ ro̱ m-naas u̱n co-se u̱n ye̱ á. Ye̱ ro̱ m-naas u̱n co-se u̱n ye̱ remen ye̱ kututé̱ hun-ne̱, ye̱ ro̱ o-swo̱o̱t. Nip-o̱ me̱ no̱ m-ru̱re̱, ye̱ kumuste̱ o̱ ka ko̱m-de u̱n 'yons-de u̱n ye̱.

Matiyos 6:5

Ye̱so ze̱e̱ru̱, “Komo u̱rege̱ no̱ u̱t-ma u̱n Shir ne̱, no̱ no̱m bo̱ ya-o-she̱pe̱ ro̱ m-no̱m á. Ye̱ ro̱ m-co̱n ye̱ ine̱ eso n-me̱ u̱n kuke̱-to̱ u̱n yoos u̱n Ma-to̱ Shir ye̱ konot, komo u̱t-bakse̱ ne̱ be-de hun-ne̱ ro̱ m-go'one̱ à remen hun-ne̱ hyenet ye̱. Nip-o̱ me̱ no̱ m-ru̱re̱, ye̱ kumuste̱ o̱ ka ko̱m-de u̱n 'yons-de u̱n ye̱.

Matiyos 9:14

A káne̱ yan-neke̱-m Yohana Wa-m-Yo'os u̱n hun-ne̱ m-ho̱ haanu̱ru̱ be-u̱r Ye̱so. Ye̱ ze̱e̱ru̱ wu̱ “Te̱ u̱n Parisa-ne̱ ne̱ ro̱ u̱n no̱m o-swo̱o̱t, ¿ya rwo̱'e̱ yan-neke̱-m ru ro̱tte̱ m-no̱m o-swo̱o̱t á?”

Ruka 11:42

“Tu no̱ yish Parisa-ne̱, remen rii-yo o-gye̱r yo be-u̱r no̱, no̱ m-ya'as u̱n Shir o-gaan be-de u̱n o̱p u̱n ko̱ yo ke rii-yo no̱ m-kum da-o̱ m-ce ko̱ yo ro̱ de̱e̱n á. U̱n hwo̱r ne̱, u̱n to̱ ken saw-to̱ ne̱, amba no̱ m-no̱m o-nip á, komo no̱ co̱n Shir á. Yoos no̱ kap, no̱ jore̱ ko̱ o-gaan á.

Ruka 17:10

Kang-o gaan u̱n no̱ ne̱, da-o̱ no̱ no̱me̱ yo Shir ze̱e̱ no̱, no̱ no̱m à, ze̱e̱ no̱, ‘Te̱ gu̱w-ne̱ ye̱ temb, te̱ u̱n no̱m se̱nge̱-m te̱.’ ”

Roma-ne̱ 3:27

Yatt-yo a hette̱ u̱s-se̱s á! ¿A no̱m u̱s-se̱s remen a nomote̱ o-karamsa o-do̱ro̱tte̱? Ay! Amba Shir so'oste̱ ba'as-u̱t na remen a she̱re̱g.

1 Korinti-ne̱ 1:29

Shir u̱n nom kaane̱ taase ne̱t jaks u̱r-hi u̱nze remen con-de u̱n wu̱, Shir degt wu̱.

Garatiya-ne̱ 1:14

No̱ nepste̱ komo be-de u̱n dor-o̱ jor-se u̱n Yahuda-ne̱ u̱m jiishte̱ o̱r re ne̱ Yahuda-ne̱ m-se̱nge̱ ye̱ te̱ bo̱su̱te̱ caara-o gaan à. U̱m no̱mo̱g se̱nge̱-mo̱ u̱n dor-o̱ u̱n bu̱-se u̱n ya-n-ga-ye̱ se n-ga m-so̱k ne̱.

Apisu-ne̱ 2:9

Shir u̱n gu no̱ ba remen se̱nge̱-m no̱ mo̱ u̱r-bon mo̱ no̱ no̱me̱ á, remen kaane̱, yatt-wu̱ he uk o-cin wu̱ bu̱mu̱t hi u̱n de u̱n wu̱ á.

1 Timoti 4:8

No̱m kaane̱ o nak hun-ne̱ ro̱ m-ze̱e̱, “Ro̱ u̱r-bon ne̱ ne̱t se̱nge̱ nukt u̱n wu̱r-o̱ u̱n wu̱ bo̱ o̱ he no̱m m-'wo̱ns à.” Remen wu̱r-o̱ ro̱ m-'wo̱ns ne̱ à, ro̱ u̱n gu u̱n ne̱t da-o̱ u̱n ho̱o̱g-mo̱ u̱n wu̱. Amba jiishte̱ u̱r-bon ne̱t she'et go̱n she'et-de Shir co̱ne̱ wu̱ she'et à. Remen she'et-de Shir co̱ne̱ hun-ne̱ she'et à, ro̱ u̱n gu u̱n ne̱t da-o̱ u̱n ho̱o̱g-mo̱ u̱n wu̱ u̱n ka ho̱no o-dak o̱ ko̱ ne̱ da-o̱ ne̱t mare̱ à.