Ruka 16:11 - Mɑ‑to̱ Shir Taku̱rda-o swo̱r o-nu pu̱-o̱

¹¹ U̱rege̱, no̱ hoks m-no̱m o-nip u̱n rii-yo no̱ kume̱ u̱n ka dak-o̱ á, Shir a bo̱psu̱ no̱ kashi u̱n rii n-To̱n á.

Ruka 16:11 ပူးပေါင်းရင်းမြစ်များ

Matiyos 6:24

Ye̱so ze̱e̱ru̱, “Yatt ko-gu̱w-wu̱ he m-hoks u̱n nome̱ u̱n hun-ne̱ yoor m-gu̱w da-o gaan á, ko̱ wu̱ cu̱n wan-gaan wu̱ yage̱ wan-gaan, ko̱ wu̱ es u̱n wan-gaan wu̱ yo'og wan-gaan, kaane̱ o̱ komo yatt bo̱ no̱ he m-no̱m no̱ cu̱nu̱t Shir u̱n hwo̱r ne̱ á.”

Ruka 12:33

Baab no̱ kap yo no̱ ro̱tte̱ à, no̱ ya'as ko̱o̱b-ne̱ hwo̱r u̱n ka co̱w-yo no̱a kum o-kwu̱m n-To̱n be-de Shir. Nomo no̱ hi u̱n no̱ be-de u̱r-e̱ss de ba m-ta, komo no̱ e̱s kwu̱m-o̱ no̱ n-to̱n, be-de o̱a heeb á, remen yatt ko-hyow-wu̱ he m-ci á, komo re̱n a hoks o̱ m-naas á.

Ruka 16:12

Komo u̱rege̱ no̱ hoks m-no̱m o-nip u̱n rii-yo Shir bo̱psu̱ no̱ u̱n ka dak-o̱ á, wu̱a bo̱psu̱ no̱ rii n-To̱n á.

Ruka 16:9

Ye̱so dooru̱ m-ze̱e̱ komo, “Remen kaane̱ me̱ no̱ m-ru̱re̱, gu no̱ o̱r u̱n no̱ u̱n rii-yo no̱ ro̱tte̱ u̱n ka dak-o̱ à, remen Shir barku̱tu̱ no̱ n-me̱ u̱n hur-o̱ u̱n wu̱, da-o̱ yo teese̱ à.

Ruka 18:22

Bo̱ Ye̱so ho̱ge̱ kaane̱ à, wu̱ ze̱e̱ru̱ wu̱, “Yo ken yo ro̱ ko̱n yo kuse̱ o no̱m à: Baab rii-yo o ro̱tte̱ à kap, o ya'as ko̱o̱b-ne̱ ka hwo̱r-ye̱, komo wo̱a kum rii-yo u̱r-bon n-To̱n, ka da-o̱, o haan, o do̱re̱ me̱.”

Apisu-ne̱ 3:8

Me̱ bo'os u̱m es be-de u̱n kap hun-ne̱ ye̱ Shir á. Amba myet u̱n kaane̱ ne̱, Shir ya'ag me̱ se̱nge̱-mo̱ u̱n ko̱'o̱t u̱n ma-u̱t Ye̱so be-de u̱n ye̱ ro̱ Yahuda-ne̱ á, Ma-to̱ m-Re̱re̱m, u̱n Kiristi. Ka Ma-to̱ m-Re̱re̱m to̱ aragte̱ nap-se u̱n ne̱t.

Yakubu 2:5

Raag no̱ u̱t-to̱ o̱r re ne̱ yan-dor, ye̱ me̱ m-was à, Shir u̱n daag ka hun-ne̱ ye̱ ro̱ ko̱o̱b-ne̱ à, ye̱ ro̱tte̱ rii á u̱n ho̱no o-dak, remen ye̱ sheret be-u̱r Ye̱so Kiristi Wan-Ko̱yan. Nip-o̱ komo ye̱ ro̱ ya-o-kwu̱m. Komo wu̱ u̱n daag ye̱ remen ye̱ reet ka gwo̱mo-to̱ wu̱ swo̱re̱ ye̱ co̱ne̱ wu̱ à o-nu.

U̱t-Hyangan 3:18

Remen kaane̱ me̱ no̱ u̱n ya-u̱t-ma no̱ o o-zinariya be u̱n de, yo a zwo̱'e̱ o-ra à. Ka da-de no̱a warag ya-o-kwu̱m n-me̱ u̱n rem-se o-Ku̱kt. Komo no̱ o matuku-u̱t pus-to̱ be u̱n de, no̱ cu̱pu̱te̱ hi u̱n no̱ remen no̱ bitité̱ 'e̱-mo̱ u̱n she'et-de u̱n kor u̱n no̱. Komo no̱ o baat-se u̱n yish no̱ be u̱n de remen no̱ hyenet m-so̱k ne̱.