Ruka 12:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Man kutu no̱ wu̱ no̱ he m-gye̱r à: Gye̱r no̱ Shir, wu̱ he m-ho̱ à, wu̱ ho̱'e̱ komo wu̱ ro̱ u̱t-gwo̱mo ne̱ wu̱ jorbu̱te̱ u̱n den-o̱ o-ra. De̱k no̱ ma-u̱t re, wu̱ wu̱ no̱ he m-gye̱r!

Ruka 12:5 ပူးပေါင်းရင်းမြစ်များ

Matiyos 10:28

“No̱ ho̱ge̱ gye̱r-o̱ u̱n hun-ne̱ á. Ye̱a hoks ho u̱n wu̱r-o no̱, amba ye̱a hoks ho u̱n ho̱o̱g-m no̱ á. Se̱ de̱ no̱ ho̱ge̱ gye̱r-o̱ Shir remen wu̱ he m-hoks m-ho o-wu̱r kap m-ho̱o̱g ne̱ wu̱ jorbe̱ u̱n den-o̱ o-ra.

Matiyos 25:41

“Ka da-o̱ ko-Gwo̱mo he m-ze̱e̱ u̱n yan-kwanta-de u̱n wu̱, ‘Wongu̱ no̱ u̱n me̱ ne̱, no̱ ye̱ Shir hu̱'e̱ o-nu à. Co̱w no̱ ra-o̱ a m-ryomse̱ á har ya nomot re ne̱, o̱ Shir e̱sse̱ ko-Gwo̱mo-wu̱ u̱n ya-u̱t-ko̱t u̱n yan-to̱m-ye̱ u̱n wu̱ ne̱ à.

Matiyos 25:46

“Ye̱ ká ye̱a cu̱w re̱ u̱r-ko̱o̱b de u̱n ba m-ta. Amba kashi u̱n hun-ne̱ ne̱ ye̱a cu̱w ho̱o̱g-o̱ ba m-ta.”

Matiyos 5:22

Amba me̱ no̱ m-ru̱re̱, wu̱ ro̱ u̱s-ryaab u̱n o̱r u̱n wu̱ ne̱ à, Shir a nom u̱s-ryaab u̱n wu̱ ne̱ komo a piishe̱ wu̱ u̱t-ma. Komo bo̱ u̱n wu̱ no̱me̱ u̱s-ryaab u̱n o̱r u̱n wu̱ ne̱ à, har wu̱ ce'e̱ wu̱ jin-u̱r yo̱-de a he'et wu̱ be-de m-piish u̱t-ma to̱ se̱k-ye̱ u̱n Shir. Komo wo̱ kute̱ o̱r ru u̱t-yage̱ har o zee wu̱ ko-raag! To̱, o bu̱pse̱ o̱ ka co̱w-yo u̱n den-o̱ o-ra!”

Markus 13:23

Amba ma'as no̱ zo̱ngse̱. U̱m ru̱ssu̱te̱ no̱ ma-to̱ u̱n ka rem-se ba se̱ u̱n takan.”

1 Tasaronika-ne̱ 4:6

N-me̱ u̱n ka ma-to̱ komo, taase wu̱ ken wu̱ nome̱ o̱r u̱n wu̱ u̱r-ba'as á. Ko̱ ne̱ wu̱ re ra-o o̱r u̱n wu̱ á. Wan-Ko̱yan a 'ye campo̱-ne̱ u̱n ne'a-ne̱ ne̱ u̱r-ko̱o̱b remen go̱ u̱n ka ba'as-de, bo̱ te̱ ru̱re̱ no̱ à u̱n bo̱ te̱ nake̱ no̱ u̱t-to̱ ne̱ à.

Yahuda-ne̱ 10:31

Rii-yo o-gye̱r yo a he̱'e̱be̱ be-de u̱n kom-to̱ Shir o̱ u̱n ho̱o̱g.

2 Bitrus 2:4

No̱ nepse̱ re̱ n-ga da-o̱ ye̱ ken yan-to̱m-ye̱ Shir ye̱ no̱me̱ u̱r-ba'as à, Shir sabu̱rsu̱te̱ ye̱. Wu̱ gak ye̱ gu̱ng, wu̱ jorbe̱ n-me̱ u̱n kuub-o̱ o-comb o̱ u̱n den-o̱ o-ra, be-de wu̱ ro̱ m-ka u̱n yan-me̱n-u̱t jaas-to̱ à, se̱ u̱n ho̱-de u̱n piish u̱t-ma.

U̱t-Hyangan 14:7

Wu̱ 'yonsu̱ru̱ co̱r de̱e̱n, wu̱ zee, “Gye̱r no̱ Shir, komo no̱ bu̱m jin-de u̱n wu̱ de u̱t-go̱s. Remen da-o kewru̱nsu̱te̱ m-mo̱ka o̱ wu̱ hette̱ piishe̱ u̱n kap o̱ u̱n hun-ne̱ u̱t-ma à. Kwu̱ktu̱ no̱ wu̱, wu̱ wu̱ no̱me̱ o-To̱n, o-dak ne̱, m-sa ne̱, komo u̱n yish-to̱ m-ho̱ ne̱!”

U̱t-Hyangan 15:4

¿Wan wu̱ ne̱ a gye̱r Wan-Ko̱yan, wu̱ se̱ps jin u̱n du á? Wo̱ wu̱ cot ro̱ ba m-ku̱ko̱p. Myet o̱ u̱n hun-ne̱ ye̱a haan, ye̱ kwu̱ktu̱ wo̱ remen u̱n piish u̱n ma-u̱t ru to̱ u̱n me̱n-u̱t pus-to̱. Komo hun-ne̱ hoks m-hyan se̱nge̱-m ru m-kashi cas cas.”

U̱t-Hyangan 20:14

Ka da-o̱ a jorbu̱ m-mar u̱n be-de u̱n she'et-de u̱n margan-ne̱ ne̱ n-me̱ u̱n mar-o̱ o-ra. Ka mar-o̱ o-ra o̱ ro̱ mar-m ayoore̱-mo̱.