Ruka 12:28 - Mɑ‑to̱ Shir Taku̱rda-o swo̱r o-nu pu̱-o̱

²⁸ U̱rege̱ Shir ro̱ m-tu̱pe̱ u̱n gwo̱-se o-ko̱t u̱t-matuku gwo̱-se ro̱ caane̱ à, m-buk se̱ ro̱ ko̱n á, se̱ tu̱kse̱. No̱ aragte̱ se̱, ¿remen yan o̱ wu̱ hette̱ no̱ m-we̱n u̱n rii-yo m-co̱pe? No̱ she̱r be-de Shir de̱e̱n á!

Ruka 12:28 ပူးပေါင်းရင်းမြစ်များ

Matiyos 14:31

U̱n gyept-o̱ u̱n yish, Ye̱so tabbu̱ru̱ kom-o̱ u̱n wu̱, wu̱ shipu̱ru̱ Bitrus. Ye̱so ze̱e̱ru̱ Bitrus, “Wo̱tt m-she̱r de̱e̱n á, ¿remen yan o̱ o ryegente̱?”

Matiyos 16:8

Ye̱so nepse̱ yo ye̱ ro̱ u̱s-barag à, wu̱ ze̱e̱ru̱, “No̱ yan-she̱r-m re̱k-mo̱! ¿Remen yan o̱ no̱tte̱ m-ze̱e̱ no̱tt u̱t-buro̱di á?

Matiyos 17:17

Ye̱so shasu̱ru̱, “No̱ hun-ne̱ ye̱ m-mo̱ka, yan-ko̱o̱b-de m-she̱r o-nip, ya-u̱r-cikt, ¿har ha-mo̱ u̱n ho̱-u̱t re o̱ u̱m he m-she'et u̱n no̱ ne̱? ¿Har ha-mo̱ u̱n ho̱-u̱t re o̱ u̱m he m-jo̱o̱se̱ u̱n no̱ ne̱? Hantu̱ me̱ no̱ ka wà-wu̱.”

Matiyos 17:20

Ye̱so ze̱e̱ru̱ ye̱, “Remen she̱r-m no̱ ro̱ de̱e̱n á. Nip-o̱ me̱ no̱ m-ru̱re̱, u̱rege̱ she̱r-m no̱ wo̱o̱g go̱s-to̱ u̱n go'-yo o-mosta yo jiishe̱ u̱s-re̱k be-de u̱n go̱ kap à, no̱a rees m-ze̱e̱ ka haag-o̱ ine̱ zee-mo̱ u̱n kane̱ ha-mo̱ u̱n re̱e̱no̱, komo o̱a ine̱. Yatt rii-yo he no̱ m-kwange̱ á.”

Matiyos 6:30

¿U̱rege̱ har Shir ro̱ m-nome̱ u̱n gwo̱-se o-ko̱t u̱t-geger to̱ ro̱ kane̱ caane̱, m-buk a tu̱ks to̱ à, yagu̱nte̱ no̱? No̱ m-she̱r be-de u̱n wu̱ de̱e̱n á!

Matiyos 8:26

Ye̱so ze̱e̱ru̱ ye̱, “¿Remen yan no̱ ho̱gu̱te̱ o-gye̱r kaane̱? No̱tt m-she̱r be u̱n de de̱e̱n á.” Ka da-de wu̱ inu̱ru̱, wu̱ te̱pru̱ru̱ ká yo-mo̱ u̱n ká sa-mo̱ ne̱, kap o̱ u̱n ká be-de re̱su̱ru̱ ceen.

Ruka 8:25

Ka da-de wu̱ ze̱e̱ru̱ yan-neke̱-mo̱ u̱n wu̱, “¿Remen yan o̱ no̱ she̱rté̱ u̱n me̱ á?” Amba ye̱ ho̱gu̱te̱ o-gye̱r komo ye̱ ze̱e̱ru̱ hi u̱n de u̱n ye̱, “¿Yan go̱n ne̱t-wu̱ ne̱ wu̱ ka? M-yo, m-ho̱ ne̱ mo̱ ro̱ wu̱ o-do̱ro̱tte̱.”

Yahuda-ne̱ 6:7

Kem-o̱ a m-he̱ hond hond à, o̱ ro̱ m-mu̱se̱ o-dak, yan-to̱m go̱o̱ru̱ u̱r-go. Ye̱ gwo̱wu̱ru̱ to̱m, a kumu̱ru̱ rii-yo m-re̱ be-de u̱n wu̱ gwo̱we̱ o-kat à. Shir ro̱ m-rwu̱nte̱ o-kwu̱m u̱n ka kat-o̱.

1 Bitrus 1:24

Ma-to̱ Shir ze̱e̱g, “Hun-ne̱ ro̱ m-'hwo̱ u̱ntu̱ u̱t-gwo̱, komo se̱ps-mo̱ u̱n ye̱ ro̱ m-ta u̱ntu̱n mo̱k-to̱ o-ko̱t. Gwo̱-u̱t ro̱ m-'hwo̱ kaw, komo mo̱k-u̱t ro̱ m-zoose̱.