Ruka 12:19 - Mɑ‑to̱ Shir Taku̱rda-o swo̱r o-nu pu̱-o̱

¹⁹ Ka da-de man zee hi u̱n de, o re̱e̱g u̱r-ho̱! O kumug kap rii-yo u̱r-bon yo o co̱ne̱ à, har hak-se no̱mo̱t de̱e̱n. Dek m-ho̱o̱g ce̱e̱n, re̱ o su̱, o ho̱ge̱ re̱re̱m-m ru.’

Ruka 12:19 ပူးပေါင်းရင်းမြစ်များ

Ruka 12:18

Yo u̱m he m-no̱m à yo ka: Man bu̱'u̱g byo-u̱t re u̱m meet u̱t-caari, be-de u̱m he rwo̱ u̱n hyo re u̱n to̱ ken saw-to̱ o-kat to̱ ne̱ à.

Ruka 16:19

“A no̱mo̱g wu̱ ken ne̱t-wu̱ ko-ya-o-kwu̱m, wu̱ co̱pe̱ u̱t-gund to̱ ro̱ pukpuk à to̱ u̱n hwo̱r de̱e̱n, wu̱ ro̱ m-ho̱ge̱ re̱re̱m-mo̱ ho̱o̱g-mo̱ u̱n wu̱ ko̱ de ke ho̱-de.

Ruka 21:34

“We̱r no̱! No̱ shoos hi u̱n no̱ u̱t-biki á, m-swo̱ ne̱ komo u̱n ceker-se u̱n ho̱o̱g ne̱ á. Me̱ u̱n zee kaane̱ remen ka ho̱-de a 'wo̱s no̱ ba no̱ u̱n nap

1 Korinti-ne̱ 15:32

U̱rege̱ margan-ne̱ a ine̱ á, man ya'as ho̱o̱g-m re rem Kiristi á. No̱ nepste̱ ka hun-ne̱ ye̱ o-Apisu ye̱, ye̱ indu̱ndu̱te̱ me̱ u̱ntu̱n nem-ye̱ u̱t-ko̱t! U̱rege̱ margan-ne̱ a ine̱ á, ka da-de, man ko̱'o̱t ko̱ wu̱ ke wu̱, “Se̱ngu̱ no̱ no̱m u̱t-biki to̱ m-re̱ m-swo̱ ne̱, bo̱ a nepse̱ mar-m ro̱o̱n m-buk à.”

Piripi-ne̱ 3:19

U̱r-ko̱m, Shir a sabu̱rse̱ ye̱ remen ye̱ ro̱ m-no̱m u̱n rii-yo ye̱ co̱ne̱ à, ku̱t-o̱ u̱n ye̱ ro̱ Shir o̱ u̱n ye̱, ye̱ ro̱ u̱n no̱m u̱s-se̱s da-o̱ ye̱ no̱me̱ rii-yo depe̱ ye̱ ho̱ge̱ m-'e̱ à. Ye̱ shooste̱ hi-de u̱n ye̱ u̱n barag-se go̱n hun-ne̱ ye̱ 'yare̱ Shir à.

1 Timoti 5:6

Amba taase no̱ gu ko-gwo̱r-wu̱ ro̱ u̱n no̱m yo me̱n-to̱ u̱n wu̱ co̱ne̱ à, yanze yo Shir co̱ne̱ wu̱ no̱m á. Ka ko-gwo̱r-wu̱ sa o zee ko-margan-wu̱ ro̱, ko̱ de nomte̱ wu̱ ro̱ u̱n ho̱o̱g ne̱ à.

1 Timoti 6:17

O ru̱re̱ hun-ne̱ yan-hwo̱r taase ye̱ de̱k u̱nze ye̱ jiishte̱ o̱r u̱n ye̱ hun-ne̱. O ru̱re̱ yan-hwo̱r komo taase ye̱ nom u̱s-barag u̱nze rii-yo ye̱ kume̱ à, remen hwo̱r u̱n ye̱ o̱. Me̱ u̱n ze̱e̱ kaane̱ remen hwo̱r a hoks m-ta ho̱r-m-ho̱r. Amba yage̱ ye̱ sheret be-de Shir o̱ guut ye̱. Shir o̱ ro̱ na m-'ya u̱n ko̱ yo ke rii-yo yo a ro̱tte̱ à, u̱n hur-u̱r gaan. Shir u̱n ya'as na ko̱ yo ke rii-yo remen a ho̱gu̱te̱ re̱re̱m-m na.

2 Timoti 3:4

Ya-m-re̱ o-ra, Ye̱ ro̱ u̱n no̱m u̱n rii ba m-ceker u̱n yo he m-ko̱r à, Ye̱ ro̱ shiishe̱ u̱n nu̱-mo̱ u̱r-hi ne̱, Yan-co̱n-to̱ u̱n ho̱ge̱ u̱n re̱re̱m-mo̱ u̱n hi u̱n de u̱n ye̱ arge̱ co̱n-to̱ Shir,

Yakubu 5:5

No̱ u̱n ho̱ge̱ u̱n re̱re̱m-mo̱ u̱n ho̱o̱g-m no̱ kane̱ u̱n ho̱no o-dak. No̱ re no̱ su̱ yo ho̱o̱g-m no̱ co̱ne̱ à. No̱ ro̱ m-no̱m u̱n yo hur-u̱r no̱ co̱ne̱ à, amba nap no̱ u̱nze Shir a 'ye yan-yage̱-to̱ u̱n wu̱ u̱r-ko̱o̱b.

1 Bitrus 4:3

No̱ regu̱ssu̱te̱ no̱ naasu̱te̱ o-da de̱e̱n n-ga, no̱ u̱n ho̱ge̱ u̱n re̱re̱m-mo̱ u̱n go̱ u̱n she'et-de hun-ne̱ ro̱ m-she'et à ye̱ nape̱ Shir á. No̱ u̱n ho̱ge̱ u̱n re̱re̱m-mo̱ u̱n saw-to̱ m-'e̱, u̱n yish-ye̱ ye̱ o-yoor ne̱, u̱n su̱su̱u̱r ne̱, u̱n biki-to̱ m-swo̱ ne̱, u̱n tu̱w-to̱ o-ás ne̱, har u̱n gu̱w-mo̱ u̱s-to̱o̱g ne̱.

U̱t-Hyangan 18:7

O̱ she'ette̱ she'et-de m-se̱ps o-zak ne̱, remen kaane̱ no̱mu̱ no̱ o̱ m-zo̱m ryaab-u̱s u̱s-ryaab. O̱ ro̱ u̱s-se̱s m-ze̱e̱, ‘Me̱, ko-saraki-wu̱, u̱n de̱e̱g u̱n de u̱m ro̱ tara! Me̱ ne'a-wu̱ campo̱ u̱n wu̱ mare̱ à wu̱ wu̱ á. Komo a wo̱s me̱ u̱n tu̱k-mo̱ u̱t-me̱n á!’