Ruka 11:34 - Mɑ‑to̱ Shir Taku̱rda-o swo̱r o-nu pu̱-o̱

³⁴ Ya yish no̱ ro̱ u̱ntu̱n u̱r-pitirra, u̱n wu̱r-o no̱. U̱rege̱ yish no̱ ro̱ ke̱rke̱r, wu̱r-o no̱ kap o̱a no̱m kyarkyar, amba yish no̱ ro u̱r-bon ne̱ á, wu̱r-o no̱ kap o̱a ma'as n-me̱ o-comb.

Ruka 11:34 ပူးပေါင်းရင်းမြစ်များ

Markus 4:12

Remen a shoosté̱ Ma-to̱ Shir: “ ‘Ye̱a hyen yo me̱ m-no̱m à amba ye̱a hoks m-nap u̱n yo̱ me̱ m-no̱m á. Ye̱a ho̱ge̱ yo me̱ m-ze̱e̱ à, amba ye̱a nep á; taasu̱ ye̱ waktu̱ne̱ be-de Shir a soksu̱te̱ ye̱ u̱t-ba'as.’ ”

Markus 7:22

o-ás, u̱r-go̱p ne̱, u̱n me̱n-u̱t jaas-to̱ ne̱, u̱t-raks ne̱, u̱r-she'et ne̱ u̱ntu̱n gu̱u̱b-o̱ o-gwo̱o̱r, u̱r-shoob ne̱, u̱n re̱e̱b-to̱ u̱n hun-ne̱ ne̱, u̱n nu̱-mo̱ u̱r-hi ne̱, u̱n m-raag ne̱.

Markus 8:18

‘No̱ u̱n yish ne̱ ye̱ o-hyan, ¿Amba no̱ m-hyan á? No̱ u̱t-to̱ ne̱ to̱ m-ho̱ge̱, ¿Amba no̱ m-ho̱ge̱ á?’

Ruka 11:35

Ceker no̱ u̱r-bon ne̱, yo no̱ deke̱ nip-o̱ à, nip-o jip bo̱-to̱ á.

Se̱nge̱-mo̱ 13:11

M-mo̱ka ha, ryaab-se u̱n Wan-Ko̱yan ro̱ u̱n hi u̱n du, wo̱a warag ko-po̱. A dek ya o-da, ba wo̱ u̱n hyan cu̱cas-mo̱ u̱r-ho̱.” Da-o gaan, o̱ ken rar-o̱ o-comb ne̱ biti yish-ye̱ u̱n wu̱. Wu̱ se̱ngu̱ u̱t-tagab wu̱ u̱n hoob-o̱ u̱n wu̱ he wu̱ m-nak à.

Se̱nge̱-mo̱ 2:46

Ko̱ de ke ho̱-de komo ye̱ ro̱ mo̱rge̱ u̱n Pyo-o̱ Shir. Ye̱ ro m-re̱ Rii-yo m-Re̱ yo m-Pas yo u̱n Wan-Ko̱yan u̱n hur-to̱ u̱n ye̱, ye̱ ro m-re̱ m-swo̱ ne̱ u̱n me̱n-u̱t pus-to̱, u̱n hur-u̱r gaan ne̱.

Se̱nge̱-mo̱ 26:18

Wo̱a upsu̱ ye̱ yish-ye̱ u̱n ye̱, ye̱ yagne̱ be-de o-comb ye̱ mu̱u̱n be-de m-cu̱cas, ye̱ yagne̱ komo gwo̱mo-to̱ u̱n ko-Gwo̱mo-wu̱ u̱n ya-u̱t-ko̱t ye̱ mu̱u̱n be-de u̱n Gwo̱mo-to̱ Shir. U̱n kaane̱ ye̱ hette̱ m-kum a soksu̱ ye̱ u̱t-ba'as, komo o-cim ne̱ mo̱sse̱ u̱n ye̱ warge̱ ba m-ku̱ko̱p ne̱ à kap remen ye̱ she̱re̱g be u̱n de.’

2 Korinti-ne̱ 1:12

Rii-yo ro̱ te̱ m-rwo̱ m-gwo̱n à: Yo ro̱ hur u̱n te̱ kaps te̱ á, de ro̱ te̱ m-ru̱re̱ u̱nze te̱ she'ette̱ she'et-de u̱n ba m-ku̱ko̱p n-me̱ u̱n ho̱no o-dak u̱n hur-u̱r gaan ne̱ to̱ rwu̱u̱ne̱ be-de Shir à. Yagu̱nte̱ ma she'et-de te̱ she'ette̱ u̱n no̱ ne̱ á. Man zee te̱ no̱mo̱g kaane̱ n-me̱ u̱n o̱ Shir. Te̱ u̱n nom kaane̱ n-me̱ kwu̱m-o̱ Shir, ba be-de u̱n we̱e̱r-se u̱n ho̱no o-dak á.

2 Korinti-ne̱ 11:3

Amba me̱ u̱n ho̱ge̱ o-gye̱r taase rii-yo ko̱re̱ Hawa à, yo ko̱r no̱. Hwo̱-o rakste̱ wu̱ u̱n we̱e̱r-se u̱n yo har wu̱ nomu̱ u̱r-ba'as. Kaane̱ no̱ ma, me̱ u̱n ho̱ge̱ o-gye̱r barag-u̱s no̱ a hoks no̱ m-muut ba u̱r-bon, u̱n kaane̱, no̱a kum ya'as u̱r-hi bo̱ a co̱ne̱, o-nip ne̱ ba m-ku̱ko̱p be-u̱r Kiristi á.

2 Korinti-ne̱ 4:4

Ye̱ she̱r be-de Shir á, remen wan-gwo̱mo-to̱ u̱n ka ho̱no o-dak o̱ po̱o̱su̱te̱ hur-de u̱n ye̱. Wu̱ we̱ne̱g ye̱, ye̱ hyen m-cu̱cas mo̱ ro̱ m-dakan n-te̱ u̱n hur-de u̱n ye̱ à, ka cu̱cas-mo̱ ro̱ m-rwu̱u̱n n-me̱ u̱n Ma-to̱ m-Re̱re̱m n-te̱ u̱n se̱ps-m Kiristi, wu̱ ro̱ sha-mo̱ Shir à.

Apisu-ne̱ 1:17

Me̱ u̱s-ko̱n be-de Shir ye̱ u̱n Wan-Ko̱yan na, Ye̱so Kiristi. Wu̱ ro̱ Tato na wan-caari-mo̱ m-se̱ps. Me̱ u̱s-ko̱n be-de Shir wu̱ 'ye no̱ ku̱kt-o̱ u̱s-nap, bo̱ yish no̱ he m-upse̱ à, remen no̱ nept wu̱ u̱r-bon ne̱.

Apisu-ne̱ 6:5

Gu̱w-ne̱, no̱me̱ no̱ yan-hur-u̱t no̱ ye̱ u̱n ka dak-o̱ o-do̱ro̱tte̱, no̱ 'ye ye̱ m-se̱k, no̱ gye̱r ye̱. No̱m no̱ kaane̱ u̱n hur-u̱r gaan. No̱m no̱ ye̱ o-do̱ro̱tte̱, bo̱ no̱ u̱n no̱me̱ u̱n Kiristi o-do̱ro̱tte̱ à.

Korosiya-ne̱ 3:22

No̱ gu̱w-ne̱, no̱ nom o-do̱ro̱tte̱ o̱ u̱n yan-hur-u̱t no̱ ye̱ u̱n ho̱no o-dak, u̱n ko̱ yo ke rii-yo yo no̱ m-nom à. Taase no̱ nom se̱nge̱-mo̱ u̱n hyan-o̱ u̱n yish, u̱ntu̱n yan-hoob-o̱ u̱r-jin be-de u̱n hun-ne̱, u̱n su̱ge̱-de u̱n kaane̱ nom no̱ se̱nge̱-m no̱ hur-u̱r gaan, remen no̱ m-'ya u̱n Wan-Ko̱yan m-se̱k.