Roma-ne̱ 9:3 - Mɑ‑to̱ Shir Taku̱rda-o swo̱r o-nu pu̱-o̱

³ Me̱ m-hyan remen o̱r re ne̱ yan-baag-o re Isra-ne̱ yan-campo̱-ne̱ u̱n yan-ne'a-ne̱ ne̱, man hoks m-e̱ss Shir wu̱ wongsu̱ me̱ be-u̱r Kiristi, wu̱ hu̱u̱ me̱ nu-o yo̱-o̱ u̱rege̱ o̱ he m-rwo̱ ye̱ kumut gwu̱.

Roma-ne̱ 9:3 ပူးပေါင်းရင်းမြစ်များ

Se̱nge̱-mo̱ 13:26

“No̱ o̱r re ne̱, baag-o Ibrahi, komo u̱n ye̱ ro̱ Yahuda-ne̱ á ‘Wan-se̱ps u̱n Shir’ be u̱n no̱, na ye̱ ha a to̱mne̱ ma-to̱ u̱n ka gwu̱-o̱.

Se̱nge̱-mo̱ 22:5

Har ma ko-Gwo̱mo-wu̱ u̱n ko̱n-se Shir ma u̱n kap o̱ u̱n Mo̱ro̱g-de u̱n Se̱k-ye̱ ne̱, ye̱a hoks me̱ m-su̱'e̱. Be-de u̱n ye̱ u̱m go̱kse̱ u̱t-taku̱rda haan-mo̱ u̱n o̱r na ne̱ Yahuda-ne̱ n-me̱ bo̱-o̱ o-Damaskus. Me̱ m-ha u̱n ka be-de remen u̱m shipt yan-do̱re̱ u̱n ka co̱w-yo ye̱ ro̱ re̱e̱no̱ à, u̱m hantu̱tu̱ ye̱ o-Urusharima remen a piishité̱ ye̱ u̱t-ma, a 'ye ye̱ u̱r-ko̱o̱b.

Se̱nge̱-mo̱ 28:21

Ye̱ ze̱e̱ru̱ wu̱, “Te̱ de̱ te̱ kum o̱ ken taku̱rda-o̱ o̱ rwu̱u̱ne̱ so̱ dak-o̱ o-Judiya mo̱sse̱ u̱n ma-u̱t ru ne̱ á. Yatt o̱r na komo wu̱ haane̱ kane̱ wu̱ ru̱r ma-u̱t ru á, ko̱ wu̱ ru̱r ma-to̱ ba u̱r-bon mo̱sse̱ u̱n wo̱ ne̱ á.

Roma-ne̱ 1:3

Ka Ma-to̱ m-Re̱re̱m to̱, to̱ u̱n Wà u̱n wu̱ to̱, wu̱ rwu̱u̱ne̱ so̱ u̱n baag-o ko-Gwo̱mo Dawuda à, be-de u̱n mat-o̱ o-wu̱r.

Roma-ne̱ 11:1

U̱rege̱ wu̱ ken wu̱a cit me̱: ¿Shir u̱n yage̱ hun-ne̱ ye̱ u̱n wu̱ o̱ ka? Ay! Kaane̱ o̱ á, me̱ u̱n hi u̱n de ko-Isra-wu̱, baag-o Ibrahi, me̱ ko-wan-jit-o̱ Banyamin wu̱.

Roma-ne̱ 11:14

N-me̱ u̱n kaane̱, hun-ne̱ ye̱ u̱n baag-o re Isra-ne̱ he m-ho̱ge̱ u̱r-shoob, u̱n kaane̱ man hoks gu u̱n ye̱ ken ye̱.

Roma-ne̱ 16:11

Gas no̱ Hirudiyan o̱r re ko-Yahuda. No̱ gas ye̱ go̱kse̱ Wan-Ko̱yan u̱n hur-o Narkisus à.

Roma-ne̱ 16:21

Timoti o̱r re be-de m-se̱nge̱ ro̱ no̱ m-gas. Kaane̱ komo Rushiyos, u̱n Jaso̱n ne̱, u̱n Sosipata ne̱ ro̱ no̱ m-gas, myet-mo̱ u̱n ye̱ o̱r re u̱n Yahuda-ne̱ ye̱.

Roma-ne̱ 16:7

Gas no̱ Andaronikus u̱n Yuniya, ye̱ Yahuda-ne̱ ye̱ bo̱ u̱m ro̱ à, ye̱ ro ke'o u̱n me̱ ne̱ à. Yan-dor Ye̱so ro̱ ye̱ m-'ya u̱t-go̱s de̱e̱n, a nepstu̱ ye̱ be-de u̱n yan-To̱m Ye̱so, ye̱ ba'ag me̱ go̱ks u̱n Kiristi.

Roma-ne̱ 9:2

Hur u̱n de ro̱ m-naase̱, u̱n tu̱k-mo̱ u̱t-me̱n ne̱ de̱e̱n, ba u̱r-me'et.

1 Korinti-ne̱ 12:3

Remen kaane̱ u̱m co̱no̱g no̱ nep bo̱ no̱ he m-daag yo ro̱ nip-o̱ Shir à. Yatt-wu̱ Ku̱kt-o̱ Shir ro̱ m-do̱ru̱tte̱ wu̱ he pyap u̱n Ye̱so á. Komo yatt-wu̱ he m-ze̱e̱, “Ye̱so Wan-Ko̱yan wu̱ á,” se̱ wu̱ Ku̱kt-o̱ Shir ro̱ m-do̱ru̱tte̱ à.

1 Korinti-ne̱ 16:22

Myet bo̱n wu̱ ro̱ u̱n yage̱-u̱t Wan-Ko̱yan à, a 'yer wu̱! U̱m ko̱no̱g u̱nze Wan-Ko̱yan wu̱a haan ba m-naas o-da.

2 Korinti-ne̱ 12:15

Man no̱m o-zak u̱m hootu̱ no̱ kap yo ro̱ me̱ à, myet u̱n hi u̱n de ne̱. U̱rege̱ u̱m wastu̱ no̱ de̱e̱n, ¿no̱a was me̱ hiin ye̱ á?

Garatiya-ne̱ 1:8

Amba me̱ no̱ m-ru̱re̱, u̱rege̱ wu̱ ken wu̱ be u̱n te̱ a ru̱ru̱ no̱ to̱ ken Ma-to̱ m-Re̱re̱m to̱ u̱n ho̱n u̱n to̱ te̱ rege̱ te̱ ru̱ssu̱tu̱ no̱ à, ko̱ wan-to̱m-wu̱ Shir, ko̱ te̱ u̱n hi u̱n te̱, to̱, Shir hu̱u̱ wu̱ nu-o̱ yo̱-o̱!

Garatiya-ne̱ 1:9

U̱ntu̱n bo̱ te̱ rege̱ te̱ ru̱ssu̱tu̱ no̱ n-ga à, me̱ no̱ m-ja'as m-ru̱re̱ m-mo̱ka u̱nze kap bo̱n wu̱ ru̱ru̱ no̱ to̱ ken Ma-to̱ m-Re̱re̱m to̱ u̱n ho̱n u̱n to̱ no̱ rege̱ no̱ ho̱gu̱ssu̱te̱ à, to̱ Shir 'ranu̱ wu̱!

Garatiya-ne̱ 3:10

Remen kap ye̱ ro̱ o-sakto̱ Shir a go̱ks ye̱ remen ye̱ ro̱ m-she̱r u̱n karamsa-o Mosa à, a hu̱u̱ ye̱ nu-o yo̱-o̱. Remen Ma-to̱ Shir gense̱ to̱ ze̱e̱g, “Kap wu̱ m-do̱re̱ u̱n kap o̱ u̱n rii-yo ro̱ gense̱ u̱n taku̱rda-o̱ o-karamsa á, a hu̱su̱te̱ wu̱ nu-o yo̱-o̱.”

Garatiya-ne̱ 3:13

Ka nu-o yo̱-o̱ o̱, o̱ o-karamsa a possu̱ssu̱te̱ o̱, remen Kiristi rurug na be-de u̱n ka nu-o yo̱-o̱ o̱, remen a muute̱ wu̱ rii-yo yo̱, rem na. Remen kaane̱ a ge̱ne̱g, “Kap bo̱n wu̱ a kame̱ n-te̱ u̱n kan-o̱ o-ce à, a hu̱u̱tu̱ wu̱ o̱ ka nu-o yo̱-o̱.”

Apisu-ne̱ 6:5

Gu̱w-ne̱, no̱me̱ no̱ yan-hur-u̱t no̱ ye̱ u̱n ka dak-o̱ o-do̱ro̱tte̱, no̱ 'ye ye̱ m-se̱k, no̱ gye̱r ye̱. No̱m no̱ kaane̱ u̱n hur-u̱r gaan. No̱m no̱ ye̱ o-do̱ro̱tte̱, bo̱ no̱ u̱n no̱me̱ u̱n Kiristi o-do̱ro̱tte̱ à.