Roma-ne̱ 3:4 - Mɑ‑to̱ Shir Taku̱rda-o swo̱r o-nu pu̱-o̱

⁴ Co̱w-yo u̱n kaane̱ ro̱ ko̱n á! Shir wa-o-nip-wu̱ ko̱ hun-ne̱ myet warag ya-u̱t-bo̱, bo̱ ko-Gwo̱mo Dawuda ru̱re̱ Shir u̱n Ma-to̱ Shir à: “Hun-ne̱ a hyan o̱ ka, ma-u̱t ru shiig o-nip, o warag komo o-ke̱e̱g a piishe̱ ma-u̱t ru.”

Roma-ne̱ 3:4 ပူးပေါင်းရင်းမြစ်များ

Matiyos 11:19

Amba da-o̱ me̱, Wà-wu̱ u̱n ne̱t, me̱ m-re̱ m-swo̱ ne̱. Ye̱ ze̱e̱ru̱ me̱, ‘Gwo̱t no̱ wu̱, ko-yan-mo̱o̱r-to̱ m-re̱ m-swo̱ ne̱. Ko-nay-wu̱ u̱n yan-go̱ks u̱n tar u̱n ya-u̱r-ba'as ne̱!’ Da-o̱ hun-ne̱ ye̱ no̱me̱ u̱s-barag u̱n ka rem-se te̱ m-no̱m à, ye̱a nep we̱e̱r-u̱s te̱.”

Ruka 20:16

Wu̱a haan wu̱ ho ka yan-to̱m-ye̱, wu̱ ya'as ye̱ ken ya-to̱m-ye̱ ka kat-o̱.” Bo̱ hun-ne̱ ho̱ge̱ kaane̱ à, ye̱ ze̱e̱ru̱, “Shir we̱n go̱n ka rii-yo!”

Yohana 3:33

Wu̱ go̱kse̱ ne̱ ma-to̱ u̱n wu̱ à, wu̱ ka e̱ste̱ Shir nip-o̱.

Roma-ne̱ 11:1

U̱rege̱ wu̱ ken wu̱a cit me̱: ¿Shir u̱n yage̱ hun-ne̱ ye̱ u̱n wu̱ o̱ ka? Ay! Kaane̱ o̱ á, me̱ u̱n hi u̱n de ko-Isra-wu̱, baag-o Ibrahi, me̱ ko-wan-jit-o̱ Banyamin wu̱.

Roma-ne̱ 11:11

Me̱ o-cot ne̱ har m-mo̱ka. Bo̱ Isra-ne̱ pu̱kse̱ à, ¿ye̱ u̱n he̱ he̱-de o-caks? Ay! Ye̱a hoks m-ine̱. Remen ba'as-to̱ u̱n Isra-ne̱, o̱ hante̱ gwu̱ woot be-de u̱n ye̱ ro̱ Yahuda-ne̱ á, remen a ru̱'u̱t Isra-ne̱ ho̱ge̱ u̱n shoob-de u̱n ye̱.

Roma-ne̱ 3:31

¿A muut o-karamsa hwaa remen a she̱re̱g o-nip? Ko̱ hiin, u̱n su̱ge̱-de u̱n kaane̱ ma, te̱ nepste̱ jip u̱nze karamsa-o ro̱ u̱r-bon ne̱.

Roma-ne̱ 6:15

¿Re o̱ ka ne̱? ¿A se̱nge̱ no̱m u̱r-ba'as remen a u̱n ku̱s-o̱ o-karamsa á, se̱ yar-mo̱ Shir? Ay! Ko̱ hiin!

Roma-ne̱ 6:2

Ay! A mereste̱ u̱r-ba'as, ¿re he m-no̱m a se̱ngu̱te̱ no̱m u̱r-ba'as?

Roma-ne̱ 7:13

¿A ze̱e̱ o̱ ká, ka karamsa-o̱, o̱ u̱r-bon o̱, o̱ hantu̱ me̱ m-mar? Ay, ko̱ hiin! Ba'as-de hantu̱ me̱ to̱ ka. Be-de u̱n ka karamsa-o̱ u̱r-bon o̱ ba'as-u̱r hantu̱ me̱ m-mar, remen a nept 'wu̱n-de u̱r-ba'as. Kaane̱ o̱ ka ba'as-u̱r rwu̱u̱ne̱ cas u̱n ko̱m-de u̱n yo̱-mo̱ u̱n de ne̱.

Roma-ne̱ 7:7

To̱, ¿ya a he m-ze̱e̱ ne̱? ¿Karamsa-o waragte̱ o̱ ka ba'as-de? Ay! Me̱ roa nep yo ba'as-u̱r ro̱ á, se̱ da-o̱ karamsa-o̱ Shir ru̱ru̱ me̱ à. Karamsa-o̱ ro ze̱e̱ge̱ me̱, me̱ no̱m shoob-de u̱n rii-yo u̱n ne̱t á. Me̱ roa nep yo shoob-de u̱n rii-yo u̱n ne̱t ro̱ á.

Roma-ne̱ 9:14

¿Ya a he m-ze̱e̱ ne̱? ¿A zee o̱ Shir ro̱ m-koos ne̱? Ay! Ko̱ hiin!

1 Korinti-ne̱ 6:15

¿Ashi, no̱ nap u̱nze myet do̱k-to̱ u̱n wu̱r-u̱t no̱ to̱ ma Kiristi to̱ á? Cinda kaane̱ o̱ à, man dek do̱k-u̱t Wan-Ko̱yan u̱m muutu̱ to̱ do̱k-to̱ u̱n ko-kaar á. Ko̱ hiin!

2 Korinti-ne̱ 1:18

Bo̱ Shir ro̱ wan-e̱ss u̱t-ma à, kaane̱ komo ma-to̱ te̱ nomu̱ no̱ à, ba to̱ u̱n “E̱e̱, te̱a no̱m yo ka” amba ne̱, “Ay” o̱ te̱ u̱t-ma á.

Garatiya-ne̱ 2:17

“U̱rege̱, bo̱ a co̱ne̱ m-warag ba u̱r-ba'as u̱n co-o̱ Shir be-de m-she̱r u̱n Kiristi à, a 'wo̱stu̱ na ya-u̱r-ba'as remen a jorote̱ o-karamsa, ¿ko̱ no̱m u̱n kaane̱ kututu̱ na Kiristi ro̱ u̱n to̱r-se u̱n no̱m u̱r-ba'as? Ay, ko̱ hiin!

Garatiya-ne̱ 2:21

Man ginim yar-mo̱ Shir á. Amba u̱rege̱ ne̱t a hoks m-kum u̱n she'et-de ba u̱r-ba'as u̱n co-o̱ Shir u̱n bu̱-yo u̱n do̱re̱ o-karamsa, yo ka kututu̱ na u̱nze mar-m Kiristi, waragte̱ hwaa o̱ ka.”

Garatiya-ne̱ 6:14

Amba me̱ ko̱ hiin, man no̱m nu̱-mo̱ u̱r-hi á. Ko̱ man nom nu̱-mo̱ u̱r-hi, se̱ de̱ remen kan-o Wan-Ko̱yan na Ye̱so Kiristi. Mar-mo̱ u̱n wu̱ n-to̱n o-kan o̱ rwo̱'e̱ co̱n-to̱ u̱n rii-yo u̱n ho̱no o-dak merte̱ u̱n hur u̱n de. Me̱ komo u̱m marag. Me̱ co̱n rii-yo u̱n ho̱no o-dak á.

1 Timoti 3:16

Nip-o̱, m-she̱r be-de Shir ro̱ m-'wo̱ns ne̱ ko̱ de nomte̱ se ken rem-se ro̱ko̱n wukusse̱ à: Ye̱so haante̱ n-me̱ o-wu̱r u̱ntu̱n o̱ ma na, Ku̱kt-o̱ Shir kutute̱ na wu̱ kashi u̱n ne̱t-wu̱. Yan-to̱m-ye̱ Shir ye̱ hyanag wu̱. Yan-dor Ye̱so ko̱'o̱te̱ ma-to̱ u̱n wu̱ be-de hun-ne̱ kap ho̱no o-dak. Hun-ne̱ go̱kste̱ kà ko̱'o̱t-o̱ be-u̱t-be ho̱no o-dak kap. Shir de̱ku̱ wu̱ ha-m o̱ n-To̱n be-de m-se̱ps.

Titus 1:2

Ka da-de, ye̱a kum sakto̱-o̱ u̱n ho̱o̱g-o̱ ba m-ta o̱ Shir su̱rte̱ o-nu rii-yo wu̱ nomot ho̱no o-dak à. Remen Shir ro̱ m-rwo̱r u̱t-bo̱ á, hun-ne̱ ro̱ m-she̱r u̱n swo̱-u̱r o-nu o̱ u̱n wu̱.

Yahuda-ne̱ 6:18

Shir ro̱ m-rwo̱r u̱t-bo̱ á! Remen kaane̱ to̱nd-o̱ u̱n wu̱ u̱n swo̱o̱ru̱ nu-o̱ u̱n wu̱ ne̱ yatt-wu̱ he to̱ m-shakt á. A teere̱ o-rek ha-mo̱ be-de Shir Wan-Gwu̱ à. M-mo̱ka to̱nd-o̱ u̱n wu̱ u̱n swo̱o̱ru̱ nu-o̱ u̱n wu̱ ne̱, a 'ye na jaab-o̱ u̱t-me̱n a bu̱pt ka sakto̱-o̱, o̱ ro̱ be-u̱r na à.

1 Yohana 5:10

Bo̱ u̱n wu̱ she̱re̱ be-de u̱n Wà-wu̱ Shir à, wu̱ go̱kste̱ o̱ ka swo̱-se Shir u̱n hur-de u̱n wu̱. Amba bo̱ u̱n wu̱ yage̱ go̱ks swo̱-se u̱n wu̱ mo̱sse̱ u̱n ma-to̱ u̱n Wà u̱n wu̱ ne̱ á, wu̱ musste̱ Shir wa-u̱t-bo̱ o̱ ka. Remen wu̱ u̱n swo̱-se Shir su̱'e̱ Wà u̱n wu̱ á.

1 Yohana 5:20

A nepse̱ u̱nze Wà-wu̱ Shir haante̱, komo wu̱ ya'ag na u̱s-nap a nept Shir-o̱ o-nip. M-mo̱ka a n-me̱ u̱n ká wa-o-nip-wu̱ remen a she'ette̱ u̱n gam-o̱ u̱r-hi u̱n Wà u̱n wu̱ ne̱, Ye̱so Kiristi. Wu̱ ro̱ Shir-o̱ ba m-ku̱ko̱p o̱ o-nip, komo wu̱ ro̱ Shir-o̱ o-nip u̱n ho̱o̱g-o̱ ba m-ta ne̱.

U̱t-Hyangan 3:7

“Gene̱ wan-co-wu̱ u̱n yan-dor ye̱ u̱n bo̱-o̱ o-Pirapiya u̱nze: Me̱ wu̱ ro̱ wan-gaan wu̱ ba m-ku̱ko̱p o-nip ne̱. Me̱ o-mabudi ne̱, yo ro̱ yo ma ko-Gwo̱mo Dawuda à. Da-o̱ u̱m tikshe̱ ish à, wa-m-tige̱ ro̱ ko̱n á. Da-o̱ me̱ tige̱ ish tomso ne̱ wa-m-tiks ro̱ ko̱n á.