Roma-ne̱ 1:1 - Mɑ‑to̱ Shir Taku̱rda-o swo̱r o-nu pu̱-o̱

¹ Me̱, Burus, wan-gu̱w-m Kiristi Ye̱so, ge̱nbe̱ ka taku̱rda-o̱. Shir ak me̱ ko-yan-To̱m Ye̱so remen u̱m ko̱'o̱tté̱ Ma-to̱ m-Re̱re̱m to̱ u̱n wu̱.

Roma-ne̱ 1:1 ပူးပေါင်းရင်းမြစ်များ

Markus 1:14

De ken ho̱-de, a tu̱wtu̱ru̱ Yohana u̱n kur-o̱ m-ke'et. Bo̱ a tu̱wte̱ wu̱ u̱n kur-o̱ m-ke'et à, a rewu̱ru̱ u̱t-ho̱ hiin ká da-de, Ye̱so co̱wu̱ru̱ n-me̱ u̱n dak-o̱ o-Gariri. Wu̱ do̱ru̱ru̱ ka dak-o̱, wu̱ ro u̱n ru̱re̱ u̱n hun-ne̱ Ma-to̱ m-Re̱re̱m to̱ Shir.

Yohana 12:26

Kap wu̱ he me̱ nome̱ m-gu̱w à, wu̱ do̱ru̱ me̱ be-de u̱m ro̱ à, káne̱ o̱ wu̱ he m-she'et u̱n cen wu̱. Ko̱wan wu̱ nomo me̱ m-gu̱w, Tato re a se̱ps wu̱.”

Yohana 15:15

Man do no̱ m-aag gu̱w-ne̱ á, remen ko-gu̱w-wu̱ nap me̱n-to̱ u̱n wan-hur-o̱ wu̱ á. Amba me̱ no̱ m-aag nay-ne̱ re, remen u̱m ru̱ru̱tu̱ no̱ kap rii-yo u̱m ho̱gne̱ be-u̱r Tato re à.

Yohana 15:20

Baks no̱ ma-to̱ u̱m ru̱re̱ no̱ à, u̱nze ko-gu̱w ro̱ m-jiish u̱n wan-hur-o̱ u̱n wu̱ á. Ye̱ rangsu̱te̱ me̱, ka bo̱-se ne̱ o̱ ye̱ he no̱ m-rangse̱ u̱n cen no̱ ne̱. Ye̱ ro do̱ru̱te̱ ma-u̱t re, ye̱ roa do̱re̱ u̱t-ma no̱.

Se̱nge̱-mo̱ 13:9

Amba Shawuru, ka wu̱ a m-ze̱e̱ Burus à, wu̱ shiiste̱ u̱n Ku̱kt-o̱ Shir, wu̱ tuuru̱ Arimos yish.

Se̱nge̱-mo̱ 20:24

Amba me̱ de̱k ho̱o̱g-m re u̱ntu̱n yo ken rii-yo á, u̱rege̱ de man hoksosse̱ ko̱m u̱n se̱nge̱-mo̱ Wan-Ko̱yan Ye̱so yasu̱ me̱ à, u̱m ru̱r Ma-to̱ m-Re̱re̱m to̱ u̱n yar-mo̱ Shir.

Se̱nge̱-mo̱ 21:40

Wu̱ ya'u̱ wu̱ u̱r-be̱e̱b, ka go̱s-wu̱, wu̱ u̱n karma-ne̱ wu̱ ya'u̱ru̱ wu̱ o-co̱w. Burus e̱su̱ru̱ n-te̱ u̱n rii-o̱ m-yawag u̱r-do̱o̱b, wu̱ jaksu̱ru̱ hun-ne̱ o-kom, ye̱ re̱s ceen. Bo̱ ye̱ re̱ste̱ zot à, wu̱ nomoru̱ ye̱ u̱t-ma u̱n rem-de ye̱ de u̱t-Ibra.

Se̱nge̱-mo̱ 22:21

“Ka da-o̱, Wan-Ko̱yan ze̱e̱ru̱ me̱, ‘Ine̱ o arag, man tom wo̱ re̱e̱no̱ u̱r-hew ne̱ be-de u̱n hun-ne̱ ye̱ ro̱ Yahuda-ne̱ á.’ ”

Se̱nge̱-mo̱ 22:7

U̱m argu̱ m-he̱ n-dak, komo u̱m ho̱gu̱ru̱ o̱ ken co̱r-o̱, o̱ ro̱ me̱ m-ze̱e̱, ‘Shawuru, Shawuru, ¿remen yan o̱ wo̱ttu̱ me̱ m-rangse̱?’

Se̱nge̱-mo̱ 26:1

Ka da-de Agirippa ze̱e̱ru̱ Burus, “A ya'ag wo̱ o-da o muutte̱ ma-u̱t ru u̱n hi u̱n du.” Ka da-o̱ Burus jaksu̱ o-kom, wu̱ ciru̱ u̱t-ma:

Se̱nge̱-mo̱ 26:14

Bo̱ te̱ hyeete̱ n-dak kap-m te̱ à, u̱m ho̱gu̱ru̱ o̱ ken co̱r-o̱ o̱ ze̱e̱g me̱ u̱n rem-de u̱t-Ibra, ‘Shawuru, Shawuru, ¿remen yan o̱ wo̱ttu̱ me̱ m-rangse̱? Hi u̱n du wo̱ u̱n ya-u̱r-ko̱o̱b u̱n ka yage̱-to̱ wo̱ttu̱ me̱ à.’

Se̱nge̱-mo̱ 27:23

Me̱ u̱n ze̱e̱ kaane̱ remen te̱t-mo̱ m-ryo wu̱ ken wan-to̱m-wu̱ Shir wu̱, wu̱ u̱m ro̱ u̱n kom-o̱ u̱n wu̱ à, wu̱ me̱ komo u̱n gu̱w-mo̱ u̱n wu̱ à, wu̱ e̱ks u̱n he̱r-o re.

Se̱nge̱-mo̱ 9:15

Amba Wan-Ko̱yan ze̱e̱ru̱ Hananiya, “Neke̱ remen wu̱ ne̱t-wu̱, wu̱ u̱m daagne̱ wu̱ nomot se̱nge̱-m re remen wu̱ ko̱'o̱tté̱ jin u̱n de be-de u̱n ye̱ ro̱ Yahuda-ne̱ á, u̱n gwo̱mo-ne̱ u̱n ye̱ ne̱, komo u̱n Isra-ne̱ ne̱.

Roma-ne̱ 1:16

Me̱ u̱n ho̱ge̱ u̱n 'e̱-mo̱ u̱n rwo̱r u̱n Ma-to̱ m-Re̱re̱m á. Me̱ u̱n ze̱e̱ kaane̱ remen to̱ ro̱ na m-kute̱ u̱n be̱e̱b-de Shir. Ka be̱e̱b-de de ro̱ u̱n gwu̱-o̱ u̱n myet ye̱ she̱re̱ be-de u̱n wu̱ à, Yahuda-ne̱ u̱r-takan, ka da-de ye̱ ro̱ Yahuda-ne̱ á.

Roma-ne̱ 1:5

Remen yo Ye̱so nome̱ me̱ à, Shir ya'ag me̱ m-yar u̱n o-co̱w yo u̱m waragte̱ ko-yan-To̱m Ye̱so, wan-ko̱'o̱t u̱n Ma-to̱ u̱n wu̱. Wu̱ u̱n nom kaane̱ remen hun-ne̱ kap ye̱ u̱n dak-u̱t-dak, ho̱no o-dak ye̱ sheret u̱n wu̱, komo ye̱ nome̱ wu̱ o-do̱ro̱tte̱.

Roma-ne̱ 1:9

Shir, wu̱ me̱ u̱n gu̱w-mo̱ u̱n wu̱ u̱n hur-u̱r gaan u̱n ko̱'o̱t u̱n Ma-to̱ m-Re̱re̱m to̱ u̱n Wà u̱n wu̱ Ye̱so à, wu̱ ro̱ wan-swo̱-u̱s re, wu̱ hyeneste̱ bo̱ me̱ u̱s-ko̱n ko̱yanda rem no̱ à.

Roma-ne̱ 11:13

Me̱ u̱t-ma u̱n no̱ ne̱ m-mo̱ka no̱ ye̱ ro̱ Yahuda-ne̱ á. Ko̱ yan-to̱m wu̱ u̱n be-de ye̱ ro̱ Yahuda-ne̱ á, man no̱m m-gwo̱n u̱n se̱nge̱-m re.

Roma-ne̱ 15:16

U̱m waragte̱ wan-se̱nge̱-m Kiristi Ye̱so be-de u̱n ye̱ ro̱ Yahuda-ne̱ á. Me̱ u̱n se̱nge̱-mo̱ u̱n ko̱n-se Shir u̱n bu̱-yo m-ko̱'o̱t u̱n Ma-to̱ m-Re̱re̱m to̱ Shir remen ye̱ ro̱ Yahuda-ne̱ á, ye̱ waragté̱ rii-yo u̱r-seke̱ yo Shir he m-go̱ks à. Ye̱a warag ba m-ku̱ko̱p u̱n bu̱-yo u̱n Ku̱kt-o̱ Shir.

Roma-ne̱ 15:29

U̱m nepste̱ u̱nze me̱ habe̱ be-u̱r no̱, man wo̱be̱ shiishe̱ u̱n caari-o̱ o-kwu̱m ne̱ o̱ ma Kiristi.

Roma-ne̱ 16:18

Ye̱ ro̱ m-no̱m u̱n ka rem-se à, se̱nge̱-m Kiristi Wan-Ko̱yan ye̱ ro̱ m-no̱m á, amba go̱p-de u̱n wu̱r-to̱ u̱n ye̱. U̱n bu̱-yo u̱n re̱re̱m-mo̱ nu-o̱ u̱n ye̱, u̱n bo̱ngo̱n-de u̱t-bo̱ ne̱, ye̱ ro̱ u̱n raks u̱n ye̱ ke'e̱ ye̱ u̱t-to̱ à. Ye̱ ro̱ ye̱ u̱n ke'e̱ u̱t-to̱ à, yan-barag-se u̱n yakar se.

Roma-ne̱ 16:25

Yage̱ a ye'et Shir m-se̱ps! Wu̱ ro̱ u̱r-be̱e̱b ne̱ de no̱ hette̱ m-e̱s eso n-te̱ m-she̱r à, remen ka Ma-to̱ m-Re̱re̱m to̱ me̱ m-ko̱'o̱t à, to̱ ma Ye̱so Kiristi. Ka Ma-to̱ m-Re̱re̱m to̱ a u̱n wuke̱ to̱ cin n-ga.

1 Korinti-ne̱ 1:1

Me̱ Burus mo̱sse̱ u̱n Sastanis ne̱ o̱r na, ge̱nbe̱ ka taku̱rda-o̱. Me̱ wu̱ Ye̱so Kiristi daage̱, u̱m waragté̱ ko-yan-To̱m-o̱ u̱n wu̱ à, remen kaane̱ Shir co̱ne̱.

1 Korinti-ne̱ 9:1

¿Me̱ u̱n ya me̱tt u̱r-be̱e̱b á? ¿Me̱ ko-yan-To̱m Ye̱so wu̱ ka á? ¿Me̱ hyan o̱ Ye̱so Wan-Ko̱yan á. Ba remen se̱nge̱-m re o̱ ka no̱ waragte̱ ye̱ ma Wan-Ko̱yan?

2 Korinti-ne̱ 1:1

Be u̱n de, Burus, mo̱sse̱ u̱n Timoti o̱r na ne̱, ge̱nbe̱ ka taku̱rda-o̱. Shir muute̱ me̱ wan-To̱m Ye̱so Kiristi remen wu̱ co̱no̱g kaane̱. Ha-mo̱ u̱n be-de u̱n yan-dor o̱ Shir ye̱ ro̱ n-me̱ bo̱-o̱ o-Korinti mo̱sse̱ kap u̱n ye̱ ro̱ n-me̱ u̱n dak-o̱ o-Akaya ne̱ à.

2 Korinti-ne̱ 11:5

Me̱ de̱k u̱nze ka ye̱ no̱ m-ze̱e̱, “Caari-ne̱ ye̱ u̱n yan-To̱m Ye̱so” à, ye̱ aragte̱ me̱ u̱n yo ken rii-yo á.

2 Korinti-ne̱ 11:7

¿Ba'as-de me̱ gwe̱re̱gse̱ hi u̱n de remen a jaksté̱ no̱ be-de u̱n ko̱'o̱t u̱n Ma-to̱ m-Re̱re̱m to̱ Shir m-yar?

2 Korinti-ne̱ 12:11

U̱m no̱mo̱g m-raag, amba no̱ ye̱ rwo̱'u̱ me̱. No̱ ye̱ depe̱ no̱ bu̱m me̱. Ka ye̱ no̱ aage̱ “Caari-ye̱ u̱n yan-To̱m Ye̱so” à, ye̱ jiishe̱ me̱ á. Ko̱ de nomte̱ ba yo ken rii-yo u̱m ro̱ á.

2 Korinti-ne̱ 2:12

Da-o̱ u̱m ha bo̱-o̱ o-To̱ruwas à u̱m ko̱'o̱te̱ Ma-to̱ m-Re̱re̱m to̱ ma Kiristi Ye̱so, u̱m 'wo̱ste̱ Wan-Ko̱yan tiksu̱te̱ me̱ ish u̱m nomot se̱nge̱-mo̱ u̱n wu̱ káne̱.

2 Korinti-ne̱ 4:5

Remen ba ma-to̱ u̱n hi u̱n te̱ to̱ te̱ m-rwo̱r á, amba to̱ ma Ye̱so Kiristi Wan-Ko̱yan. Te̱ ne̱ gu̱w-ne̱ no̱ te̱ ro̱ rem Ye̱so.

Garatiya-ne̱ 1:1

Me̱, Burus, ge̱nbe̱ no̱ ka taku̱rda-o̱, u̱m baksu̱tu̱ no̱ u̱nze, me̱ ko-yan-To̱m-wu̱. Ba remen bu̱u̱g-de u̱n hun-ne̱ dak me̱, ko̱ na hun-ne̱ to̱mo̱g me̱ o̱ rwo̱'e̱ u̱m waragte̱ ko-yan-To̱m Ye̱so á. Amba Ye̱so Kiristi daagu̱ me̱ mo̱sse̱ Shir ne̱ Tato na wu̱ n-To̱n shir, wu̱ rwo̱'e̱ Ye̱so meret wu̱ mu̱u̱nte̱ u̱n ho̱o̱g ne̱ à. Wu̱ daagu̱ me̱ komo wu̱ to̱mu̱ me̱ u̱m waragté̱ ko-yan-To̱m Ye̱so.

Apisu-ne̱ 1:1

Me̱ wu̱ Burus, ko-wan-To̱m Ye̱so Kiristi, remen Shir co̱ne̱ kaane̱. Me̱ no̱ m-gene̱ u̱n ka taku̱rda-o̱, no̱ hun-ne̱ ye̱ Shir u̱n bo̱-o̱ o-Apisu, ye̱ ro̱ u̱n do̱re̱ u̱n Ye̱so Kiristi hur-u̱r gaan à.

Apisu-ne̱ 1:13

M-mo̱ka no̱ u̱n ce no̱, no̱ ho̱gu̱ssu̱te̱ o-nip, ká Ma-to̱ m-Re̱re̱m to̱, to̱ Shir guute̱ no̱ à. Da-o̱ no̱ she̱re̱ u̱n Kiristi à, wu̱ muuttu̱ no̱ ye̱ ma u̱n wu̱ u̱n 'ya u̱n no̱ Ku̱kt-o̱ Shir, o̱ wu̱ e̱ste̱ u̱t-ma cin n-ga à.

Apisu-ne̱ 4:11

Kiristi ya'ase̱ hun-ne̱ m-yar. Wu̱ daagu̱ru̱: Ye̱ ken ye̱, ye̱ warag yan-To̱m Ye̱so, Ye̱ ken ye̱ yan-Rwo̱r u̱n Ma-to̱ Shir, Ye̱ ken ye̱ yan-Rwo̱r u̱n Ma-to̱ m-Re̱re̱m, Ye̱ ken ye̱ yan-Gu̱t-de u̱n hun-ne̱ ye̱ Shir, u̱n Ye̱ ken ye̱ ya-u̱r-Yoos ne̱.

Piripi-ne̱ 1:1

Me̱, Burus u̱n Timoti ne̱ yan-gu̱w-m Ye̱so Kiristi, ro̱ no̱ m-gas, kap no̱ ye̱ ro̱ n-me̱ u̱n bo̱-o̱ o-Piripi à, ye̱ go̱kse̱ Ye̱so Kiristi à. Komo te̱ m-gas u̱n yan-gu̱t-de u̱n yan-dor Ye̱so, u̱n yan-m-se̱nge̱ ne̱.

Piripi-ne̱ 2:11

Ko̱ wu̱ ke ne̱ a zee, “Ye̱so Kiristi ro̱ Wan-Ko̱yan,” no̱m u̱n kaane̱, a hante̱ m-se̱ps be-de Shir Tato na.

Korosiya-ne̱ 1:1

Me̱ Burus, me̱ ge̱nbe̱ ka taku̱rda-o̱. Me̱ wan-To̱m Ye̱so Kiristi wu̱, remen Shir daagu̱ me̱ u̱m waragté̱ ko-yan-To̱m Ye̱so. Me̱ kane̱ u̱n o̱r na ne̱ Timoti ko-yan-dor.

Korosiya-ne̱ 1:25

Me̱ wan-gaan wu̱ be-de u̱n nome̱ u̱n Shir m-se̱nge̱ remen gwu̱-o̱ yan-dor kap. Remen Shir u̱n daag me̱, wu̱ ya'astu̱ me̱ ka se̱nge̱-mo̱ remen u̱m guut no̱. Shir to̱mo̱g me̱ u̱m yoosu̱ no̱ ma-to̱ u̱n wu̱ u̱t-shishe̱.

1 Tasaronika-ne̱ 2:2

Ko̱ de̱ no̱mte̱ te̱ su̱u̱ste̱ u̱r-ko̱o̱b o-yo'og ne̱ n-me̱ u̱n bo̱-o̱ o-Piripi, bo̱ no̱ nape̱ à. Amba u̱n gwu̱-o̱ u̱n Shir na, te̱ kumug no̱ ru̱re̱ u̱n Ma-to̱ m-Re̱re̱m, ko̱ de̱ nomte̱ to̱ swo̱o̱g m-shakt à.

1 Tasaronika-ne̱ 2:8

Remen te̱ waste̱ u̱n no̱ ne̱ de̱e̱n, o̱ rwo̱'e̱ te̱ ko̱tu̱tu̱ no̱ ko̱'o̱t-o̱ u̱n Ma-to̱ m-Re̱re̱m to̱ Shir u̱n ho̱n-de u̱n to̱ á, amba te̱ ho̱gu̱te̱ m-re̱re̱m mo̱ u̱n ya'as u̱n ho̱o̱g-m te̱ rem no̱, remen no̱ co̱wo̱g te̱ u̱r-hur de̱e̱n.

1 Tasaronika-ne̱ 2:9

O̱r te̱ ne̱, baks no̱ u̱n se̱nge̱-m te̱ ne̱ u̱n range̱-o te̱ ne̱ o̱ te̱ range̱ à. Te̱ no̱mo̱g m-se̱nge̱ m-ho̱w m-te̱t ne̱ taase te̱ ru̱'e̱ ko-wan u̱s-nu̱, da-o̱ te̱ ko̱'o̱te̱ no̱ ka Ma-to̱ m-Re̱re̱m to̱, to̱ rwu̱u̱ne̱ be-de Shir à.

1 Timoti 1:1

Timoti, Burus ro̱ wo̱ m-gene̱ u̱n ka taku̱rda-o̱. Wo̱ m-mo̱ka kashi u̱n wà re wu̱, remen u̱m yoosu̱tu̱ wo̱ m-she̱r be-de Shir. Me̱, Burus, wan-To̱m Ye̱so Kiristi, u̱n be̱e̱b-de Shir, Wan-Gwu̱ na u̱n Kiristi Ye̱so, wu̱ ya'u̱ na o-sakto̱ à. Me̱ u̱n ko̱n-se Shir Tato na, u̱n Ye̱so Kiristi, Wan-Ko̱yan na. Me̱ u̱n ko̱n-se ye̱ 'ye wo̱ yar-mo̱ u̱n ye̱, u̱r-'wo̱n ne̱, u̱n gwu̱gwu̱-mo̱ u̱r-hur ne̱.

1 Timoti 2:7

Remen ka o̱ Shir to̱mnu̱ me̱ u̱m waragte̱ wa-o-ko̱'o̱t u̱n ko-yan-To̱m Ye̱so ne̱. U̱m waragte̱ Wa-u̱r-Yoos, wan-yoose̱ u̱n ye̱ ro̱ Yahuda-ne̱ á, n-me̱ m-she̱r, o-nip ne̱. Nip-o̱ me̱ m-rwo̱r ba bo̱-to̱ á.

2 Timoti 1:11

Remen ka Ma-to̱ m-Re̱re̱m to̱, o̱ Shir daagu̱ntu̱ me̱. Shir u̱n daag me̱ u̱m waragte̱ ko-yan-ko̱'o̱t u̱n Ma-to̱ u̱n wu̱, ko-yan-To̱m Ye̱so, u̱n komo wan-yoose̱ u̱n hun-ne̱ ne̱ bo̱ a he do̱re̱ u̱n Ye̱so Kiristi à.

Titus 1:1

Me̱, Burus, wan-gu̱w-mo̱ Shir, me̱ ge̱ndu̱ wo̱ ka taku̱rda-o̱. Komo Ye̱so Kiristi to̱mnu̱ me̱ u̱m nomot se̱nge̱-mo̱ Shir. Ye̱so u̱n to̱mo̱n me̱ bo̱ she̱r-mo̱ u̱n hun-ne̱ ye̱ Shir daage̱ à, he m-bo̱'o̱se̱ m-'wo̱ns ne̱ à. Komo ye̱a nep yoos-u̱r Ye̱so u̱r-bon ne̱. Ye̱ nepe̱ yoos-u̱r Ye̱so u̱r-bon ne̱, ye̱a she'et go̱n she'et-de Shir co̱ne̱ à.

Yahuda-ne̱ 5:4

Komo yatt-wu̱ he m-dege̱ u̱n hi u̱n de u̱n wu̱ m-se̱k wu̱ waragte̱ Wan-co be-to̱ u̱n Gwo̱mo-ne̱ ye̱ u̱n ko̱n-se Shir á. Se̱ wu̱ Shir aage̱ à, bo̱ wu̱ aage̱ Haruna n-ga wu̱ waragte̱ Wan-co be-to̱ u̱n Gwo̱mo-ne̱ ye̱ u̱n ko̱n-se Shir à.

Yahuda-ne̱ 7:26

Go̱n ka ko-Gwo̱mo-wu̱ u̱n ko̱n-se Shir wu̱, wu̱ a m-ho̱o̱b, wu̱ ro̱ ba m-ku̱ko̱p à, ba u̱n rii-yo u̱t-re̱e̱b, ba u̱r-ba'as, Shir hu̱ste̱ wu̱ u̱n hon remen wu̱t u̱r-ba'as á be-de u̱n ya-u̱r-ba'as. Shir ya'aste̱ Ye̱so m-se̱k arge̱ ko yo ke rii-yo n-To̱n shir.

Yakubu 1:1

Me̱ Yakubu, ko-gu̱w-wu̱ Shir u̱n Ye̱so ne̱ Wan-Ko̱yan Kiristi. Me̱ m-gas u̱n ka baag-u̱t o̱p-u̱t yoor-to̱, to̱ Shir to̱ cakre̱ ha-mo̱ u̱n dak-u̱t ho̱r-to̱ à.

1 Bitrus 4:17

Da-o nomoste̱ o̱ Shir hette̱ piishe̱ u̱n hun-ne̱ ye̱ u̱n wu̱ u̱t-ma à. Komo u̱rege̱ piish u̱n ma-to̱ u̱n wu̱ takante̱ be-u̱r na. ¿Ya he ko̱r u̱n ye̱ yage̱ nome̱ u̱n ma-to̱ u̱n wu̱ o-do̱ro̱tte̱ Ma-to̱ m-Re̱re̱m to̱ Shir?

2 Bitrus 1:1

Me̱, Simo̱n Bitrus, ko-gu̱w komo u̱n wan-To̱m Ye̱so Kiristi ne̱. Me̱ ge̱nbe̱ ka taku̱rda-o̱ ha-mo̱ u̱n be-de u̱n ye̱ go̱kse̱ m-she̱r o-nip ne̱ u̱ntu̱n mo̱ ma na. No̱ u̱n nom kaane̱ u̱n bu̱-yo kashi-o̱ Shir na u̱n Ye̱so Kiristi ne̱ Wan-Gwu̱.

Yahudas 1:1

Me̱, Yahudas, ko-gu̱w Ye̱so Kiristi, heno Yakubu. Me̱ ge̱nbe̱ ka taku̱rda-o̱ ha-mo̱ u̱n be-de u̱n yan-dor Ye̱so. Me̱ u̱n ge̱nbe̱ kap ye̱ Shir daage̱ wu̱ was à, ye̱ Shir o-Tato u̱n ye̱ Ye̱so Wan-Ko̱yan ro̱ u̱r-'er ne̱ à.

U̱t-Hyangan 1:1

Ka hyangan-to̱ u̱n rwu̱u̱n be-u̱r Ye̱so Kiristi, to̱ Shir kute̱ wu̱ mo̱sse̱ u̱n rem-se he m-ko̱r ne̱ ba m-jime̱ à. Wu̱ u̱n to̱mo̱n wan-to̱m-wu̱ Shir be-de u̱n ko-gu̱w-wu̱ u̱n Shir Yohana remen wu̱ ru̱ru̱té̱ ye̱ ken yan-gu̱w-mo̱ Shir ye̱ ka hyangan-to̱.

U̱t-Hyangan 22:6

Wan-to̱m-wu̱ Shir ze̱e̱ru̱ me̱, “Ka yo o ho̱ge̱ à nip-o̱, komo to̱ wooste̱ a she̱r u̱n to̱. Wan-Ko̱yan Shir ya'ag yan-Rwo̱r u̱n ma-to̱ u̱n wu̱ jaab-o̱ u̱t-me̱n u̱n bu̱-yo Ku̱kt-o̱ u̱n wu̱. Wu̱ to̱mo̱nte̱ wan-to̱m o̱ u̱n wu̱, remen wu̱ kututé̱ ká gu̱w-ne̱ ye̱ u̱n wu̱ ye̱ rii-yo he m-ko̱r ba m-jime̱ à.”

U̱t-Hyangan 22:9

Amba wu̱ ze̱e̱ru̱ me̱, “Taase o kwu̱ktu̱ me̱ á! Me̱ ko-gu̱w-wu̱ Shir wu̱, u̱ntu̱n wo̱ u̱n o̱r ru ne̱ u̱n yan-Rwo̱r u̱n Ma-to̱ Shir, har ma kap u̱n ye̱ no̱me̱ do̱ro̱tte̱-o̱ u̱n yo ro̱ gene̱ ne̱ u̱n kà taku̱rda-o̱ à. Kwu̱ktu̱ no̱ Shir cot!”