Piripi-ne̱ 4:3 - Mɑ‑to̱ Shir Taku̱rda-o swo̱r o-nu pu̱-o̱

³ Wan-yen de, u̱m ko̱no̱g o gu ka ne'a-ne̱ ye̱, remen ye̱ u̱n Ku̱rement ne̱, no̱mo̱g m-se̱nge̱ u̱n me̱ ne̱, u̱n myet u̱n yan-ko̱'o̱t u̱n Ma-to̱ m-Re̱re̱m ne̱, ye̱ ka, Shir ge̱ne̱g jin-to̱ u̱n ye̱ u̱n taku̱rda-o̱ u̱n ho̱o̱g-mo̱ ba m-ta.

Piripi-ne̱ 4:3 ပူးပေါင်းရင်းမြစ်များ

Ruka 10:20

Amba no̱ no̱m o-zak remen ya-u̱t-ko̱t nomotu̱ no̱ o-do̱ro̱tte̱ á, no̱m no̱ o-zak remen Shir ge̱ne̱g jin-u̱t no̱ be-de wu̱ n-to̱n.”

Roma-ne̱ 12:1

Remen kaane̱, o̱r re ne̱, me̱ no̱ u̱s-ko̱n remen ka 'wo̱n-de Shir de, ya'as no̱ wu̱r-u̱t no̱ u̱t-seke̱, to̱ ro̱ to̱ u̱n ho̱o̱g à, to̱ u̱n ba m-ku̱ko̱p, to̱ Shir co̱ne̱ à. Kaane̱ ro̱ co̱w-yo o-nip yo no̱ hette̱ m-se̱ke̱mse̱ u̱n Shir à.

Roma-ne̱ 16:12

Gas no̱ Tirayipina u̱n Tirayipusa ne̱. Ka ne'a-ne̱ ye̱, ye̱ ro̱ u̱n se̱nge̱-m Wan-Ko̱yan à. No̱ gas ka ne'a-wu̱ Po̱ro̱si, o̱r re be-de m-se̱nge̱, wu̱ me̱ m-was u̱n wu̱ ne̱ à. Wu̱ no̱mo̱g m-se̱nge̱ de̱e̱n mo̱ u̱n Wan-Ko̱yan.

Roma-ne̱ 16:9

Gas no̱ Urbanus o̱r na wu̱ ro̱ u̱n se̱nge̱-m Kiristi à, u̱n o̱r re ne̱ Sitakis.

Piripi-ne̱ 1:12

O̱r re ne̱, yan-dor, u̱m co̱no̱g no̱ nep rii-yo no̱mu̱ me̱ à u̱n ka ho̱-to̱, yo zwo̱p ka Ma-to̱ m-Re̱re̱m to̱ á, amba hun-ne̱ de̱e̱n go̱kste̱ ma-u̱t Ye̱so.

Piripi-ne̱ 1:27

M-mo̱ka rii-yo jiishe̱ à, no̱m no̱ bo̱ Ma-to̱ m-Re̱re̱m to̱ ma Kiristi, co̱ne̱ à, ko̱ u̱m habe̱ m-hyen no̱, ko̱ me̱ habe̱ á, man ho̱ge̱ no̱ e̱ks m-'wo̱ns ne̱, kang-o gaan, komo co̱w-o gaan no̱ ine̱ eso remen ye̱ co̱ne̱ naas u̱n ka Ma-to̱ m-Re̱re̱m to̱ à.

Piripi-ne̱ 1:5

Bo̱ u̱n ka ho̱-de no̱ go̱kse̱ ma-u̱t Ye̱so à, no̱ se̱ngu̱te̱ m-mo̱sse̱ u̱t-hi u̱n me̱ ne̱, u̱n ko̱'o̱te̱ u̱n hun-ne̱ ka Ma-to̱ m-Re̱re̱m to̱ ne̱, har m-mo̱ka.

Piripi-ne̱ 1:7

Komo hond hond o̱ u̱m ho̱ge̱ bo̱ u̱m ho̱ge̱ u̱n no̱ ne̱ à, o̱ rwo̱'e̱ me̱ttu̱ no̱ m-hwo̱ u̱r-ke̱e̱r, remen no̱ ro̱ u̱n mo̱sse̱ u̱t-hi u̱n me̱ ne̱, u̱n rwo̱r u̱n ka Ma-to̱ m-Re̱re̱m to̱, to̱ Shir ya'su̱ me̱ m-ru̱r à. Da-o̱ u̱m ro ke'o à, no̱ mo̱ssu̱te̱ u̱t-hi. Komo da-o̱ u̱m ro be-de u̱n yan-piish u̱t-ma à, u̱m she̱re̱g o-nip u̱n rwo̱r u̱n ka Ma-to̱ m-Re̱re̱m to̱ u̱n kute̱ u̱n hun-ne̱ ka Ma-to̱ m-Re̱re̱m to̱ nip-to̱.

Piripi-ne̱ 4:2

Etuto̱di u̱n Sinu̱tike no̱ hakku̱re̱ no̱ yage̱ m-su̱u̱ne̱ u̱n ma-u̱t no̱, amba e̱ss no̱ u̱r-hi be-u̱r gaan, bo̱ no̱ ro̱ yan-do̱re̱ u̱n Wan-Ko̱yan à.

Korosiya-ne̱ 1:7

E̱paparas wu̱ yoosu̱ no̱ ka ma-to̱. Wu̱ ro̱ m-nome̱ u̱n Kiristi m-gu̱w, komo te̱ wu̱ m-co̱n. Wu̱ nomote̱ Wan-Ko̱yan m-gu̱w u̱n e̱ss u̱t-ma. U̱n su̱ge̱ u̱n te̱, wu̱ nomte̱ kaane̱.

U̱t-Hyangan 13:8

Kap o̱ u̱n hun-ne̱ ye̱ ro̱ u̱r-she'et u̱n ho̱no o-dak à ye̱ kwu̱ktu̱ru̱ ka nem-yo. Ye̱ ro̱ ka ye̱ a ge̱ne̱ jin-to̱ u̱n ye̱ n-me̱ u̱n ka taku̱rda-o̱ á. Ka taku̱rda-o̱ ro̱ taku̱rda-o̱ u̱n ho̱o̱g o̱ u̱n ká Ya o-Rwu̱u̱g o-Ca a pane̱ à. Cin ba a u̱n no̱m ho̱no o-dak, ká Ca-yo ge̱ne̱ jin-to̱ u̱n ká hun-ne̱ ye̱, ye̱ he m-she'et ba m-ta à.

U̱t-Hyangan 17:8

Ka nem-yo o hyane̱ à, yo weste̱ u̱n no̱m u̱n ho̱o̱g n-ga, amba m-mo̱ka yo kus u̱n ho̱o̱g ne̱ á. Amba har u̱n kaane̱ ne̱, yoa rwu̱u̱n n-do̱ u̱n ka kuub-o̱ u̱r-du̱w o̱ ha-mo̱ u̱n be-de a he yo m-ho à. Hun-ne̱ ye̱ ro̱ u̱r-she'et u̱n ka ho̱no o-dak o̱ à, ye̱ ro̱ cin ba a u̱n hwo̱o̱n rii à a ge̱n jin-to̱ u̱n ye̱ n-me̱ u̱n taku̱rda-o̱ yan-ho̱o̱g á, kap ye̱a bu̱p nu u̱n hyan-o̱ u̱n ka nem-yo, remen n-ga yo ro u̱n ho̱o̱g ne̱ amba m-mo̱ka yo mereste̱.

U̱t-Hyangan 20:12

U̱m hyanu̱ru̱ margan-ne̱, caari u̱n re̱k-ye̱ ne̱, ye̱ eso eso n-he̱r o̱ u̱n ká kwu̱u̱r-o̱ u̱t-gwo̱mo o̱. A upsu̱ u̱t-taku̱rda, komo a upsu̱ru̱ ka taku̱rda-o̱ u̱n ho̱o̱g-o̱. A piishu̱ margan-ne̱ u̱t-ma u̱n bo̱ u̱n rii-yo ye̱ no̱me̱ à, bo̱ to̱ ro̱ gense̱ n-me̱ u̱n ka taku̱rda-to̱ à.

U̱t-Hyangan 20:15

Kap bo̱n wu̱ jin-de u̱n wu̱ rwu̱u̱ne̱ gense̱ n-me̱ u̱n ka taku̱rda-o̱ u̱n ho̱o̱g-o̱ á, a jorbu̱ wu̱ n-me̱ u̱n ka mar-o̱ o-ra o̱.

U̱t-Hyangan 21:27

Amba rii-yo m-ku̱ko̱p a kum m-co̱w n-me̱ u̱n ka bo̱-o̱ á, ko̱ komo ko̱yan no̱m u̱n rem-se u̱n hu, ko̱ wa-u̱t-bo̱, se̱ de̱ ye̱ a ge̱ne̱ jin-to̱ u̱n ye̱ n-me̱ u̱n ka taku̱rda-o̱ u̱n ho̱o̱g-o̱ u̱n ka Ya o-Rwu̱u̱g o-Ca yo à.

U̱t-Hyangan 3:5

Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, ye̱a cu̱p saw-u̱t pus-to̱. Man soks jin-to̱ u̱n ye̱ u̱n taku̱rda-o̱ u̱n ho̱o̱g á. Tomso ne̱ man ru̱re̱ Tato re u̱n yan-to̱m-ye̱ u̱n wu̱ ne̱ u̱nze ye̱ ro̱ yan-dor re.