Piripi-ne̱ 3:18 - Mɑ‑to̱ Shir Taku̱rda-o swo̱r o-nu pu̱-o̱

¹⁸ Remen u̱m ru̱ssu̱tu̱ no̱ co co n-ga, komo u̱m ze̱e̱g yo yish-m yish, ye̱ ken hun-ne̱ ye̱ ro̱ ko̱n ye̱ ro̱ m-no̱m u̱n rii-yo kute̱ u̱nze ye̱ ro̱ yan-yage̱-u̱t Kiristi, wu̱ meret n-to̱n o-kan à.

Piripi-ne̱ 3:18 ပူးပေါင်းရင်းမြစ်များ

Ruka 19:41

Bo̱ Ye̱so wo̱o̱nte̱ yow yow o-Urusharima ne̱ à, komo bo̱ wu̱ hyente̱ o̱ à, wu̱ 'wo̱nu̱ru̱ u̱n tu̱k-mo̱ u̱t-me̱n remen o̱, u̱n hun-ne̱ ne̱ ye̱ ro̱ n-me̱ à.

Se̱nge̱-mo̱ 20:19

Me̱ m-no̱m u̱n se̱nge̱-m Wan-Ko̱yan u̱n gwu̱gwe̱r-mo̱ u̱r-hi de̱e̱n har m-yish ne̱. U̱m mo̱'o̱g u̱r-hur be-de u̱n meger-to̱ haanu̱ me̱ à be-de u̱n rew-u̱r yo̱-de de Yahuda-ne̱ swo̱ me̱ m-nome̱ à.

Roma-ne̱ 9:2

Hur u̱n de ro̱ m-naase̱, u̱n tu̱k-mo̱ u̱t-me̱n ne̱ de̱e̱n, ba u̱r-me'et.

1 Korinti-ne̱ 1:18

Da-o̱ hun-ne̱ ho̱ge̱ ka ma-to̱ u̱nze Shir so'oste̱ ba'as-u̱t na remen Ye̱so marag n-to̱n o-kan à, ye̱ ken ye̱ ro̱ m-ze̱e̱ to̱ ka ma-to̱ o-hwaa to̱. Ka ye̱ ro̱ u̱s-barag kaane̱ à, ye̱ ro̱ m-yirigbe̱ n-me̱ u̱n den-o̱ o-ra. Amba na ye̱ she̱re̱ u̱n ka ma-to̱ à Shir guug na u̱n be̱e̱b-de u̱n wu̱.

1 Korinti-ne̱ 6:9

¿Ashi, no̱ nap u̱nze hun-ne̱ ye̱ no̱me̱ rii-yo u̱n ba u̱r-bon à, ye̱a cu̱w u̱n Gwo̱mo-to̱ Shir á? Taase a e̱gu̱ssu̱ no̱, be-de u̱n ru̱re̱ u̱n no̱ yo ken rii-yo u̱n hon. Me̱ no̱ m-ru̱re̱, ko-ya-o-ás, ko̱ ko-yan-gu̱w-mo̱ u̱s-to̱o̱g, ko̱ ko-yan-hoob-o̱ u̱n ne'a-ne̱, ko̱ campo̱-ne̱ yan-baramse̱ u̱n wu̱r-o̱ u̱n ye̱, ko̱ campo̱-ne̱ yan-m-rewe̱ u̱n o̱r u̱n ye̱ campo̱-ne̱ ne̱,

2 Korinti-ne̱ 11:13

Go̱ u̱n ka hun-ne̱ ye̱ ba yan-To̱m Ye̱so ye̱ o-nip ye̱ á, amba yan-se̱nge̱-mo̱ u̱t-bo̱ ye̱. Ye̱ ro̱ u̱n muut u̱n hi u̱n de u̱n ye̱ yan-To̱m Kiristi.

2 Korinti-ne̱ 11:29

U̱rege̱ wu̱ ken wu̱ taagu̱te̱ m-'wo̱ns me̱ m-hyan sa o zee me̱ wu̱ taage̱ m-'wo̱ns. U̱rege̱ komo a rwo̱'o̱g wu̱ ken wu̱ u̱r-he̱ n-me̱ u̱r-ba'as, yo ka yo ro̱ me̱ re̱e̱s u̱s-ryaab de̱e̱n.

2 Korinti-ne̱ 2:4

Me̱ u̱n genbu̱ no̱, n-me̱ u̱n swo̱ u̱r-ko̱o̱b u̱n tu̱k-mo̱ u̱t-me̱n ne̱ de̱e̱n, har m-yish ne̱ de̱e̱n. Yanze remen u̱m ru̱'u̱t no̱ tu̱k-mo̱ u̱t-me̱n á, amba remen no̱ nept bo̱ u̱m wasse̱ u̱n no̱ ne̱ à de̱e̱n.

Garatiya-ne̱ 1:7

Amba Ma-to̱ m-Re̱re̱m to̱ á, ko̱ hiin. Ye̱ ken ye̱ ro̱ ko̱n ye̱ ro̱ no̱ m-rukurse̱ à, ye̱ ro̱ m-se̱nge̱ ye̱ su̱gu̱te̱ Ma-to̱ m-Re̱re̱m u̱t-ma Kiristi.

Garatiya-ne̱ 2:14

Da-o̱ u̱m hyane̱ ye̱ ro̱ m-do̱re̱ nip-o̱ u̱n Ma-to̱ m-Re̱re̱m to̱ Shir á, u̱m ze̱e̱ru̱ Bitrus u̱n yish-ye̱ u̱n ko̱wan. “Wo̱ ko-Yahuda-wu̱, amba wo̱ u̱r-she'et u̱ntu̱n wu̱ ro̱ ko-Yahuda á. Amba wo̱ m-do̱re̱ u̱n jor-se ye̱ ro̱ u̱n Yahuda-ne̱ á. ¿M-mo̱ka wo̱a ru̱ ye̱ ro̱ Yahuda-ne̱ á ye̱ do̱re̱ jor-se u̱n Yahuda-ne̱?”

Garatiya-ne̱ 2:21

Man ginim yar-mo̱ Shir á. Amba u̱rege̱ ne̱t a hoks m-kum u̱n she'et-de ba u̱r-ba'as u̱n co-o̱ Shir u̱n bu̱-yo u̱n do̱re̱ o-karamsa, yo ka kututu̱ na u̱nze mar-m Kiristi, waragte̱ hwaa o̱ ka.”

Garatiya-ne̱ 5:21

U̱r-shoob ne̱, Mar-mo̱ m-swo̱ komo, Ye̱ ro̱ u̱n mo̱sse̱ u̱t-hi be-de m-no̱m o-ás u̱n bu̱-yo u̱n su̱ swo̱o̱g ne̱, u̱n Se ken rem-se ne̱ u̱ntu̱n kaane̱. Me̱ no̱ m-ke̱we̱s, u̱ntu̱n bo̱ u̱m ke̱wse̱ no̱ n-ga à, u̱nze ye̱ ro̱ m-no̱m u̱n go̱ u̱n ka rem-se à, ye̱a kum m-co̱w n-me̱ u̱n Gwo̱mo-to̱ Shir á.

Garatiya-ne̱ 6:12

Ka hun-ne̱ ye̱ co̱nu̱ no̱ m-gakte̱ u̱r-ko̱ à yan-nu̱-mo̱ u̱r-hi ye̱, ye̱ u̱n co̱n a muut ye̱ yo ken rii-yo. Ye̱ ro̱ m-no̱m kaane̱ remen ye̱ ro̱ m-ho̱ge̱ o-gye̱r. Ye̱ ro̱ u̱s-barag hun-ne̱ a 'ye ye̱ u̱r-ko̱o̱b u̱rege̱ ye̱ she̱r be-de u̱n seke̱-u̱r Kiristi de n-to̱n o-kan cot á.

Garatiya-ne̱ 6:14

Amba me̱ ko̱ hiin, man no̱m nu̱-mo̱ u̱r-hi á. Ko̱ man nom nu̱-mo̱ u̱r-hi, se̱ de̱ remen kan-o Wan-Ko̱yan na Ye̱so Kiristi. Mar-mo̱ u̱n wu̱ n-to̱n o-kan o̱ rwo̱'e̱ co̱n-to̱ u̱n rii-yo u̱n ho̱no o-dak merte̱ u̱n hur u̱n de. Me̱ komo u̱m marag. Me̱ co̱n rii-yo u̱n ho̱no o-dak á.

Apisu-ne̱ 4:17

Remen kaane̱, me̱ no̱ m-ze̱e̱ komo me̱ u̱n nak u̱n to̱-u̱t no̱ u̱n be̱e̱b-de u̱n Wan-Ko̱yan: No̱ she'et u̱ntu̱n hun-ne̱ ye̱ nape̱ Shir á. Barag-se u̱n ye̱ myet se o-hwaa se.

Piripi-ne̱ 1:4

Da-o̱ u̱m no̱me̱ u̱s-ko̱n be-de Shir rem no̱ à, zak-o ro̱ me̱ m-re̱ myet.

1 Tasaronika-ne̱ 4:6

N-me̱ u̱n ka ma-to̱ komo, taase wu̱ ken wu̱ nome̱ o̱r u̱n wu̱ u̱r-ba'as á. Ko̱ ne̱ wu̱ re ra-o o̱r u̱n wu̱ á. Wan-Ko̱yan a 'ye campo̱-ne̱ u̱n ne'a-ne̱ ne̱ u̱r-ko̱o̱b remen go̱ u̱n ka ba'as-de, bo̱ te̱ ru̱re̱ no̱ à u̱n bo̱ te̱ nake̱ no̱ u̱t-to̱ ne̱ à.

2 Tasaronika-ne̱ 3:11

Te̱ ho̱gu̱te̱ u̱nze ye̱ ken ye̱ be-u̱r no̱ ya-m-zar-ye̱, komo ye̱ ro̱ m-no̱m u̱n yo ken rii-yo á se̱ o-he̱be̱ gwu̱w.

2 Bitrus 2:10

To̱ ka nip-to̱, yagu̱nte̱ ken ka ye̱ ro̱ m-do̱re̱ u̱n sabre̱-o̱ u̱n hur-de u̱n ye̱ de u̱r-ba'as à. Ye̱ komo 'yar u̱t-gwo̱mo. Remen uk o-cin m-nu̱ ne̱ ye̱ hoote̱ u̱r-hur u̱n taase ye̱ ho̱ge̱ gye̱r-o̱ u̱n yo'og u̱n yan-to̱m-ye̱ Shir.

Yahudas 1:13

Ká yan-yoos-de u̱t-bo̱ ye̱ ro̱ m-no̱m rem-se m-'e̱. Ya ye̱ ro̱ u̱ntu̱n jo̱k-ye̱ m-sa, ye̱ ro̱ m-ine̱ o-zu̱ngo̱ à, ye̱ ro̱ m-rwu̱nte̱ u̱n ko̱p-to̱ u̱n hu remen ko̱o̱b-de m-'e̱ mo̱ u̱n ye̱. U̱ntu̱n re̱ge̱n-ye̱ ro̱ ye̱ ro̱ u̱t-tu̱w ba u̱r-hi à, ye̱ ro̱ m-kaw o-comb o̱ ba m-ta.