Piripi-ne̱ 2:8 - Mɑ‑to̱ Shir Taku̱rda-o swo̱r o-nu pu̱-o̱

⁸ wu̱ gwe̱re̱gsu̱ru̱ hi-de u̱n wu̱. Komo wu̱ no̱mu̱ru̱ o-do̱ro̱tte̱ o̱ woote̱ wu̱ m-mar à, n-to̱n o-kan.

Piripi-ne̱ 2:8 ပူးပေါင်းရင်းမြစ်များ

Matiyos 17:2

Ye̱ ro̱ o-gwo̱t wu̱r-o Ye̱so barmu̱ru̱, co-o̱ u̱n wu̱ no̱mu̱ru̱ m-cu̱cas u̱ntu̱n u̱r-ho̱, matuku-to̱ wu̱ co̱pe̱ à to̱ wargu̱ru̱ u̱t-pus to̱ pyar.

Matiyos 26:39

Wu̱ neku̱ru̱ co hiin, wu̱ argu̱ m-kwu̱mu̱s u̱n hi-de u̱n wu̱ n-dak. Wu̱ no̱mu̱ru̱ u̱s-ko̱n, wu̱ zee, “Tato re! U̱rege̱ a nome̱, dossu̱ me̱ kà ibitte̱-de u̱n swo̱ u̱r-ko̱o̱b de. Myet u̱n kaane̱ ne̱, ba yo u̱m co̱ne̱ u̱n hur u̱n de à, yo yo a he m-no̱m á, se̱ de̱ yo o co̱ne̱ à.”

Matiyos 26:42

Wu̱ dooru̱ m-warag o-ayoore̱-o̱. Wu̱ ko̱nu̱ru̱, “Tato re! U̱rege̱ kà swo̱ u̱r-ko̱o̱b de a dosse̱ á se̱ u̱m swo̱o̱g de, nom yo o co̱ne̱ à.”

Ruka 9:29

Bo̱ wu̱ ro̱ u̱s-ko̱n à, co-o̱ u̱n wu̱ barmu̱ru̱ u̱n ho̱n, komo saw-to̱ u̱n wu̱ wargu̱ru̱ u̱t-pus to̱ pyar.

Yohana 10:18

Yatt-wu̱ he rumus u̱n ho̱o̱g re á, amba u̱n co̱n-m re o̱ u̱m hette̱ mo̱ m-ya'as. Me̱ o-co̱w ne̱, u̱m ya'aste̱ mo̱. Me̱ o-co̱w ne̱ komo yo u̱m hette̱ mo̱ m-de̱ke̱n à. Tato re ze̱e̱ u̱m nom kááne̱.”

Yohana 14:31

Amba remen ho̱no o-dak nept u̱nze u̱m waste̱ o-Tato ne̱, me̱ u̱n no̱m u̱n kap rii-yo Tato re ze̱e̱ à. “A ine̱ no̱ kane̱, da-o wooste̱ o̱ a hette̱ no̱ m-neke̱ à.”

Yohana 15:10

U̱rege̱ de u̱nze no̱ o-do̱ro̱tte̱ u̱n karamsa-u̱s re ne̱, man kutu̱ no̱ was-m re, bo̱ u̱m do̱re̱ ma-u̱t Tato re à, komo u̱m she'ete̱ n-me̱ u̱n was-mo̱ u̱n wu̱.

Yohana 4:34

Ye̱so ze̱e̱ru̱ ye̱, “Rii-yo m-re̱ re yo ka, u̱m nom o-do̱ro̱tte̱ u̱n ma-to̱ u̱n wu̱ to̱mnu̱ me̱ à, u̱m komot se̱nge̱-mo̱ wu̱ yasu̱ me̱ à.

Se̱nge̱-mo̱ 8:33

A nomotu̱ wu̱ rem-se ba u̱r-bon har a we̱n wu̱ yo ro̱ yo ma u̱n wu̱ à. ¿Wan wu̱ ne̱ he hoks u̱n ce̱p u̱n ma-to̱ u̱n baag-o̱ u̱n wu̱? Remen a dossu̱ssu̱te̱ ho̱o̱g-mo̱ u̱n wu̱ u̱n ka dak-o̱.”

Roma-ne̱ 5:19

Bo̱ hun-ne̱ de̱e̱n warge̱ ya-u̱t-ba'as remen ko̱o̱b-de o-do̱ro̱tte̱ o̱ u̱n wan-gaan à, kaane̱ komo hun-ne̱ de̱e̱n he m-warag kashi remen do̱ro̱tte̱-o̱ u̱n wan-gaan.

2 Korinti-ne̱ 8:9

Remen no̱ nepse̱ yar-m Wan-Ko̱yan Ye̱so Kiristi rem na. Ko̱ de̱ nomte̱ wu̱ ro̱ u̱n ko̱ yo ke rii-yo ne̱ à, myet u̱n kaane̱ ne̱, wu̱ waragte̱ ko-ko̱o̱b rem no̱. Remen ko-ko̱o̱b-wu̱ wu̱ warge̱ à, o̱ rwo̱'e̱ no̱ kumut ko̱ yo ke rii-yo u̱n co-o̱ Shir.

Garatiya-ne̱ 3:13

Ka nu-o yo̱-o̱ o̱, o̱ o-karamsa a possu̱ssu̱te̱ o̱, remen Kiristi rurug na be-de u̱n ka nu-o yo̱-o̱ o̱, remen a muute̱ wu̱ rii-yo yo̱, rem na. Remen kaane̱ a ge̱ne̱g, “Kap bo̱n wu̱ a kame̱ n-te̱ u̱n kan-o̱ o-ce à, a hu̱u̱tu̱ wu̱ o̱ ka nu-o yo̱-o̱.”

Titus 2:14

Ye̱so ya'aste̱ hi u̱n de u̱n wu̱ har m-mar rem na. Wu̱ u̱n no̱m kaane̱, remen wu̱ rurut na be-de u̱n be̱e̱b-de u̱r-ba'as, komo remen wu̱ soksté̱ ba'as-u̱t na. Wu̱ u̱n no̱m kaane̱ bo̱ a he m-warag kashi u̱n hun-ne̱ ye̱ u̱n Shir à, komo bo̱ a he m-warag hun-ne̱ yan-go̱p-de u̱n no̱m u̱n rem-se u̱r-bon be-de Shir.

Yahuda-ne̱ 12:2

A se̱nge̱ no̱ tu u̱n yish be-u̱r Ye̱so wu̱ she̱r-m na ro̱ be-de u̱n wu̱ à, cin u̱r-takan har da-o̱ u̱r-ko̱m. Wu̱ no̱mo̱g jaab-o̱ u̱t-me̱n n-to̱n o-kan be-de u̱n yo'og o̱ a no̱mu̱ wu̱ à, har wu̱ meret remen wu̱ nepste̱ wu̱a no̱m o-zak o-co. M-mo̱ka wu̱ ro̱ tara u̱n kom-o u̱r-re̱ de u̱n Shir, be-de jiishe̱ m-se̱k à n-To̱n.

Yahuda-ne̱ 12:4

Myet u̱n kaane̱ ne̱, mu̱r-to̱ no̱ ro̱tte̱ u̱t-ba'as à, no̱ u̱n goshi wo̱ be-de m-mar á.

1 Bitrus 2:24

Kiristi sawag nu̱-se u̱n ba'as-u̱t na u̱n wu̱r-o̱ u̱n wu̱. A kamag wu̱ o-kan remen a yagu̱té̱ no̱m u̱r-ba'as komo a cirit kashi u̱r-she'et. Shir taasu̱ ka hoog-mo̱ mo̱ u̱n ba'as-u̱t no̱ remen hoog-m Ye̱so.

1 Bitrus 3:18

Kiristi marag o-gaan cot remen ba'as-u̱t na. Wan-ba-u̱r-ba'as marag remen ya-u̱t-ba'as. Kiristi no̱mo̱g yo ka remen wu̱ he no̱ m-heet be-de Shir. A ho̱o̱g wu̱r-o̱ u̱n wu̱, amba a muutu̱ru̱ Ku̱kt-o̱ u̱n wu̱ u̱n ho̱o̱g ne̱.