Piripi-ne̱ 2:6 - Mɑ‑to̱ Shir Taku̱rda-o swo̱r o-nu pu̱-o̱

⁶ Ya wu̱ ro̱ gaan u̱n Shir ne̱, amba wu̱ de̱k hi u̱n de u̱n wu̱ hond hond u̱n Shir ne̱ á.

Piripi-ne̱ 2:6 ပူးပေါင်းရင်းမြစ်များ

Matiyos 1:23

“Wan-ne'a-wu̱ nape̱ campo̱ á wu̱a nom u̱r-uub, wu̱a met wà, wan-campo̱. Komo a e̱gu̱ wu̱ u̱r-jin Imanuwe̱r.” Ka jin-de Imanuwe̱r de ro̱, Shir ro̱ be-u̱r gaan u̱n na ne̱.

Yohana 1:18

Yatt ne̱t-wu̱ take̱ hyan u̱n Shir cas á, se̱ Wà u̱n wu̱ u̱r-mat u̱n ho̱n-de u̱n wu̱. Wu̱ ro̱ ragaan u̱n Shir ne̱. Wu̱ ro̱ tara u̱n kom-o̱ u̱r-re̱ de Shir à, wu̱ ru̱ru̱ na bo̱ Shir ro̱ à.

Yohana 10:30

U̱n me̱ u̱n Tato re, gaan te̱ ro̱.”

Yohana 10:33

Ye̱ ze̱e̱ru̱, “Yanze remen rem-u̱s ru se u̱r-bon se te̱ hette̱ wo̱ m-jir á, se̱ de̱ remen o yo'ogte̱ Shir. Wo̱ ka ne̱ ne̱t-wu̱, amba wo̱ m-mus u̱n hi u̱n du Shir.”

Yohana 10:38

Amba u̱rege̱ ne̱ no̱ hyanag me̱ m-no̱m bo̱ Tato re ro̱ m-no̱m à, ¿remen yan o̱ no̱ she̱rte̱ hur-u̱t no̱ u̱n me̱ ne̱ á? Ko̱ go̱n se̱nge̱-mo̱ me̱ m-no̱m à, mo̱ bo̱'o̱ssu̱te̱ no̱ nept m-so̱k ne̱, u̱nze Tato re ro̱ be u̱n de, me̱ komo ne̱ be-de o-Tato.”

Yohana 14:28

“No̱ ho̱gu̱ssu̱te̱ de̱ u̱m ze̱e̱g me̱n neke̱ u̱m dott m-mu̱u̱n be u̱n no̱. No̱ wasse̱ u̱n me̱ ne̱, no̱a nom o-zak remen me̱ m-ha be-u̱r Tato re wu̱ jiishe̱ me̱ à.

Yohana 14:9

Ye̱so ze̱e̱ru̱ wu̱, “Pirip, ho̱nu̱ a she'ete̱ no̱ cen no̱ ne̱ à, ¿o ze̱e̱ru̱ har m-mo̱ka wo̱ nap me̱ á? Ai, kap ne̱t-wu̱ hyane̱ me̱ à, ai wu̱ hyanag o-Tato. ¿Re o̱ u̱n ya o zette̱, ‘Kute̱ te̱ o-Tato’?

Yohana 17:5

M-mo̱ka komo ne̱, Tato re, do me̱ m-se̱ke̱mse̱, u̱n ka se̱ke̱mse̱-mo̱ ne̱ mo̱ u̱m rotte̱ mo̱sse̱ u̱n wo̱ ne̱ à, rii-yo a nomot ho̱no o-dak.

Yohana 20:28

Tomas shasu̱ru̱, wu̱ ze̱e̱ru̱, “Go̱s-wu̱ re! Shir re!”

Yohana 5:18

Ka da-de ne̱, Yahuda-ne̱ inu̱ru̱ hoob-o̱ u̱n co̱w-yo ye̱ bu̱pt Ye̱so, ye̱ hoot wu̱, remen ye̱ ho̱gu̱te̱ wu̱ rwo̱ro̱g kááne̱, ye̱ hyanag wu̱ yo'ogte̱ Ho̱-de u̱r-Wu̱we̱. Komo wu̱ ze̱e̱g Shir Tato u̱n wu̱. Wu̱ muutte̱ hi u̱n de u̱n wu̱ hond hond u̱n Shir ne̱.

Yohana 5:23

remen kap o̱ u̱n hun-ne̱ ye'et Wà m-se̱k bo̱ a u̱n 'ya o-Tato à. Amba bo̱ u̱n wu̱ yage̱ 'ya u̱n Wà m-se̱k à wu̱ 'ya o̱ ka o-Tato m-se̱k wu̱ to̱mne̱ Wà á.

Roma-ne̱ 9:5

Ibrahi, Ishaku, u̱n Yakubu ne̱ ro̱ mo̱ng-ne̱ u̱n ye̱ ne̱ ya-n-ga-ye̱, Kiristi u̱n ce u̱n wu̱ ko-Isra-wu̱ u̱n mat-de u̱n ko-hun. Komo, wu̱ Shir wu̱. Wu̱ ro̱ gwo̱mo-to̱ u̱n ko̱yan à, komo wu̱ wooste̱ a 'ye wu̱ u̱r-bo̱ngo̱n har da-o̱ ba m-ta, amin!

2 Korinti-ne̱ 4:4

Ye̱ she̱r be-de Shir á, remen wan-gwo̱mo-to̱ u̱n ka ho̱no o-dak o̱ po̱o̱su̱te̱ hur-de u̱n ye̱. Wu̱ we̱ne̱g ye̱, ye̱ hyen m-cu̱cas mo̱ ro̱ m-dakan n-te̱ u̱n hur-de u̱n ye̱ à, ka cu̱cas-mo̱ ro̱ m-rwu̱u̱n n-me̱ u̱n Ma-to̱ m-Re̱re̱m n-te̱ u̱n se̱ps-m Kiristi, wu̱ ro̱ sha-mo̱ Shir à.

2 Korinti-ne̱ 8:9

Remen no̱ nepse̱ yar-m Wan-Ko̱yan Ye̱so Kiristi rem na. Ko̱ de̱ nomte̱ wu̱ ro̱ u̱n ko̱ yo ke rii-yo ne̱ à, myet u̱n kaane̱ ne̱, wu̱ waragte̱ ko-ko̱o̱b rem no̱. Remen ko-ko̱o̱b-wu̱ wu̱ warge̱ à, o̱ rwo̱'e̱ no̱ kumut ko̱ yo ke rii-yo u̱n co-o̱ Shir.

1 Timoti 1:17

Ko̱n-u̱s re se ro̱ hun-ne̱ kap ye̱ 'ye Shir m-se̱ps, u̱t-go̱s ne̱, ba m-ta. Wu̱ ro̱ ko-Gwo̱mo ba m-ta. Wu̱ u̱n ba u̱r-ko̱m. Wu̱ a m-hyan á. Shir o̱ u̱n ho̱n-de u̱n o̱. Amin.

1 Timoti 3:16

Nip-o̱, m-she̱r be-de Shir ro̱ m-'wo̱ns ne̱ ko̱ de nomte̱ se ken rem-se ro̱ko̱n wukusse̱ à: Ye̱so haante̱ n-me̱ o-wu̱r u̱ntu̱n o̱ ma na, Ku̱kt-o̱ Shir kutute̱ na wu̱ kashi u̱n ne̱t-wu̱. Yan-to̱m-ye̱ Shir ye̱ hyanag wu̱. Yan-dor Ye̱so ko̱'o̱te̱ ma-to̱ u̱n wu̱ be-de hun-ne̱ kap ho̱no o-dak. Hun-ne̱ go̱kste̱ kà ko̱'o̱t-o̱ be-u̱t-be ho̱no o-dak kap. Shir de̱ku̱ wu̱ ha-m o̱ n-To̱n be-de m-se̱ps.

Titus 2:13

A nom kaane̱, ko̱ de a ro̱ u̱n 'er-de u̱n sakto̱, o̱ he na m-rwo̱ o-zak à. U̱n ka ho̱-de Ye̱so Kiristi, wu̱ ro̱ na caari-wu̱ Shir, Wan-Gwu̱ na, wu̱ he m-mu̱u̱n u̱n ka dak-o̱ u̱n se̱ps-mo̱ u̱n wu̱ ne̱.

Yahuda-ne̱ 1:3

Wo̱ gu̱te̱ Wà-wu̱ Shir, o hyanu̱ru̱ se̱ps-mo̱ Shir. Wo̱ hyene̱ wu̱, ragaan-wu̱ ro̱ u̱n Shir ne̱. Wu̱ ro̱ bo̱k ho̱no o-dak u̱n ma-to̱ u̱n wu̱ to̱ u̱r-be̱e̱b. Bo̱ wu̱ soksu̱tu̱ na ba'as-u̱t na à, wu̱ daaru̱ n-To̱n u̱n shir, wu̱ she'etu̱ru̱ u̱n be-de u̱t-gwo̱mo n-riib o̱ u̱n Shir Wa-u̱t-Hyat.

Yahuda-ne̱ 1:6

Da-o̱ Shir to̱mne̱ Wà u̱n wu̱, wu̱ co, u̱n ho̱no o-dak à, wu̱ ze̱e̱ru̱, “Yage̱ yan-to̱m-ye̱ Shir kap ye̱ kwu̱ktu̱tu̱ wu̱, ye̱ nomote̱ wu̱ u̱r-bo̱ngo̱n.”

Yahuda-ne̱ 1:8

Amba u̱n ma-u̱t Wà u̱n wu̱, wu̱ zee, “Wo̱ Shir, gwo̱mo-u̱t ru to̱ m-ta to̱ á. Piish u̱n ma-to̱ o-nip, to̱ ro̱ gwo̱o̱b-yo u̱n gwo̱mo-u̱t ru.

Yahuda-ne̱ 13:8

Ye̱so Kiristi wu̱ ro̱ m-barme̱ á. Bo̱ wu̱ ro'e̱ n-ga n-ga à, kaa wu̱ ro̱ caane̱ har da-o̱ u̱n ba m-ta.

U̱t-Hyangan 21:6

Komo wu̱ ze̱e̱ru̱, “A ko̱mo̱g! Me̱ ro̱ Arpa, u̱n Omega ne̱. Me̱ ro̱ u̱r-Takan u̱r-Bu̱ste̱ ne̱. Kap ye̱ ro̱ u̱n ho̱ge̱ o-swo̱o̱t à, man 'ye ye̱ yish-to̱ ho̱-mo̱ u̱n ho̱o̱g m-yar.