Piripi-ne̱ 2:25 - Mɑ‑to̱ Shir Taku̱rda-o swo̱r o-nu pu̱-o̱

²⁵ Amba u̱m waksu̱te̱ hur u̱n de, u̱r-takan, man to̱mbe̱ o̱r re wan-dor, E̱paraditus, wu̱ waragbe̱ be-u̱r no̱. Wu̱ no̱mo̱g m-se̱nge̱ u̱n me̱ ne̱, u̱n rwo̱r u̱n ka Ma-to̱ m-Re̱re̱m to̱. Komo wu̱ rangu̱te̱ u̱n me̱ ne̱ be-de yan-yage̱-to̱ u̱n Ma-to̱ Shir. No̱ to̱mo̱nte̱ wu̱ rem no̱, komo wu̱ haante̱, wu̱ guug me̱ u̱n yo u̱m co̱ne̱ à.

Piripi-ne̱ 2:25 ပူးပေါင်းရင်းမြစ်များ

Yohana 13:16

Me̱ no̱ m-ru̱re̱ o-nip, gu̱w-ne̱ ro̱ m-jiish u̱n go̱s-ye̱ ye̱ u̱n ye̱ ne̱ á. Wan-to̱m komo wu̱ ro̱ m-jiish u̱n ne̱t-wu̱ to̱mnu̱ wu̱ á.

Yohana 17:18

Bo̱ o to̱mnu̱ me̱ ho̱no o-dak à, ka bo̱-se ne̱ o̱, u̱n ce re, u̱m to̱me̱ ye̱ be-de u̱n hun-ne̱ ye̱ ru̱ru̱te̱ ye̱ ma-u̱t ru.

Roma-ne̱ 16:3

Gassu̱ me̱ no̱ Biskira u̱n Akira o̱r re ne̱ be-de u̱n se̱nge̱-m Kiristi Ye̱so.

Roma-ne̱ 16:9

Gas no̱ Urbanus o̱r na wu̱ ro̱ u̱n se̱nge̱-m Kiristi à, u̱n o̱r re ne̱ Sitakis.

1 Korinti-ne̱ 3:9

Remen te̱ yan-gu̱w-mo̱ Shir ye̱, komo no̱ yan-dor u̱n bo̱-o̱ o-Korinti kat-o̱ Shir o̱. Mà-to̱ Shir no̱ ro̱ komo.

2 Korinti-ne̱ 2:13

Myet u̱n kááne̱ ne̱ hur u̱n de de ru̱t á, remen me̱ hyan o̱r re Titus re̱e̱no̱ á. Remen kaane̱ u̱m ze̱e̱ru̱ ye̱ se̱ ho̱-u̱r ho̱r-de, u̱m argu̱ru̱ ha-mo̱ o-Makidoniya.

Piripi-ne̱ 2:26

No̱ ho̱gu̱te̱ u̱nze wu̱ piishe̱ á, har wu̱ ba'aste̱ m-mar. Bo̱ wu̱ nape̱ u̱nze no̱ ho̱gu̱te̱ wu̱ piishe̱ á, hur-de u̱n wu̱ nassu̱te̱. Wu̱ co̱n no̱ naas u̱r-hur remen wu̱ á. Man to̱mbe̱ wu̱ remen hur-u̱r no̱ gwu̱ru̱te̱. O-nip, wu̱ ro piishe̱te̱ á. Amba Shir wu̱ yage̱ wu̱ meret á, Shir mu̱u̱ntu̱te̱ wu̱ ke̱rke̱r. Ba wu̱ Shir kute̱ u̱r-'wo̱n cot á, amba u̱n me̱ ne̱. Wu̱ co̱n me̱ u̱m kum penem-se u̱n me̱n-u̱t rim-to̱, komo u̱n do̱ o̱ u̱n yo u̱m ro̱tte̱ á

Piripi-ne̱ 4:18

Nap no̱ u̱nze yo no̱ to̱mnu̱nte̱ me̱ à wo̱o̱nte̱ be u̱n de, komo yo aragte̱ bo̱ u̱m co̱ne̱ à, cin da-o̱ E̱paraditus hante̱ me̱ ka saw-to̱ no̱ to̱mo̱nte̱ wu̱ à. Ya ro̱ sa o zee no̱ ya'ag Shir no̱w-mo̱ m-shi'igin, mo̱ u̱r-seke̱, Shir go̱kste̱, komo wu̱ ho̱gu̱te̱ m-re̱re̱m.

Piripi-ne̱ 4:3

Wan-yen de, u̱m ko̱no̱g o gu ka ne'a-ne̱ ye̱, remen ye̱ u̱n Ku̱rement ne̱, no̱mo̱g m-se̱nge̱ u̱n me̱ ne̱, u̱n myet u̱n yan-ko̱'o̱t u̱n Ma-to̱ m-Re̱re̱m ne̱, ye̱ ka, Shir ge̱ne̱g jin-to̱ u̱n ye̱ u̱n taku̱rda-o̱ u̱n ho̱o̱g-mo̱ ba m-ta.

Korosiya-ne̱ 1:7

E̱paparas wu̱ yoosu̱ no̱ ka ma-to̱. Wu̱ ro̱ m-nome̱ u̱n Kiristi m-gu̱w, komo te̱ wu̱ m-co̱n. Wu̱ nomote̱ Wan-Ko̱yan m-gu̱w u̱n e̱ss u̱t-ma. U̱n su̱ge̱ u̱n te̱, wu̱ nomte̱ kaane̱.

Korosiya-ne̱ 4:11

Ye̱so, wu̱ a m-aag Justus à, ro̱ no̱ m-gas eb u̱n wu̱ ne̱. Ka hun-ne̱ tet-ye̱ cot ye̱ ro̱ Yahuda-ne̱ ye̱ she̱re̱ kane̱ à. Ye̱ ro̱ m-se̱nge̱ u̱n me̱ ne̱ ye̱ ru̱ru̱t Ma-to̱ m-Re̱re̱m mo̱sse̱ u̱n gwo̱mo-to̱ Shir ne̱. Ye̱ dootu̱ me̱ jaab-o̱ u̱t-me̱n de̱e̱n.

1 Tasaronika-ne̱ 3:2

Amba te̱ to̱mbu̱te̱ Timoti. Timoti ro̱ u̱n se̱nge̱-mo̱ Shir be-u̱r gaan u̱n te̱ ne̱ mo̱ u̱n ko̱'o̱t u̱n Ma-to̱ m-Re̱re̱m to̱ ma Kiristi. Te̱ to̱mbu̱te̱ wu̱ remen wu̱ dootú̱ no̱ u̱r-be̱e̱b komo wu̱ ye'et no̱ jaab-o̱ u̱t-me̱n mo̱sse̱ u̱n she̱r-m no̱ ne̱.

Pirimo̱n 1:24

Kaane̱ komo o̱r re ne̱ yan-se̱nge̱-mo̱ u̱n rwo̱ru̱ u̱n ma-u̱t Ye̱so, Markus, u̱n Aristarkus, u̱n Dimas, u̱n Ruka ne̱, o̱r re ne̱ n-me̱ m-se̱nge̱ ye̱ wo̱ u̱r-gas.

Yahuda-ne̱ 3:1

Remen kaane̱, tu no̱ yish be-u̱r Ye̱so, wu̱ Shir to̱mne̱, wu̱ waragte̱ na ko-Gwo̱mo-wu̱ u̱n ko̱n-se Shir u̱n ru̱ru̱ u̱n ye̱ ken ye̱ ne̱ u̱n yo te̱ she̱rte̱ à.