Piripi-ne̱ 2:21 - Mɑ‑to̱ Shir Taku̱rda-o swo̱r o-nu pu̱-o̱

²¹ U̱m ze̱e̱g yo ka remen ko̱ wu̱ ke wu̱ co̱no̱g hi u̱n de u̱n wu̱, hur-de u̱n ye̱ ro̱ co co be-u̱r Ye̱so Kiristi á.

Piripi-ne̱ 2:21 ပူးပေါင်းရင်းမြစ်များ

Matiyos 16:24

Ka da-de Ye̱so ze̱e̱ru̱ yan-neke̱-mo̱ u̱n wu̱, “Myet wu̱ co̱ne̱ wu̱ do̱ru̱ me̱ à, be-u̱r no̱, se̱ wu̱ she̱'e̱g hi u̱n de u̱n wu̱, wu̱ sew kan-o̱ u̱n wu̱, wu̱ do̱ru̱ me̱.

Ruka 14:26

“Yatt-wu̱ he warag wan-neke̱-m re ye̱ á, se wu̱ co̱no̱g me̱ arge̱ tato u̱n wu̱, u̱n inu u̱n wu̱ ne̱, ne'a u̱n wu̱, u̱n yakar ne̱, hen-ne̱ u̱n se̱k-ye̱ ne̱, u̱n ho̱o̱g-mo̱ u̱n wu̱ ne̱ komo.

Se̱nge̱-mo̱ 13:13

Burus u̱n ya-u̱r-hew de u̱n wu̱ ne̱ ye̱ inu̱ru̱ o-Bapo̱s n-me̱ u̱n hat-o̱ m-ho̱. Ye̱ neku̱ru̱ o-Perga so̱ u̱n dak-o̱ o-Bampiriya. Yohana yagu̱ru̱ ye̱, wu̱ wargu̱ru̱ o-Urusharima.

Se̱nge̱-mo̱ 15:38

Amba Burus hyanu̱ru̱ u̱ no̱m u̱r-bon ye̱ neke̱ u̱n Markus ne̱ á remen n-ga wu̱ ro yagu̱su̱tu̱ ye̱ u̱n dak-o̱ o-Bampiriya, komo wu̱ yagu̱te̱ re̱ co m-se̱nge̱ be-u̱r gaan u̱n ye̱ ne̱.

1 Korinti-ne̱ 10:24

Taase o was u̱n hi u̱n du ne̱ cot á, amba o was u̱n o̱r ru ne̱ yan-dor komo.

1 Korinti-ne̱ 10:33

No̱m no̱ bo̱ me̱ m-no̱m à. Me̱ m-se̱nge̱ u̱m ru̱'u̱t ko̱wan ho̱ge̱ m-re̱re̱m n-me̱ u̱n kap o̱ u̱n rii-yo me̱ m-no̱m à, ba rii-yo u̱m co̱ne̱ à yo me̱ m-no̱m á, se̱ de̱ remen hun-ne̱ kap ye̱ kumut gwu̱.

1 Korinti-ne̱ 13:5

Jaks u̱r-hi ro̱ ko̱n á. Was-m ro̱ u̱n cu̱ne̱ u̱n hi u̱n de u̱n mo̱ á. Was-m ro̱ m-hante̱ o-su̱gu̱m á, Was-m ro̱ m-hum u̱r-ba'as u̱r-hur á.

2 Korinti-ne̱ 1:5

U̱ntu̱n bo̱ a u̱n swo̱ u̱r-ko̱o̱b bo̱ Kiristi swo̱ à, kaane̱ komo, remen a ro̱ ye̱ ma Kiristi, Shir ro̱ na gwu̱'u̱rse̱ u̱r-hur u̱n bu̱-o Kiristi.

2 Timoti 1:15

O nepse̱ u̱nze yan-dor Ye̱so kap, ye̱ ro̱ u̱n dak-o̱ o-Asiya tukute̱ me̱ o-cin. Har u̱n Pajerus ne̱ u̱n Hamojenis ne̱, ye̱ tukute̱ me̱ o-cin.

2 Timoti 3:2

Yo rwo̱'e̱ u̱m zeet kaane̱ à, remen: Hun-ne̱ ye̱a ma'as yan-co̱n-to̱ u̱n hi u̱n de u̱n ye̱ temb. Ye̱a ma'as yan-co̱n-to̱ u̱n hwo̱r, Ya-u̱s-se̱s, Yan-nu̱-mo̱ u̱r-hi, Ya-u̱t-re̱e̱b, Yan-ko̱o̱b-de o-do̱ro̱tte̱ o̱ u̱n ye̱ mate̱ ye̱ à, Yan-nu-se u̱n o-kiit, Yan-ko̱o̱b-de u̱n gye̱r-o̱ Shir.

2 Timoti 4:10

U̱m co̱no̱g o haan remen Dimas wongu̱te̱ u̱n me̱ ne̱. Wu̱ wongu̱te̱ u̱n me̱ remen go̱p-de u̱n rem-se u̱n ho̱no o-dak. Wu̱ neke̱te̱ bo̱-o̱ o-Tasaronika. Komo Kirezens haag raag-o̱ o-Garatiya. Titus komo wu̱ haaru̱ raag-o̱ o-Darmatiya.

2 Timoti 4:16

Da-de a taknu̱ me̱ m-hante̱ be-de u̱n ko-wan-piish u̱t-ma kane̱ u̱n bo̱-o̱ o-Roma à, u̱m ruute̱ hi u̱n de be-de u̱n ye̱ ro̱ me̱ u̱s-ce̱te̱nte̱ à, yatt-wu̱ su̱'e̱ me̱ á. Ye̱ tukute̱ me̱ o-cin kap mo̱ u̱n ye̱. U̱m ko̱no̱g Shir sokse̱ ye̱ ka ba'as-de.