Piripi-ne̱ 2:11 - Mɑ‑to̱ Shir Taku̱rda-o swo̱r o-nu pu̱-o̱

¹¹ Ko̱ wu̱ ke ne̱ a zee, “Ye̱so Kiristi ro̱ Wan-Ko̱yan,” no̱m u̱n kaane̱, a hante̱ m-se̱ps be-de Shir Tato na.

Piripi-ne̱ 2:11 ပူးပေါင်းရင်းမြစ်များ

Matiyos 10:32

Ye̱so ze̱e̱ru̱, “Myet bo̱ u̱n wu̱ ru̱re̱ ye̱ ken hun-ne̱ ye̱ u̱nze wu̱ she̱re̱g be u̱n de à, me̱ u̱n cere man ru̱re̱ Shir Tato re wu̱ ro̱ n-To̱n à, u̱nze ka ne̱t-wu̱, wu̱ ma re wu̱.

Ruka 2:11

De ka ho̱-de n-me̱ u̱n bo̱-o Dawuda, a makt Wan-Gwu̱ no̱, Kiristi, Go̱s-wu̱.

Yohana 12:42

Kap u̱n ko̱o̱b-de u̱n she̱r u̱n hur-de u̱n ye̱ u̱n wu̱ ne̱, u̱t-mo̱o̱r ne̱ be-de go̱s-ye̱ ye̱ u̱n Yahuda-ne̱, ye̱ she̱re̱g u̱n wu̱. Amba ye̱ e̱s m-rwu̱nte̱ á, u̱n gye̱r-o̱ u̱n taase Parisa-ne̱ ruut ye̱ u̱n kuke̱-o̱ u̱n yoos u̱n Ma-to̱ Shir.

Yohana 13:13

No̱ me̱ m-aag ‘Wa-u̱r-Yoos,’ komo ‘Go̱s-wu̱’ no̱. Hond hond o̱ ne̱ komo. Ka bo̱-se o̱ u̱m ro̱.

Yohana 13:14

Bo̱ me̱ Go̱s-wu̱, u̱n Wa-u̱r-Yoos ne̱ à, har u̱m saptu̱te̱ no̱ u̱s-na à, depete̱ u̱n cen no̱ ne̱ no̱ sapt na-u̱s o̱r no̱ ne̱.

Yohana 14:13

Tomso ne̱ kap bo̱n yo no̱ ko̱ne̱ u̱n jin u̱n de à, man nomo no̱ yo remen a se̱ke̱msu̱té̱ Tato re be u̱n de.

Yohana 14:23

Ye̱so ze̱e̱ru̱ wu̱, “Bo̱n wu̱ wasse̱ u̱n me̱ ne̱ à, wu̱a do̱re̱ ma-u̱t re. Tato re a was u̱n wu̱ ne̱. Te̱a haan, te̱ Tato re be-de u̱n wu̱ te̱ she'et mo̱sse̱ u̱n wu̱ ne̱.

Yohana 17:1

Bo̱ Ye̱so ru̱rte̱ kááne̱ à, wu̱ dassu̱ru̱ u̱r-hi n-To̱n shir. Wu̱ ze̱e̱ru̱, “Tato re, da-o wooste̱ o̱ o hette̱ me̱ m-se̱ke̱mse̱ à, remen me̱ u̱n cere u̱m se̱ke̱msu̱té̱ wo̱.

Yohana 20:28

Tomas shasu̱ru̱, wu̱ ze̱e̱ru̱, “Go̱s-wu̱ re! Shir re!”

Yohana 5:23

remen kap o̱ u̱n hun-ne̱ ye'et Wà m-se̱k bo̱ a u̱n 'ya o-Tato à. Amba bo̱ u̱n wu̱ yage̱ 'ya u̱n Wà m-se̱k à wu̱ 'ya o̱ ka o-Tato m-se̱k wu̱ to̱mne̱ Wà á.

Yohana 9:22

Tat-ne̱ u̱n wu̱ u̱n rwo̱r kaane̱ remen gye̱r-o̱ u̱n Se̱k-ye̱ be-de u̱n Yahuda-ne̱. Remen n-ga ne̱, Se̱k-ye̱ be-de u̱n Yahuda-ne̱ ye̱ gekse̱ u̱nze kap bo̱n ne̱t-wu̱ ze̱e̱, “Ye̱so ro̱ Kiristi wu̱ Shir to̱mne̱ à,” a ruut wu̱ u̱n kuke̱-o̱ u̱n yoos u̱n Ma-to̱ Shir, wu̱a do m-mu̱u̱n á.

Se̱nge̱-mo̱ 10:36

No̱ nepste̱ to̱m-o̱ wu̱ to̱mnu̱nte̱ hun-ne̱ ye̱ o-Isra à. Shir ya'ag te̱ Ma-to̱ m-Re̱re̱m to̱ rwo'e̱ na she'et-de ba u̱t-ween u̱n Shir ne̱ à. Wu̱ u̱n no̱m kaane̱ u̱n bu̱-o Ye̱so Kiristi, komo wu̱ ro̱ Wan-Ko̱yan be-de u̱n ko̱ wu̱ ke ne̱t-wu̱.

Se̱nge̱-mo̱ 2:36

“Remen kaane̱, kap o̱ u̱n hun-ne̱ ye̱ o-Isra ye̱ nep u̱nze ka Ye̱so-wu̱ a kame̱ o-kan à, Shir muutu̱ wu̱ Wan-Ko̱yan, komo u̱n Kiristi.”

Roma-ne̱ 14:11

Ma-to̱ Shir ze̱e̱g: “Me̱ ro̱ Yawe, u̱m to̱nte̱, ko̱ se ke rwu̱n-se a kwu̱kt be u̱n de, ko̱ de ke rem-de, a ru̱r u̱n nu-o̱ u̱n de u̱nze me̱ ro̱ Shir.”

Roma-ne̱ 14:9

Kiristi marag, wu̱ ine̱ komo u̱n ho̱o̱g ne̱ remen wu̱ waragté̱ Wan-Ko̱yan be-de u̱n ye̱ ro̱ margan-ne̱ à u̱n ye̱ ro̱ u̱n ho̱o̱g ne̱ à.

Roma-ne̱ 15:9

Wu̱ u̱n haan komo remen ye̱ ro̱ Yahuda-ne̱ á, remen ye̱ ye'et Shir m-se̱ps remen 'wo̱n-de u̱n wu̱. Bo̱ Ma-to̱ Shir ze̱e̱ à: “Remen kaane̱, man bu̱m wo̱ be-de u̱n ye̱ ro̱ Yahuda-ne̱ á. Man hu se̱p-to̱ u̱n bo̱ngo̱n-de u̱n jin u̱n du.”

1 Korinti-ne̱ 12:3

Remen kaane̱ u̱m co̱no̱g no̱ nep bo̱ no̱ he m-daag yo ro̱ nip-o̱ Shir à. Yatt-wu̱ Ku̱kt-o̱ Shir ro̱ m-do̱ru̱tte̱ wu̱ he pyap u̱n Ye̱so á. Komo yatt-wu̱ he m-ze̱e̱, “Ye̱so Wan-Ko̱yan wu̱ á,” se̱ wu̱ Ku̱kt-o̱ Shir ro̱ m-do̱ru̱tte̱ à.

1 Korinti-ne̱ 15:47

Ne̱t-wu̱ u̱r-takan Adamu, u̱n hu-mo̱ n-dak a no̱me̱ wu̱. Ayoore̱-wu̱ ne̱, Ye̱so Kiristi n-To̱n shir wu̱ rwu̱u̱ne̱.

1 Korinti-ne̱ 8:6

Amba na a nepse̱ Shir gaan-o̱. Wu̱ ro̱ o-Tato, wu̱ no̱me̱ ko̱yan komo remen u̱n wu̱ atte̱ u̱n ho̱o̱g ne̱. Wan-Ko̱yan, wan-gaan wu̱, komo Ye̱so Kiristi. Be-de u̱n wu̱ o̱ komo Shir no̱me̱ ko̱yan, be-de u̱n wu̱ o̱ komo a ya'u̱ na ho̱o̱g.

1 Bitrus 1:21

U̱n bu̱-o Ye̱so no̱ m-she̱r be-de Shir, o̱ 'yonse̱ wu̱ be-de m-mar à, komo a ya'u̱ru̱ wu̱ u̱t-go̱s u̱n co̱w-yo m-se̱ke̱mse̱. Yo rwo̱'e̱ no̱ ru̱'u̱t she̱r-m no̱ o-sakto̱ ne̱ be-de Shir.

1 Yohana 4:15

Ko̱wan wu̱ go̱kse̱ Ye̱so Wà-wu̱ Shir wu̱, Shir a ma'as kang-o gaan u̱n wu̱ ne̱ ho̱-u̱r bi.

1 Yohana 4:2

Co̱w-yo no̱ hette̱ nap u̱n u̱n Ku̱kt-o̱ Shir à, yo ka. Kap ne̱t-wu̱ de̱ke̱ Ye̱so Kiristi, wu̱ heesu̱nte̱ u̱n wu̱r-o̱ u̱n ne̱t à, ka ne̱t-wu̱ ro̱ u̱n Ku̱kt-o Shir ne̱.

2 Yohana 1:7

Ya-u̱t-bo̱ rusunte̱ de̱e̱n ho̱no o-dak. Ye̱ ro̱ m-ze̱e̱ a mat Ye̱so Kiristi, ne̱t u̱ntu̱n wu̱r-o na á. To̱, go̱ u̱n ka ne̱t-wu̱ ko-ya-u̱t-bo̱-wu̱ komo wan-Ryaab-u̱s Ye̱so Kiristi.

U̱t-Hyangan 3:5

Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, ye̱a cu̱p saw-u̱t pus-to̱. Man soks jin-to̱ u̱n ye̱ u̱n taku̱rda-o̱ u̱n ho̱o̱g á. Tomso ne̱ man ru̱re̱ Tato re u̱n yan-to̱m-ye̱ u̱n wu̱ ne̱ u̱nze ye̱ ro̱ yan-dor re.