Pirimo̱n 1:19 - Mɑ‑to̱ Shir Taku̱rda-o swo̱r o-nu pu̱-o̱

¹⁹ Me̱ ge̱nbe̱ u̱n kom-u̱t re: Me̱, Burus, man topso wo̱ kap yo wo̱ One̱simus m-do̱re̱ à. (Man nom ma-to̱ u̱n ho̱o̱g pu̱-o̱, o̱ o kume̱ be u̱n de á.)

Pirimo̱n 1:19 ပူးပေါင်းရင်းမြစ်များ

Roma-ne̱ 16:22

Me̱ Te̱rtiyus, wu̱ gene̱ Burus ka taku̱rda-o̱ à, me̱ no̱ u̱r-gas ye̱ ma Wan-Ko̱yan.

1 Korinti-ne̱ 4:15

Man rees no̱ m-de̱k u̱ntu̱n yakar re. Ko̱ no̱ nom u̱n ya-u̱r-yoos ne̱ n-me̱ u̱n Wan-Ko̱yan har ye̱ wo̱o̱ dugu-u̱s o̱p [10,000] à, wan-gaan wu̱ cot he m-no̱m u̱ntu̱ o-tato. O̱ shir n-me̱ Ye̱so Kiristi me̱ ro̱ tato no̱ be-de u̱n hante̱ u̱n Ma-to̱ m-Re̱re̱m.

2 Korinti-ne̱ 10:1

Me̱ Burus, me̱ no̱ u̱s-ko̱n u̱n hi u̱n de, me̱ wu̱ a m-ze̱e̱, Yan-gwe̱gwe̱r-mo̱ u̱r-hi, u̱r-'wo̱n ne̱ u̱ntu̱n mo̱ ma Kiristi u̱rege̱ me̱ be-u̱r gaan u̱n no̱ ne̱ à. Amba hun-ne̱ ro̱ me̱ m-aag Wa-m-ciiz, u̱rege̱ me̱ mo̱sse̱ u̱n no̱ ne̱ á.

2 Korinti-ne̱ 3:2

No̱ u̱n hi u̱n no̱, no̱ ye̱ ro̱ taku̱rda-o te̱, o̱ a gene̱ u̱n hur-u̱r no̱ à, remen ko̱wan wu̱ hyenet, wu̱ karante̱ komo.

2 Korinti-ne̱ 9:4

Remen u̱rege̱ u̱m habu̱te̱ mo̱sse̱ u̱n ye̱ ken ya-o-Makidoniya ye̱ ne̱, taase ye̱ 'wo̱s no̱ ba m-zo̱nge̱, har te̱ taage̱ u̱n rii-yo m-ze̱e̱, myet-m na a ho̱ge̱ m-'e̱ remen te̱ ukse̱ o-cin u̱n no̱ ne̱.

Garatiya-ne̱ 5:2

M-mo̱ka ho̱gu̱ no̱ me̱. Me̱, Burus, me̱ no̱ m-ru̱re̱, u̱rege̱ no̱ go̱kste̱ a nomu̱ no̱ u̱r-ko̱, yo ka kututu̱ na u̱nze Kiristi hwaa wu̱ ro̱ be-u̱r no̱ o̱ ka.

Garatiya-ne̱ 6:11

Gwo̱t no̱ go̱n caari-mo̱ m-ge̱n mo̱ u̱m genu̱ no̱ u̱n kom-u̱t re à.

Titus 1:4

Titus, me̱ wo̱ m-gende̱ u̱n ka taku̱rda-o̱. Wà re o ro̱ remen myet-m na a she̱re̱g be-u̱r Ye̱so Kiristi. U̱m ko̱no̱g Shir Tato na, u̱n komo Kiristi Ye̱so ne̱, Wan-Gwu̱ na. Me̱ u̱s-ko̱n wu̱ 'ye wo̱ yar-mo̱ u̱n wu̱, komo wu̱ 'ye wo̱ gwu̱gwu̱-mo̱ u̱r-hur!

Pirimo̱n 1:18

U̱rege̱ One̱simus nomotu̱ wo̱ u̱r-ba'as, sokse̱ wu̱. U̱rege̱ wo̱ wu̱ m-do̱re̱ u̱r-mo̱o̱g, muut ka mo̱o̱g-de u̱n hi u̱n de.