Matiyos 9:23 - Mɑ‑to̱ Shir Taku̱rda-o swo̱r o-nu pu̱-o̱

²³ Bo̱ Ye̱so tu̱wte̱ hur-o̱ u̱n ka wan-co-wu̱ u̱n Yahuda-ne̱ wu̱ à, wu̱ hyanu̱ru̱ ya-m-huru u̱r-ku u̱n mo̱ro̱g-de u̱n hun-ne̱ ne̱ ye̱ ro̱ u̱n dum-to̱ m-mar. Bu̱u̱g-de hun-ne̱ ro̱ o-zaaz.

Matiyos 9:23 ပူးပေါင်းရင်းမြစ်များ

Matiyos 11:17

ye̱ ro̱ m-ze̱e̱: “ ‘Te̱ bu'utu no̱ dum-to̱ u̱t-ge, no̱ yage̱ m-he̱w u̱s-he̱w! Te̱ huug se̱p-o̱ m-mar, no̱ yage̱ m-'wo̱n u̱s-'wo̱n!’

Ruka 7:32

Ya ye̱ ro̱ u̱ntu̱n yakar-ye̱ she'ete̱ n-me̱ u̱n be-de u̱t-baab à. Bu̱u̱g-u̱r gaan kangsu̱ru̱ de ken. “ ‘Te̱ bu'utu no̱ dum-to̱ u̱r-ge, amba no̱ he̱w á! Te̱ hutu̱ no̱ se̱p-to̱ m-mar, amba no̱ 'wo̱n á!’

Se̱nge̱-mo̱ 20:10

Amba Burus kergu̱ndu̱ru̱ n-dak, wu̱ kaktu̱ru̱, wu̱ ku̱u̱su̱nu̱ru̱ wu̱ u̱n kom-to̱ u̱n wu̱. Wu̱ ze̱e̱ru̱, “No̱ ryegen á, ai, wu̱ ro̱ u̱n ho̱o̱g ne̱.”

Se̱nge̱-mo̱ 9:39

Bitrus argu̱ m-ine̱ wu̱ neku̱ru̱ u̱n ye̱ ne̱. Bo̱ wu̱ wo̱o̱nte̱ à, ye̱ heetu̱ wu̱ u̱n kuke̱-o̱ n-to̱n. Myet-mo̱ u̱n ne'a-ne̱ ye̱ campo̱ u̱n ye̱ ne̱ merme̱ à, ye̱ e̱su̱ru̱ yow yow u̱n wu̱ ne̱, ye̱ ro u̱s-'wo̱n, ye̱ ro Bitrus m-kute̱ u̱t-matuku, u̱t-gund ne̱ to̱ Dorkas cee ye̱ cin da-o̱ wu̱ rokne̱ u̱n ho̱o̱g à.

U̱t-Hyangan 18:22

Hun-ne̱ a do m-ho̱ge̱ n-me̱ o-Babira ras-o̱ o-moro, u̱n ya-u̱t-se̱p ne̱, u̱n yan-hwu̱hwu̱ru̱g ne̱, u̱n yan-hur u̱s-sherewa ne̱ n-me̱ u̱n o-Babira á. Komo a do hyan u̱n wan-ce̱ kane̱ ko̱ wan-gaan á. Komo a do ho̱ge̱ u̱n ras-o̱ u̱r-na n-me̱ o-Babira á.