Matiyos 9:13 - Mɑ‑to̱ Shir Taku̱rda-o swo̱r o-nu pu̱-o̱

¹³ Neke̱ no̱ ceker rii-yo Shir co̱ne̱ à, da-o̱ wu̱ zee, ‘U̱m co̱no̱g hun-ne̱ ho̱ge̱ 'wo̱n-u̱r o̱r re u̱n ye̱ ne̱, ba ye̱ seke̱ me̱ u̱t-gu̱t á.’ ” Ye̱so ze̱e̱ru̱, “Me̱ u̱n haan remen kashi u̱n hun-ne̱ á, amba remen ya-u̱t-ba'as o̱ u̱m haante̱.”

Matiyos 9:13 ပူးပေါင်းရင်းမြစ်များ

Matiyos 12:3

Ye̱so ze̱e̱ru̱ ye̱, “Baks no̱ yo no̱ karante̱ à, rii-yo Dawuda no̱me̱ da-o̱ wu̱ u̱n o̱r u̱n wu̱ ne̱ ro u̱n ho̱ge̱ u̱n me̱r á.

Matiyos 12:5

Komo baks no̱ yo no̱ karante̱ n-me̱ u̱n karamsa-o Mosa à, yo yan-Co̱w u̱n ko̱n-se Shir ro̱ m-no̱m u̱n Ho̱-de u̱r-Wu̱we̱ u̱n Pyo-o̱ Shir à. Be-de u̱n seke̱ u̱t-seke̱ u̱n De̱pi-o̱ u̱n Shir, ye̱ ro̱ m-jet o-karamsa o̱ u̱n Ho̱-de u̱r-Wu̱we̱, o̱ we̱ne̱ hun-ne̱ m-se̱nge̱ u̱n Ho̱-de u̱r-Wu̱we̱ à. Amba Shir zee ye̱ no̱mo̱g u̱r-ba'as á.

Matiyos 12:7

Amba no̱ nap rii-yo ka Ma-to̱ Shir to̱ ro̱ m-rwo̱r á, u̱nze, ‘U̱m jiishte̱ co̱n u̱n hun-ne̱ ho̱ge̱ 'wo̱n-u̱r o̱r ru ye̱ ne̱, o̱tte̱ ye̱ seke̱ me̱ u̱r-seke̱ à.’ No̱ ro nakke̱ yo ka, no̱ roa zee yan-neke̱-m re no̱mo̱g u̱r-ba'as á.

Matiyos 19:4

Ye̱so shasu̱ru̱ ye̱, “¿Ashi, no̱ karante̱ Ma-to̱ Shir á? Ka wu̱ no̱mu̱ ye̱ cin u̱r-takan à, ‘Wu̱ u̱n no̱m ye̱ campo̱ u̱n ne'a ne̱.’

Matiyos 21:42

Ye̱so citu̱ru̱ ye̱, “Ashi, ¿no̱ we̱t m-karante̱ u̱n ge̱n-mo̱ u̱n Ma-to̱ Shir á? “ ‘Ta'ar-de ya-u̱t-ma ginme̱ à, de waragte̱ ta'ar-de jiishe̱ u̱r-bon myet be-de u̱t-ma à. Mo̱ ka no̱m-m Yawe mo̱, rii-yo u̱t-hyat yo ne̱ u̱n yish na.’

Matiyos 3:2

Wu̱ ro̱ m-ze̱e̱, “Yagu̱ no̱ no̱m u̱r-ba'as, no̱ mu̱u̱n be-de Shir, remen Gwo̱mo-to̱ Shir nomsu̱nte̱ yow yow.”

Matiyos 3:8

No̱m no̱ rem-se a hette̱ m-nap u̱nze no̱ yagu̱te̱ no̱m u̱r-ba'as à. Ka da-de, no̱ haan remen u̱m yo'ostú̱ no̱ m-ho̱.

Matiyos 4:17

Cin ka da-o̱ Ye̱so cire̱ ko̱'o̱t-o̱ Ma-to̱ Shir, wu̱ ro̱ m-ze̱e̱, “Yagu̱ no̱ no̱m u̱r-ba'as, no̱ mu̱u̱n be-de Shir, remen da-o̱ Shir he u̱t-gwo̱mo à nomsu̱nte̱ yow yow.”

Markus 12:26

U̱rege̱ ne̱ no̱a cit me̱ ma-to̱ u̱n ine̱-mo̱ u̱n margan-ne̱, ¿No̱ we̱t m-karante̱ taku̱rda-o̱ Mosa ge̱ne̱ á? Wu̱ ru̱ru̱ na u̱nze wu̱ ho̱gu̱te̱ co̱r-o̱ Shir n-te̱ yokor-o yar-yo. Shir ze̱e̱g wu̱, ‘Me̱ Shir Ibrahi wu̱ u̱m ro̱. Komo wu̱ ma Ishaku wu̱ u̱m ro̱, kap u̱n Yakubu ne̱.’

Markus 12:33

Depete̱ ne̱t was wu̱ kap u̱n hur-u̱r gaan, u̱n nap-se u̱n wu̱ ne̱ kap komo u̱n 'wo̱ns-mo̱ u̱n wu̱ ne̱ kap, komo wu̱ was u̱n yan-bo̱r-se u̱n wu̱ ne̱ bo̱ wu̱ ro̱ m-was u̱n hi u̱n de u̱n wu̱ à. O̱ aragte̱ kap yar-mo̱ wu̱ ya'ase̱ Shir à u̱n rem-se a tu̱kse̱ ne̱ be-de u̱r-seke̱ à.”

Markus 2:17

Bo̱ Ye̱so ho̱gu̱te̱ kaane̱ à, wu̱ ze̱e̱ru̱ ye̱, “Ye̱ ro̱ ba u̱n go̱m à ye̱ u̱n hoob-o̱ u̱n ko-ya-u̱s-baat á, amba ya-u̱s-go̱m. Me̱ u̱n haan remen kashi u̱n hun-ne̱ á. Me̱ u̱n haan remen ya-u̱t-ba'as.”

Ruka 10:26

Ye̱so shasu̱ru̱ wu̱, “¿Ya ne̱ karamsa-o Shir zee? ¿Re ne̱ o wakse̱ o̱?”

Ruka 19:10

Wà-wu̱ u̱n ne̱t haante̱ wu̱ hobt, komo wu̱ guut ye̱ e̱ge̱ à.”

Ruka 24:47

Komo u̱n jin-de u̱n wu̱, ka to̱m-mo̱ u̱n yage̱ u̱n no̱m u̱r-ba'as o̱ m-waktu̱ne̱ be-de Shir ne̱, u̱n soks u̱r-ba'as ne̱, a ru̱r o̱ ho̱no o-dak kap, u̱r-takan o-Urusharima.

Ruka 5:31

Ye̱so shasu̱ru̱ ye̱, “Hun-ne̱ ye̱ ro̱ ba u̱s-go̱m á, ye̱ ro̱ u̱n hoob-o̱ u̱n ko-ya-u̱s-baat á, amba ya-u̱s-go̱m.

Ruka 5:32

Me̱ haan remen kashi u̱n hun-ne̱ á, amba remen ya-u̱r-ba'as-ye̱ waktu̱nte̱ be-de Shir.”

Yohana 10:34

Ye̱so ze̱e̱ru̱ ye̱, “Gense̱ to̱ ro̱ n-me̱ u̱n karamsa-o no̱. A zee Shir no̱mo̱g u̱t-ma u̱n ye̱ ken se̱k-ye̱ ye̱ u̱n hun-ne̱ ye̱ ne̱, wu̱ aagu̱ru̱ ye̱ ‘ye̱ge̱-shir.’

Se̱nge̱-mo̱ 11:18

Bo̱ Yahuda-ne̱ yan-dor Ye̱so ho̱gu̱te̱ kaane̱ à, ye̱ taagu̱ bo̱ ye̱ he m-ze̱e̱ à, ye̱ bo̱mu̱ Shir. Ye̱ ma'asu̱ru̱ m-ze̱e̱, “Ashi, har u̱n ye̱ ro̱ Yahuda-ne̱ á, Shir nomsu̱te̱ ye̱ co̱w-yo m-waktu̱ne̱ be-de u̱n wu̱ u̱n yo u̱n kum m-ho̱o̱g ne̱.”

Se̱nge̱-mo̱ 2:38

Bitrus ze̱e̱ru̱ ye̱, “Waktu̱n no̱ be-de Shir, a yo'os no̱ m-ho̱ n-me̱ u̱n jin-u̱r Ye̱so Kiristi remen a soksu̱tú̱ no̱ ba'as-u̱t no̱. No̱a kum yar-mo̱ u̱n Ku̱kt-o̱ Shir.

Se̱nge̱-mo̱ 20:21

U̱m nak Yahuda-ne̱ u̱n ye̱ ro̱ Yahuda-ne̱ á u̱t-to̱ kap ma-to̱ m-waktu̱ne̱ be-de Shir, komo ye̱ m-she̱r o-nip be-u̱r Wan-Ko̱yan na Ye̱so.

Se̱nge̱-mo̱ 3:19

U̱n remen kaane̱ se̱, no̱ yage̱ u̱r-ba'as, no̱ waktu̱ne̱ be-de Shir remen a so'osté̱ ba'as-u̱t no̱,

Se̱nge̱-mo̱ 5:31

Shir deete̱ wu̱ u̱n re̱-de u̱n wu̱, Ye̱so waragte̱ Se̱k-wu̱ komo ko-Wan-Gwu̱, remen wu̱ tiksu̱té̱ Isra-ne̱ co̱w-yo m-waktu̱ne̱ be-de Shir, komo ye̱ kumut a soksu̱ ye̱ ba'as-to̱ u̱n ye̱.

2 Bitrus 3:9

Wan-Ko̱yan ro̱tt m-it be-de u̱n shoos u̱n ma-to̱ u̱n wu̱ á, bo̱ ye̱ ken ye̱ de̱ke̱ ye̱ zee it-mo̱ à. Me̱n-to̱ wu̱ ro̱ m-gaag rem no̱, remen wu̱ co̱n no̱ sabre̱ á, amba ko̱ wu̱ ke wu̱ waktu̱ne̱, wu̱ yagne̱ ba'as-to̱ u̱n wu̱.