Matiyos 7:19 - Mɑ‑to̱ Shir Taku̱rda-o swo̱r o-nu pu̱-o̱

¹⁹ Kap 'yo-yo yage̱ mat u̱n yakar-ye̱ u̱r-bon à, hun-ne̱ a saag yo a jorbe̱ o-ra.

Matiyos 7:19 ပူးပေါင်းရင်းမြစ်များ

Matiyos 3:10

Shir ru̱'u̱ste̱ nu-o̱ u̱r-yar o̱ u̱n piish u̱t-ma u̱n 'wu̱n-de o-'yo. 'Yo-yo mate̱ yakar-ye̱ u̱r-bon á, a kups yo a jorbe̱ o-ra. Kaane̱ Shir he 'ya u̱n hun-ne̱ u̱r-ko̱o̱b ye̱ yage̱ no̱m u̱n rii-yo depe̱ à.”

Matiyos 7:18

Bo̱ 'yo-yo u̱r-bon yoa hoks m-mat u̱n yakar-ye̱ ba u̱r-bon á, kaane̱ komo 'yo-yo ba u̱r-bon yoa hoks m-mat u̱n yakar-ye̱ u̱r-bon á.

Ruka 3:9

Yar-u̱r ro̱ u̱t-kom a kupste̱ ka 'yo-se n-dak, kap 'yo-yo mate̱ yakar-ye̱ u̱r-bon á, a kups yo n-dak a jorbe̱ yo o-ra.”

Titus 3:14

Yanze wo̱ u̱n ho̱n du o he m-no̱m kaane̱ á, amba ma'as yoose̱ yan-dor Ye̱so ye̱ muut u̱r-hi be-de u̱n no̱m u̱n se̱nge̱-mo̱ u̱r-bon be-de u̱n hun-ne̱ ye̱ ro̱ u̱n hoob-o̱ u̱n gwu̱ à. Da-o̱ yan-dor nome̱ kaane̱ ye̱a yage̱ she'et-de o-hwaa.

Yahuda-ne̱ 6:8

Amba u̱rege̱ dak-o ro̱ m-po̱t u̱n yokor u̱n to̱-to̱ u̱n wo̱ ne̱, yatt rii-yo o he m-kum be-de u̱n o̱ á. Shir ro̱ u̱n ma-to̱ u̱n hu̱u̱ ka kat-o̱ nu-o yo̱-o̱. U̱r-ko̱m, komo tu̱ks-mo̱ a he o̱.

Yahudas 1:12

Da-o̱ ka hun-ne̱ ye̱, she'ete̱ n-me̱ u̱n mo̱ro̱g-u̱r no̱ de m-re̱ m-was ne̱ mo̱ u̱n Wan-Ko̱yan, ya ye̱ ro̱ u̱ntu̱n u̱t-ta'ar to̱ ro̱ u̱n ku̱s o̱ m-ho̱ à, to̱ hat-o wo̱ de'e̱ se̱ m-sabre̱ à. Ye̱ ro̱tt m-'e̱ á. Hi u̱n de u̱n ye̱ temb ye̱ ro̱ m-re̱e̱gte̱. Ya ye̱ ro̱ u̱ntu̱n zaan-mo̱ u̱n kem-o̱ ba m-ho̱ à, amba ba m-ho̱ n-me̱. Ya-m-mo̱r to̱ u̱t-ma amba ba m-hoks u̱n rwu̱nte̱ u̱n rii. Ya ye̱ ro̱ u̱ntu̱n 'yo-se ba u̱r-mat da-o̱ depe̱ à. Ba mar-mo̱ ku̱kt-o̱ ye̱ mare̱ cot á, har ma ye̱ hu̱'u̱sse̱ gaw remen a mu'ussu̱te̱ ye̱ u̱s-geer ne̱.