Matiyos 6:20 - Mɑ‑to̱ Shir Taku̱rda-o swo̱r o-nu pu̱-o̱

²⁰ Se̱ de̱ no̱ karakse̱ hi u̱n no̱ o-kwu̱m n-To̱n shir, rii-yo ro̱ kashi be-de Shir à. Be-de re̱n m-shebe̱ ne̱ a hoks o̱ m-naas á, komo hyow-ne̱ a hoks m-co̱w ye̱ hiwit u̱r-hyow á.

Matiyos 6:20 ပူးပေါင်းရင်းမြစ်များ

Matiyos 19:21

Ye̱so ze̱e̱ru̱ wu̱, “U̱rege̱ o co̱no̱g o warag kashi u̱n ne̱t hond hond, neke̱ o beeb ho̱no u̱n rii-yo wo̱tte̱ à kap, o ya'as ko̱o̱b-ne̱ hwo̱r, wo̱a kum u̱r-'yons n-To̱n shir. Ka da-o̱ o haan, o do̱ru̱ me̱.”

Matiyos 6:19

Ye̱so ze̱e̱ru̱ komo, “Taase no̱ karakse̱ hi u̱n no̱ o-kwu̱m u̱n ho̱no o-dak á. Be-de ye̱ge̱-re̱n m-shebe̱ ne̱ he o̱ m-naas à kàne̱ n-dak. Be-de komo hyow-ne̱ he m-co̱w ye̱ hiw yo no̱ e̱sse̱ à.

Markus 10:21

Ye̱so gwo̱tu̱ru̱ ka ne̱t-wu̱, ka ne̱t-wu̱ napu̱ru̱ u̱nze Ye̱so waste̱ u̱n wu̱ ne̱. Ye̱so ze̱e̱ru̱ wu̱, “Amba rii gaan yo o taage̱. Neke̱ o beeb rii-yo o ro̱tte̱ à, o ya'as ko̱o̱b-ne̱ ye̱ ro̱tte̱ rii á ka hwo̱r-ye̱. Wo̱a kum u̱r-'yons n-To̱n shir. Ka da-de ne̱, o mu̱u̱n, o do̱ru̱ me̱.”

Ruka 12:33

Baab no̱ kap yo no̱ ro̱tte̱ à, no̱ ya'as ko̱o̱b-ne̱ hwo̱r u̱n ka co̱w-yo no̱a kum o-kwu̱m n-To̱n be-de Shir. Nomo no̱ hi u̱n no̱ be-de u̱r-e̱ss de ba m-ta, komo no̱ e̱s kwu̱m-o̱ no̱ n-to̱n, be-de o̱a heeb á, remen yatt ko-hyow-wu̱ he m-ci á, komo re̱n a hoks o̱ m-naas á.

Ruka 18:22

Bo̱ Ye̱so ho̱ge̱ kaane̱ à, wu̱ ze̱e̱ru̱ wu̱, “Yo ken yo ro̱ ko̱n yo kuse̱ o no̱m à: Baab rii-yo o ro̱tte̱ à kap, o ya'as ko̱o̱b-ne̱ ka hwo̱r-ye̱, komo wo̱a kum rii-yo u̱r-bon n-To̱n, ka da-o̱, o haan, o do̱re̱ me̱.”

1 Timoti 6:17

O ru̱re̱ hun-ne̱ yan-hwo̱r taase ye̱ de̱k u̱nze ye̱ jiishte̱ o̱r u̱n ye̱ hun-ne̱. O ru̱re̱ yan-hwo̱r komo taase ye̱ nom u̱s-barag u̱nze rii-yo ye̱ kume̱ à, remen hwo̱r u̱n ye̱ o̱. Me̱ u̱n ze̱e̱ kaane̱ remen hwo̱r a hoks m-ta ho̱r-m-ho̱r. Amba yage̱ ye̱ sheret be-de Shir o̱ guut ye̱. Shir o̱ ro̱ na m-'ya u̱n ko̱ yo ke rii-yo yo a ro̱tte̱ à, u̱n hur-u̱r gaan. Shir u̱n ya'as na ko̱ yo ke rii-yo remen a ho̱gu̱te̱ re̱re̱m-m na.

1 Timoti 6:19

Da-o̱ yan-hwo̱r nome̱ kaane̱, sa o zee ye̱ ro̱ u̱n gu u̱n hi u̱n de u̱n ye̱ o̱ ka u̱n ho̱-de m-buk, remen ye̱ she'ette̱ kashi u̱r-she'et de Shir co̱ne̱ a she'et à.

Yahuda-ne̱ 10:34

No̱ hyanag 'wo̱n-de u̱n ye̱ a gage̱ remen dor-o̱ Shir à, no̱ nom o-zak da-de a rumse̱ kap saw-u̱t no̱ à, remen no̱ nepste̱ no̱ ro̱ u̱s-saw ne̱ to̱ jiishe̱ to̱ ka à, to̱ a naase̱ á, har da-o̱ ba m-ta.

Yahuda-ne̱ 11:26

Wu̱ jiishte̱ m-co̱n wu̱ su̱ o-yo'og rem Kiristi, o̱tte̱ hwo̱r u̱n kwu̱m-to̱ u̱n dak-o̱ o-Masar, remen wu̱ hwo̱o̱g u̱r-hur Shir a to̱p wu̱ se̱nge̱-mo̱ u̱r-bon mo̱ wu̱ no̱me̱ à.

Yakubu 2:5

Raag no̱ u̱t-to̱ o̱r re ne̱ yan-dor, ye̱ me̱ m-was à, Shir u̱n daag ka hun-ne̱ ye̱ ro̱ ko̱o̱b-ne̱ à, ye̱ ro̱tte̱ rii á u̱n ho̱no o-dak, remen ye̱ sheret be-u̱r Ye̱so Kiristi Wan-Ko̱yan. Nip-o̱ komo ye̱ ro̱ ya-o-kwu̱m. Komo wu̱ u̱n daag ye̱ remen ye̱ reet ka gwo̱mo-to̱ wu̱ swo̱re̱ ye̱ co̱ne̱ wu̱ à o-nu.

1 Bitrus 1:4

Komo wu̱ 'ye no̱ cim-yo u̱n ba m-sabre̱, yo a wu̱m ko̱ yo naase̱ á, e̱ssu̱sse̱ n-To̱n shir.

1 Bitrus 5:4

Amba da-o̱ Ye̱so ko-Gwo̱mo-wu̱ u̱n ya-u̱t-Gu̱t wo̱o̱ne̱ no̱a go̱ks go̱nd-o̱ u̱n se̱ps-mo̱ u̱n wu̱, o̱a naase̱ á.

U̱t-Hyangan 2:9

U̱m nepste̱ range̱-o no̱ u̱n ko̱o̱b u̱n no̱ ne̱. Amba no̱ ya-o-kwu̱m-ye̱ n-me̱ u̱n rem-se Shir hyane̱ u̱r-bon ne̱ à. U̱m nepste̱ komo yo'og-yo ka hun-ne̱ ye̱ ro̱ no̱ m-no̱me̱ à. Ye̱ ro̱ m-ze̱e̱ ye̱ ro̱ Yahuda-ne̱, amba ne̱ ba kaane̱ o̱ á, remen mo̱ro̱g-de u̱n ye̱ de u̱n ko-Gwo̱mo-wu̱ u̱n ya-u̱t-ko̱t de.