Matiyos 6:10 - Mɑ‑to̱ Shir Taku̱rda-o swo̱r o-nu pu̱-o̱

¹⁰ Gwo̱mo-u̱t ru haan, A nom rii-yo o co̱ne̱ à ho̱no o-dak, Bo̱ a m-no̱m n-To̱n à.

Matiyos 6:10 ပူးပေါင်းရင်းမြစ်များ

Matiyos 12:50

Remen kap o̱ u̱n wu̱ no̱me̱ rii-yo Tato re wu̱ ro̱ n-To̱n shir co̱ne̱ à, wu̱ ro̱ heno re, wan-campo̱ ko̱ wan-ne'a ko̱ komo inu re.”

Matiyos 16:28

Nip-o̱ me̱ no̱ m-ru̱re̱, ye̱ ken ye̱ ro̱ ko̱n eso eso kane̱ ye̱a mer á, har se̱ ye̱ hyanag haan-mo̱ u̱n Wà-wu̱ u̱n ne̱t n-me̱ u̱n gwo̱mo-u̱t Tato u̱n wu̱.”

Matiyos 26:42

Wu̱ dooru̱ m-warag o-ayoore̱-o̱. Wu̱ ko̱nu̱ru̱, “Tato re! U̱rege̱ kà swo̱ u̱r-ko̱o̱b de a dosse̱ á se̱ u̱m swo̱o̱g de, nom yo o co̱ne̱ à.”

Matiyos 3:2

Wu̱ ro̱ m-ze̱e̱, “Yagu̱ no̱ no̱m u̱r-ba'as, no̱ mu̱u̱n be-de Shir, remen Gwo̱mo-to̱ Shir nomsu̱nte̱ yow yow.”

Matiyos 4:17

Cin ka da-o̱ Ye̱so cire̱ ko̱'o̱t-o̱ Ma-to̱ Shir, wu̱ ro̱ m-ze̱e̱, “Yagu̱ no̱ no̱m u̱r-ba'as, no̱ mu̱u̱n be-de Shir, remen da-o̱ Shir he u̱t-gwo̱mo à nomsu̱nte̱ yow yow.”

Matiyos 7:21

Ye̱so ze̱e̱ru̱, “Ba myet-o̱ u̱n hun-ne̱ ye̱ ro̱ me̱ m-ze̱e̱ ‘Go̱s-wu̱, Go̱s-wu̱ à,’ ye̱ he m-co̱w u̱n den-o̱ u̱n Gwo̱mo-to̱ o-Shir á. Se̱ de̱ ye̱ no̱me̱ rii-yo Tato re wu̱ n-To̱n shir co̱ne̱ à.

Markus 11:10

“Shir 'ye o-kwu̱m be-de u̱n haan-mo̱ u̱n gwo̱mo-u̱t Dawuda tat na.” “A bu̱m no̱ Shir n-To̱n!”

Markus 3:35

Wu̱ no̱me̱ rii-yo Shir co̱ne̱ à, campo̱, ko̱ ne'a, wu̱ ro̱ heno re, wu̱ ro̱ komo inu re.”

Ruka 19:11

Bo̱ hun-ne̱ ro̱ m-ho̱ge̱ u̱n to̱ ka à, Ye̱so dooru̱ ye̱ m-ru̱re̱ sha-mo̱ u̱t-ma. U̱n ka da-de, wu̱ ro yow yow o-Urusharima ne̱, komo ye̱ ro̱ m-ze̱e̱ u̱nze gwo̱mo-to̱ Shir ro̱ ma-to̱ m-rwu̱u̱n.

Ruka 19:38

Ye̱ 'yonsu̱ru̱ u̱s-co̱r, ye̱ ze̱e̱ru̱, “Shir ru̱'e̱ ko-Gwo̱mo o-kom wu̱ haane̱ u̱n be̱e̱b-de u̱n Yawe à, m-gwu̱gwu̱ n-to̱n kane̱ m-se̱ke̱mse̱ be-de Shir!”

Ruka 22:42

Wu̱ ze̱e̱ru̱, “Tato re, u̱rege̱ o co̱no̱g, wo̱ yage̱ me̱ m-su̱u̱t ka ko̱o̱b-de á. Anze u̱n co̱n-m re á, amba no̱m bo̱ o co̱ne̱ à.”

Yohana 4:34

Ye̱so ze̱e̱ru̱ ye̱, “Rii-yo m-re̱ re yo ka, u̱m nom o-do̱ro̱tte̱ u̱n ma-to̱ u̱n wu̱ to̱mnu̱ me̱ à, u̱m komot se̱nge̱-mo̱ wu̱ yasu̱ me̱ à.

Yohana 6:40

Remen barag-u̱s Tato re se ro̱, kap bo̱ u̱n ne̱t-wu̱ gwo̱te̱ Wà komo wu̱ she̱r u̱n wu̱ à, wu̱a kum ho̱o̱g-o̱ ba m-ta. Komo man 'yons wu̱ ho̱-de u̱r-ko̱m u̱n ho̱o̱g ne̱.”

Yohana 7:17

Kap wu̱ daage̱ wu̱ nomot rii-yo Shir co̱ne̱ à, wu̱a nep u̱rege̱ be-de Shir yoos u̱n de rwu̱u̱ne̱. U̱rege̱ ne̱ de u̱n hi u̱n de de, komo wu̱a nep.

Se̱nge̱-mo̱ 13:22

Bo̱ Shir ruute̱ Shawuru à, wu̱ rwo̱'u̱ Dawuda wu̱ warag ko-Gwo̱mo-wu̱ u̱n ye̱. U̱n to̱r-se Shir no̱me̱ Dawuda ne̱ à, wu̱ ze̱e̱ru̱, ‘U̱m kumug Dawuda wà Je̱sse̱, ne̱t-wu̱, wu̱ u̱m co̱ne̱ m-so̱k ne̱ à. Wu̱ he m-no̱m kap o̱ u̱n bo̱ u̱n yo u̱m co̱ne̱ à.’

Se̱nge̱-mo̱ 21:14

Bo̱ te̱ nepte̱ te̱a hoks wu̱ á, te̱ ho'osu̱ru̱ komo te̱ ze̱e̱ru̱, “Yage̱ Wan-Ko̱yan wu̱ nomot bo̱ wu̱ co̱ne̱ à.”

Se̱nge̱-mo̱ 22:14

“Wu̱ ze̱e̱ru̱, ‘Shir o̱ u̱n Tat na ne̱ dagantu̱ wo̱ o nep yo wu̱ co̱ne̱ à, o hyenet ka Kashi u̱n Ne̱t-wu̱, komo o ho̱gu̱te̱ ma-to̱ u̱n nu-o̱ u̱n wu̱.

Roma-ne̱ 12:2

No̱ do̱re̱ ma-to̱ u̱n hun-ne̱ ye̱ m-mo̱ka ye̱ u̱n barag-se u̱n ye̱ ne̱ á. Amba yagu̱ no̱ Shir muutu̱ no̱ yo wu̱ co̱ne̱ à, wu̱ 'ye no̱ hur-u̱r pu̱-de. Ka da-de no̱ he m-nap u̱n yo Shir co̱ne̱ à, rii-yo u̱r-bon, yo Shir co̱ne̱ à u̱n yo̱ ro̱ shiishe̱ cas cas à.

Apisu-ne̱ 6:6

No̱ no̱m saw-to̱ u̱n gwo̱t-o̱ u̱n yish cot remen ye̱ bu̱mu̱t no̱ á. Amba no̱me̱ no̱ ye̱ o-do̱ro̱tte̱ sa o zee Kiristi, no̱ m-nome̱, no̱m no̱ yo Shir co̱ne̱ à u̱n hur-u̱r gaan.

Korosiya-ne̱ 1:13

Shir ruutu̱ na u̱n kom-to̱ u̱n ko-Gwo̱mo-wu̱ u̱n ya-u̱t-ko̱t, be-de u̱n she'et-de o-comb. M-mo̱ka wu̱ rwo̱'o̱g Wà u̱n wu̱ Ye̱so wu̱ wu̱ ro̱ m-was de̱e̱n à, wu̱ nom gwo̱mo-u̱t na.

Korosiya-ne̱ 1:9

Remen kaane̱ cin ho̱-de te̱ ho̱ge̱ ma-u̱t no̱ to̱ u̱r-bon à, te̱ yage̱ u̱s-ko̱n rem no̱ á. Ko̱ o̱ ke da-o̱ te̱ u̱s-ko̱n u̱nze Shir kutu̱ no̱ myet rii-yo wu̱ co̱ne̱ no̱ nom à. Te̱ u̱n ko̱n-se Shir wu̱ 'ye no̱ u̱s-we̱e̱r u̱s-nap ne̱ se u̱n Ku̱kt-o̱ Shir.

1 Tasaronika-ne̱ 4:3

Remen kaane̱, o̱ ro̱ co̱n-mo̱ Shir, no̱ warag ba m-ku̱ko̱p, u̱nze no̱ som she'et-de o-ás.

1 Tasaronika-ne̱ 5:18

N-me̱ u̱n ko̱yan yo kumu no̱ à, no̱ bu̱m Shir, remen ka Shir co̱ne̱ be u̱n no̱ n-me̱ u̱n Ye̱so Kiristi.

Yahuda-ne̱ 1:14

Ye̱ yan-to̱m-ye̱ Shir gu̱w-ne̱ ye̱ cot. Ye̱ ku̱kt-to̱ to̱ Shir to̱mne̱ remen ye̱ no̱mu̱té̱ hun-ne̱ ye̱ he kum u̱n gwu̱ à, m-gu̱w.

Yahuda-ne̱ 10:36

Depete̱ no̱ jo̱o̱se̱, remen kaane̱ no̱ hette̱ m-no̱m yo Shir co̱ne̱ à. No̱ nome̱ kaane̱ komo no̱ kumu̱ru̱ rii-yo Shir swo̱re̱ o-nu u̱n yo à.

Yahuda-ne̱ 10:7

Ka da-de Kiristi ze̱e̱ru̱, ‘Shir re, me̱ ka haane̱ m-nomot rii-yo o co̱ne̱ à, Bo̱ to̱ ro̱ ge̱nse̱ u̱n Ma-to̱ Shir à.’ ”

1 Bitrus 2:15

Remen kaane̱ Shir co̱ne̱ no̱ nom rii-yo u̱r-bon. Da-o̱ no̱ no̱me̱ rii-yo u̱r-bon à, ká raag-ne̱ ye̱, ye̱ nape̱ Kiristi á, ye̱a hoks m-ze̱e̱ ko̱ rii á. Ye̱a hoks m-kum rem-se u̱r-geeg á.

1 Bitrus 4:2

Komo kutute̱ na u̱nze ka ne̱t-wu̱ waktu̱nte̱ wu̱ yage̱ yo wu̱ ro m-co̱n à, komo wu̱ ro̱ m-co̱n wu̱ nome̱ Shir o-do̱ro̱tte̱ har u̱n ta-de u̱n ho̱o̱g-mo̱ u̱n wu̱.

U̱t-Hyangan 11:15

Wan-to̱m-wu̱ Shir ata'yoore̱-wu̱ huru̱ru̱ kar-o̱ u̱n wu̱, a ho̱gu̱ru̱ u̱s-co̱r se m-'wo̱ns n-To̱n shir se ro̱ m-ze̱e̱, “Shir rwo̱'o̱g gwo̱mo-to̱ u̱n ho̱no o-dak m-warag gwo̱mo-u̱t Wan-Ko̱yan na u̱n Kiristi wu̱ ma u̱n wu̱ ne̱. Komo wu̱a nom u̱t-gwo̱mo ba m-ta har ya nomot!”

U̱t-Hyangan 12:10

Ka da-de, u̱m ho̱gu̱ru̱ o̱ ken caari-o̱ u̱n co̱r-o̱ n-To̱n shir o̱ ro̱ m-ze̱e̱, “M-mo̱ka gwu̱, u̱r-be̱e̱b ne̱, u̱t-gwo̱mo ne̱ to̱ u̱n Shir na, komo u̱n be̱e̱b-u̱r Kiristi ne̱ rwu̱u̱nte̱. Remen a jorbu̱ssu̱te̱ wan-yage̱-u̱t o̱r na ne̱ n-dak, ká wu̱ ro̱ u̱n ce'e̱ u̱n o̱r na ne̱ u̱t-ma u̱n he̱r o̱ Shir m-te̱t, m-ho̱w ne̱ à.

U̱t-Hyangan 19:6

Ka da-de u̱m ho̱gu̱ komo o-zaaz sa o zee o̱ u̱n mo̱ro̱g-de u̱t-mo̱o̱r, u̱ntu̱n zaaz-o̱ u̱n ja-mo̱ m-ho̱ mo̱ m-sa, u̱ntu̱n dwu̱m-de o-dàkàr. U̱m ho̱gu̱ru̱ ye̱ m-ze̱e̱, “Bo̱m no̱ Yawe! Remen Wan-Ko̱yan na wu̱ ro̱ u̱t-gwo̱mo, wu̱ ro̱ Shir Wa-u̱t-Gwo̱mo kap!

U̱t-Hyangan 20:4

Ka da-o̱ u̱m hyanu̱ u̱t-kwu̱u̱r. Komo u̱m hyanu̱ ka hun-ne̱ ye̱ ro̱ tara tara u̱n ka kwu̱u̱r-to̱ à, a ya'ag ye̱ gwo̱mo-to̱ u̱n piish u̱t-ma. U̱m hyanu̱ru̱ komo ho̱o̱g-mo̱ u̱n ye̱ a kupre̱ u̱t-hi remen to̱r-u̱s Ye̱so à, komo u̱n rwo̱r u̱n Ma-to̱ Shir ne̱. Ye̱ ro̱ ka ye̱ kwu̱kte̱ ka nem-yo á, ko̱ sha-mo̱ u̱n yo á. Komo ye̱ go̱ks napa-o̱ u̱n yo u̱n zwo̱n-to̱ u̱n ye̱ ko̱ ne̱ u̱n kom-to̱ u̱n ye̱ á. Ye̱ mu̱u̱nu̱ru̱ u̱n ho̱o̱g ne̱ komo, ye̱ re̱e̱ru̱ u̱t-gwo̱mo be-u̱r gaan u̱n Kiristi ne̱ har u̱s-hak dugu-o gaan [1,000].