Matiyos 5:7 - Mɑ‑to̱ Shir Taku̱rda-o swo̱r o-nu pu̱-o̱

⁷ Ya-o-zak-ye̱, ka ye̱ m-ho̱ge̱ 'wo̱n-u̱r o̱r u̱n ye̱ ne̱ à, remen Shir a ho̱ge̱ 'wo̱n-de u̱n ye̱ u̱n cen ye̱.

Matiyos 5:7 ပူးပေါင်းရင်းမြစ်များ

Markus 11:25

Da-o̱ no̱ ro u̱n ko̱n-se Shir, u̱rege̱ wu̱ ken ro̱ ko̱n wu̱ no̱ m-hyan ryaab-se u̱n wu̱ à, no̱ soksu̱ wu̱ ba'as-to̱ u̱n wu̱, remen Tato no̱ wu̱ ro̱ n-To̱n shir à, wu̱ soksu̱tú̱ no̱ ba'as-u̱t no̱.”

Ruka 6:35

Amba co̱n no̱ ye̱ yagu̱ no̱ à, no̱ nome̱ ye̱ rii-yo u̱r-bon, ya'as no̱ mo̱o̱g, no̱ dish a topo no̱ á. U̱rege̱ no̱ no̱mo̱g kaane̱ no̱a kum 'yons-u̱r caari, be-de Shir komo no̱a warag yakar-ye̱ u̱n Shir wu̱ jiishe̱ à. No̱m no̱ kaane̱ remen Shir ro̱ m-'ya u̱n yan-nu-o̱ o-kiit u̱n yan-me̱n-u̱t jaas-to̱ ne̱.

Roma-ne̱ 11:30

N-ga no̱ ye̱ ro̱ Yahuda-ne̱ á, no̱ yan-ko̱o̱b-de o-do̱ro̱tte̱ o̱ Shir ye̱; amba m-mo̱ka, no̱ kumug 'wo̱n-de Shir remen ko̱o̱b-de o-do̱ro̱tte̱ o̱ u̱n Yahuda-ne̱.

1 Korinti-ne̱ 7:25

Ma-to̱ u̱n yan-ne'a-ne̱ ye̱ ga u̱t-ge á, yo ye̱ he m-no̱m à, Wan-Ko̱yan Ye̱so wu̱ ru̱ru̱ na yo ye̱ he m-no̱m á. Amba me̱ u̱n 'ya u̱n to̱ ma re ma-to̱, u̱m nak me̱ ne̱t-wu̱, wu̱ hun-ne̱ ro̱ m-de̱k u̱n ma-to̱ u̱n wu̱ à, remen Wan-Ko̱yan ho̱gu̱te̱ 'wo̱n u̱n de wu̱ ya'ag me̱ u̱s-nap.

2 Korinti-ne̱ 4:1

Remen kaane̱, te̱ hu̱s u̱r-hur á remen Shir ya'astu̱ te̱ kà se̱nge̱-mo̱ u̱n bu̱-yo u̱n 'wo̱n-de u̱n wu̱.

Apisu-ne̱ 4:32

U̱n su̱ge̱-de u̱n kaane̱, ho̱gu̱ no̱ 'wo̱n-u̱r o̱r no̱ ne̱, no̱ was o̱r no̱ ne̱. Soksu̱ no̱ o̱r no̱ ne̱ ba'as-to̱ u̱n ye̱, bo̱ Shir soksu̱ no̱ ba'as-u̱t no̱ rem Kiristi à.

Korosiya-ne̱ 3:12

Shir daagu̱ no̱ remen no̱ waragté̱ kashi hun-ne̱ ye̱ u̱n wu̱ remen wu̱ ro̱ no̱ m-was. Remen kaane̱ se̱ngu̱ no̱ ho̱ge̱ 'wo̱n-u̱r o̱r no̱ ne̱, no̱ u̱n 'ya m-yar, no̱ nom gwu̱gwe̱r-mo̱ u̱r-hi, no̱ ze̱e̱ se̱ ye̱ ken ye̱ no̱mo̱g rii-yo no̱ co̱ne̱ á. Hongsu̱ no̱ bo̱ depe̱ à no̱ du̱ngu̱ne̱.

1 Timoti 1:13

N-ga u̱m ro m-pyap u̱n Shir, u̱n yage̱-to̱ u̱n yan-dor Ye̱so ne̱, u̱n 'ya u̱n yan-dor u̱r-ko̱o̱b ne̱ de̱e̱n. Shir ho̱gu̱ru̱ 'wo̱n u̱n de remen me̱ ro nak yo u̱m ro m-nom á, komo u̱m ro u̱n ko̱o̱b-de m-she̱r ne̱ be-u̱r Ye̱so.

1 Timoti 1:16

Amba Shir ho̱gu̱te̱ 'wo̱n u̱n de, me̱ wu̱ arge̱ hun-ne̱ u̱r-ba'as à. Kiristi Ye̱so kututu̱ na mo̱ u̱n hur-de u̱n wu̱ remen u̱m waragté̱ rii-yo m-sha be-de u̱n kap ye̱ he m-she̱r kane̱ n-co à. Ka hun-ne̱ ye̱a kum ho̱o̱g-o̱ ba m-ta.

Yahuda-ne̱ 4:16

Yage̱ a heet no̱ sasa be-de u̱n kwu̱u̱r-de u̱n yar-mo̱ Shir, remen a kumut u̱r-'wo̱n komo a kum yar-mo̱ Shir mo̱ he na m-gu da-o̱ a ro̱ m-swo̱ u̱r-ko̱o̱b à.

Yahuda-ne̱ 6:10

Taase no̱ zee Shir ro̱ m-was u̱n se̱nge̱-m no̱ ne̱ á. Wu̱ ro̱ m-was u̱n mo̱ ne̱. Wu̱a top ko̱ wu̱ ke ne̱t-wu̱ se̱nge̱-mo̱ u̱n wu̱. No̱ ye̱ ro̱ m-was u̱n wu̱ ne̱ à, no̱ ye̱ kutu̱ wu̱ m-was be-de u̱n yan-dor ye̱ u̱n wu̱ à. Har m-mo̱ka no̱ ro̱ ye̱ m-gu.

Yakubu 2:13

Remen da-o̱ u̱n piish u̱t-ma, Shir a ho̱ge̱ 'wo̱n-de u̱n ne̱t-wu̱ ro̱tte̱ u̱r-'wo̱n á. Amba 'wo̱n-u̱r a re u̱r-ho̱ u̱n ho̱-de u̱n piish u̱t-ma.

Yakubu 3:17

Amba nap-se ro̱ m-rwu̱u̱n e̱s-mo̱ u̱n n-To̱n à, u̱n ho̱n se ro̱. Ne̱t-wu̱ ro̱ u̱n go̱n ka napse̱ ne̱ à, wu̱ ro̱tt u̱r-ba'as u̱n ho̱o̱g-mo̱ u̱n wu̱ á. Komo se ro̱ m-hante̱ she'et-de m-gwu̱gwu̱, u̱n ru̱s u̱r-hi ne̱, u̱n hi-de m-gwu̱gwe̱r ne̱ u̱n ho̱ge̱ u̱r-'wo̱n ne̱, m-yar-ne̱, koos-m ro̱ ko̱n á ko̱ o-she̱pe̱.

1 Bitrus 2:10

N-ga a ro hwo̱o̱g no̱ be-de u̱n hun-ne̱ ye̱ Shir á, amba m-mo̱ka no̱ ro̱ hun-ne̱ ye̱ Shir. N-ga Shir ro m-ho̱ge̱ u̱n 'wo̱n-u̱r no̱ á, amba m-mo̱ka Shir o̱ ho̱ge̱ u̱n 'wo̱n-u̱r no̱.