Matiyos 5:1 - Mɑ‑to̱ Shir Taku̱rda-o swo̱r o-nu pu̱-o̱

¹ Bo̱ Ye̱so hyente̱ hun-ne̱ mo̱ro̱gsu̱te̱ de̱e̱n à, wu̱ daaru̱ n-to̱n u̱r-haag, wu̱ she'etu̱ru̱. Bo̱ wu̱ she'ette̱ à, yan-neke̱-mo̱ u̱n wu̱ haaru̱ be-de u̱n wu̱.

Matiyos 5:1 ပူးပေါင်းရင်းမြစ်များ

Matiyos 13:2

Bu̱u̱g-de u̱n hun-ne̱ de̱e̱n kargu̱ru̱, ye̱ katu̱ wu̱ ge̱w, har wu̱ kum be-de m-she'et wu̱ yoosu̱tú̱ ye̱ á. Remen kaane̱ wu̱ co̱wu̱ru̱ hat-o̱ m-ho̱ wu̱ she'etu̱ru̱, bu̱u̱g-de u̱n hun-ne̱ u̱t-mo̱o̱r ne̱ komo ye̱ e̱su̱ru̱ n-riib o̱ o-mar.

Matiyos 15:29

Bo̱n káne̱, Ye̱so do̱ru̱ru̱ so̱ n-riib Mar-o̱ o-Gariri. Ka da-de wu̱ daaru̱ u̱r-dor, wu̱ she'etu̱ru̱.

Matiyos 4:25

Hun-ne̱ u̱t-mo̱o̱r ne̱ do̱ru̱ru̱ wu̱ e̱s-mo̱ o-Gariri. Ye̱ ken ye̱ rwu̱u̱n-mo̱ o-Urusharima u̱n dak-o̱ o-Judiya ne̱. Ye̱ ken ye̱ rwu̱u̱n-mo̱ u̱n be-de ye̱ m-aag, Bo̱-u̱t o̱p à, har u̱n e̱s-mo̱ u̱n pesto-de u̱n so̱ u̱n ho̱ran-de u̱n Ro̱o̱g-o̱ o-Joda.

Matiyos 5:2

Wu̱ ciru̱ ye̱ m-yoose̱ u̱n yo ka:

Markus 3:13

Ye̱so daagu̱ru̱ ye̱ ken yan-neke̱-mo̱ u̱n wu̱ ye̱, ye̱ neke̱, ye̱ deet o-haag u̱n wu̱ ne̱, yan-neke̱-mo̱ u̱n wu̱ argu̱ m-ha.

Markus 3:20

Ka da-de, Ye̱so co̱wu̱ru̱ o̱ ken hur-o̱, komo mo̱o̱r-to̱ u̱n hun-ne̱ dooru̱ m-go'one̱ be-de u̱n wu̱, har wu̱ kum da-o̱ u̱n re̱ u̱n rii-yo m-re̱ u̱n yan-neke̱-mo̱ u̱n wu̱ ne̱ á.

Markus 4:1

Ye̱so inu̱ru̱ eso, wu̱ ruuru̱ n-riib o̱ o-mar, komo wu̱ taknu̱ yoose̱ u̱n hun-ne̱. Ye̱ mo̱rgu̱ru̱ de̱e̱n be-de u̱n wu̱. Bo̱ ye̱ mo̱rge̱ de̱e̱n à, wu̱ co̱wu̱ru̱ o-hat wu̱ she'etu̱ru̱ n-me̱ u̱n o̱ n-te̱ o-mar. Hun-ne̱ ro̱ o-zang n-riib o̱ o-mar.

Ruka 6:12

Ka da-o̱ Ye̱so daaru̱ u̱r-dor wu̱ konot, wu̱ ko̱nu̱ru̱ Shir m-te̱t u̱r-bir.

Ruka 6:17

Da-o̱ Ye̱so kergene̱ n-to̱n u̱r-dor u̱n yan-to̱m-ye̱ u̱n wu̱ ne̱ à, wu̱ e̱su̱ru̱ eso u̱n be-de ro̱ cangam à, u̱n yan-neke̱-mo̱ u̱n wu̱ ne̱ de̱e̱n. Hun-ne̱ de̱e̱n ye̱ rwu̱u̱ne̱ ho̱no dak-o̱ o-Judiya à, o-Urusharima ne̱, u̱n he̱be̱-mo̱ o-Taya, o-Sidon ne̱ bo̱-to̱ u̱n riib-o̱ m-sa.

Ruka 6:20

Ye̱so gwo̱tu̱ru̱ yan-neke̱-mo̱ u̱n wu̱, wu̱ ze̱e̱ru̱, “Shir ya'ag no̱ o-kwu̱m no̱ ye̱ ro̱ ko̱o̱b-ne̱ m-mo̱ka à, remen gwo̱mo-to̱ Shir to̱ ma no̱ to̱!

Ruka 9:28

U̱ntu̱n ho̱-u̱t ta'yoor bo̱ m-ze̱e̱ kaane̱, Ye̱so de̱ku̱ru̱ Bitrus, Yohana u̱n Yakubu ne̱ ye̱ neke̱ru̱ u̱n wu̱ ne̱ n-to̱n u̱r-dor ye̱ konot Shir.

Yohana 6:15

Ye̱so ne̱, bo̱ wu̱ nepste̱ ye̱ ro̱ u̱t-zo̱nge̱ ye̱ de̱ke̱ntu̱ wu̱ u̱r-be̱e̱b, ye̱ sagbu̱té̱ wu̱ u̱t-gwo̱mo à, wu̱ inu̱ru̱ káne̱. Wu̱ argu̱ru̱ ja'as m-da o-haag u̱n hi u̱n de u̱n wu̱.