Matiyos 26:56 - Mɑ‑to̱ Shir Taku̱rda-o swo̱r o-nu pu̱-o̱

⁵⁶ Amba myet a u̱n no̱m to̱ ka remen a shoosté̱ rii-yo ro̱ u̱n n-me̱ u̱n taku̱rda-o̱ u̱n yan-Rwo̱r u̱n Ma-to̱ Shir n-ga à.” Bo̱ m-ho̱ge̱ káane̱ kap o̱ u̱n yan-neke̱-mo̱ u̱n wu̱ ye̱ yagu̱ wu̱, ye̱ so̱mu̱ru̱.

Matiyos 26:56 ပူးပေါင်းရင်းမြစ်များ

Matiyos 21:42

Ye̱so citu̱ru̱ ye̱, “Ashi, ¿no̱ we̱t m-karante̱ u̱n ge̱n-mo̱ u̱n Ma-to̱ Shir á? “ ‘Ta'ar-de ya-u̱t-ma ginme̱ à, de waragte̱ ta'ar-de jiishe̱ u̱r-bon myet be-de u̱t-ma à. Mo̱ ka no̱m-m Yawe mo̱, rii-yo u̱t-hyat yo ne̱ u̱n yish na.’

Matiyos 26:24

Me̱ u̱n ze̱e̱ kaane̱, remen me̱ Wà-wu̱ u̱n ne̱t se̱ u̱m marag bo̱ Ma-to̱ Shir zee cin n-ga à. Amba rii-yo u̱r-'wo̱n yo ká wu̱ he ya'as u̱n ‘Wà-wu̱ u̱n ne̱t à’! Roa jiish ká ne̱t-wu̱ ma a ro yagu̱tu̱ wu̱ m-mat.”

Matiyos 26:31

Ye̱so ze̱e̱ru̱ ye̱, “Myet no̱a somos no̱ yagu̱ me̱ u̱n kà te̱t-mo̱, remen Ma-to̱ Shir ze̱e̱g, “ ‘Man wos Wa-u̱r-gu̱t, kur-de u̱n ca komo ye̱a cakre̱.’

Matiyos 26:54

To̱, ¿re o̱ ka a he a shoos rii-yo Ge̱n-mo̱ u̱n Ma-to̱ Shir rwo̱re̱ à, u̱nze nip-o̱ se̱ ká rii-yo no̱mo̱g?”

Yohana 16:32

To̱, ai, da-o ro̱o̱n, ko̱ m-mo̱ka ma o̱ nomoste̱, o̱ a hette̱ no̱ m-cakarse̱ à. Ko̱ wu̱ ke wu̱a warag u̱n hur-o̱ u̱n wu̱, no̱ yage̱ me̱ u̱n ho̱n-de. Me̱ hede m-she'etu̱ ne̱ u̱n ho̱n-de á, remen Tato re ro̱ mo̱sse̱ u̱n me̱ ne̱.

Se̱nge̱-mo̱ 1:16

“O̱r re ne̱, se̱ Ma-to̱ Shir shiig o-nip to̱ Ku̱kt-o̱ Shir rwo̱re̱ n-ga u̱n nu-o ko-Gwo̱mo Dawuda mo̱sse̱ u̱n Yahudas ne̱ à, wu̱ hante̱ bu̱-se a shipte̱ Ye̱so à.

Se̱nge̱-mo̱ 2:23

Ka ne̱t-wu̱, a u̱n ya'as no̱ wu̱ u̱n bo̱ Shir ro e̱ste̱ à. Komo u̱n nap-o̱ u̱n wu̱ ne̱, no̱ kamu̱ wu̱, no̱ hoot wu̱ u̱n kom-to̱ ya-u̱r-ba'as n-to̱n o-kan.

2 Timoti 4:16

Da-de a taknu̱ me̱ m-hante̱ be-de u̱n ko-wan-piish u̱t-ma kane̱ u̱n bo̱-o̱ o-Roma à, u̱m ruute̱ hi u̱n de be-de u̱n ye̱ ro̱ me̱ u̱s-ce̱te̱nte̱ à, yatt-wu̱ su̱'e̱ me̱ á. Ye̱ tukute̱ me̱ o-cin kap mo̱ u̱n ye̱. U̱m ko̱no̱g Shir sokse̱ ye̱ ka ba'as-de.