Matiyos 26:28 - Mɑ‑to̱ Shir Taku̱rda-o swo̱r o-nu pu̱-o̱

²⁸ Mo̱ ka hyó-m re mo̱, mo̱ he shoos u̱n swo̱r o-nu o̱ Shir u̱n hun-ne̱ ye̱ u̱n wu̱ ne̱ à. A wu̱u̱s-mo̱ remen u̱r-seke̱ de u̱n soks u̱n ba'as-to̱ u̱n hun-ne̱ de̱e̱n.

Matiyos 26:28 ပူးပေါင်းရင်းမြစ်များ

Matiyos 20:28

Ko̱ me̱ ma, Wà-wu̱ u̱n ne̱t me̱ haan remen a nomotú̱ me̱ m-gu̱w á, se̱ de̱ remen u̱m nomoté̱ ye̱ ken ye̱ m-gu̱w. Komo u̱m ya'asté̱ ho̱o̱g-m re remen u̱m rurut hun-ne̱ de̱e̱n.”

Matiyos 26:27

Wu̱ mossu̱ru̱ ibitte̱-de u̱n ho̱-mo̱ u̱n mat-de u̱s-'yo. Wu̱ no̱mu̱ru̱ Shir u̱r-bo̱ngo̱n, wu̱ argu̱ ye̱ m-ya'as. Wu̱ ro m-ze̱e̱, “Swo̱ no̱ myet-m no̱.

Matiyos 26:29

We̱r no̱ ma-u̱t re, man do swo̱ u̱n kà ho̱-mo̱ u̱n mat-de u̱s-'yo mo̱ komo á, se̱ de̱ kà ho̱-de u̱m he swo̱ u̱n mo̱ ken pu̱-mo̱ mo̱ be-u̱r gaan u̱n no̱ ne̱ u̱n gwo̱mo-u̱t Tato re à.”

Matiyos 6:12

O soksu̱ te̱ ba'as-u̱t te̱, bo̱ te̱ m-sokse̱ u̱n ye̱ ro̱ te̱ m-no̱me̱ u̱t-ba'as à.

Markus 1:4

Ka bo̱-o̱ takne̱ hond hond bo̱ Ishaya ge̱ne̱ à. Ka ne̱t-wu̱ a m-ze̱e̱ Yohana Wa-m-Yo'os u̱n hun-ne̱ m-ho̱, hun-ne̱ ho̱gu̱ru̱ co̱r-o̱ u̱n wu̱ o-ko̱t. Wu̱ ro̱ ye̱ m-ze̱e̱, “E̱s no̱ a yo'os no̱ n-me̱ m-ho̱. Ye̱ e̱sse̱ a yo'oste̱ ye̱ n-me̱ m-ho̱ à, ye̱ kutute̱ ye̱ ho'oste̱ ba'as-to̱ u̱n ye̱ o̱ ka to̱ ye̱ nome̱ Shir à. Ye̱ mu̱u̱nte̱ be-de u̱n wu̱. Wu̱a soks ba'as-to̱ u̱n ye̱.”

Markus 14:24

Wu̱ ze̱e̱ru̱, “Hyo-m re mo̱ mo̱ u̱n shoos u̱n swo̱r o-nu o̱ Shir su̱ru̱ no̱ à, mo̱ a he m-dusune̱ remen hun-ne̱ de̱e̱n à.

Ruka 22:19

Ka da-de wu̱ de̱ku̱ru̱ u̱r-buro̱di wu̱ bo̱mu̱ru̱ Shir, wu̱ catu̱ru̱ de. Wu̱ ya'su̱ru̱ ye̱, wu̱ ro̱ m-ze̱e̱, “Wu̱r-o re o̱ ka o̱ u̱m seke̱, rem no̱ à. Se̱ngu̱ no̱ m-no̱m kaane̱ no̱ ma'aste̱ me̱ m-baks.”

Ruka 22:20

Kang-o gaan, wu̱ yasu̱ ye̱ ka ibitte̱-de da-o̱ ye̱ reese̱ rii-yo m-re̱ à. Wu̱ ro̱ m-ze̱e̱, “Ka ibitte̱-de swo̱r o-nu o̱ o-pu̱ o̱ dea e̱s u̱n hyó-m re, mo̱ a wu̱u̱se̱ rem no̱ à.

Roma-ne̱ 5:15

Amba yar-mo̱ Shir ya'e̱ na à ro̱ u̱n ho̱n u̱n ba'as-u̱r Adamu ne̱. Remen ba'as-de u̱n ka wan-gaan-wu̱ rwo̱'o̱g hun-ne̱ de̱e̱n marag. Amba yar-mo̱ Shir no̱mo̱g de̱e̱n, u̱n ka wan-gaan-wu̱, Ye̱so Kiristi, wu̱ Shir ya'ase̱ m-yar à. Ye̱so sokste̱ ba'as-to̱ u̱n hun-ne̱ de̱e̱n.

Roma-ne̱ 5:19

Bo̱ hun-ne̱ de̱e̱n warge̱ ya-u̱t-ba'as remen ko̱o̱b-de o-do̱ro̱tte̱ o̱ u̱n wan-gaan à, kaane̱ komo hun-ne̱ de̱e̱n he m-warag kashi remen do̱ro̱tte̱-o̱ u̱n wan-gaan.

1 Korinti-ne̱ 11:25

Kaane̱ komo bo̱ ye̱ reese̱ à, wu̱ mossu̱ru̱ u̱r-ibitte̱ wu̱ ze̱e̱, “Ka ibitte̱-de swo̱r o-nu pu̱-o̱, o̱ u̱n hyó-m re. No̱m no̱ kàane̱ ko̱ o̱ ke da-o̱ no̱ ine̱ m-swo̱, remen no̱ ma'astú̱ me̱ m-baks.”

Apisu-ne̱ 1:7

Shir rurug na remen hyó-mo̱ Ye̱so wu̱u̱se̱ da-o̱ wu̱ mare̱ à, komo wu̱ sokste̱ ba'as-u̱t na. Wu̱ u̱n no̱m kaane̱ remen yar-mo̱ u̱n wu̱ ro̱ de̱e̱n.

Korosiya-ne̱ 1:14

Remen Wà u̱n wu̱, wu̱ hokste̱ no̱m u̱n yo wu̱ no̱me̱ à. Kaane̱ Shir rumsu̱ na u̱n kom-to̱ u̱n ko-Gwo̱mo-wu̱ u̱n ya-u̱t-ko̱t, wu̱ sokste̱ ba'as-u̱t na.

Korosiya-ne̱ 1:20

Komo Kiristi wu̱ Shir nomte̱ co̱w-yo m-mu̱u̱nte̱ u̱n ko̱yan yo wu̱ no̱me̱ à, be-de m-hongse̱ u̱n wu̱ ne̱. Yo ka mo̱ssu̱te̱ myet-mo̱ u̱n rii-yo ro̱ n-To̱n à u̱n ho̱no o-dak ne̱. Shir no̱mo̱g o-co̱w remen ko̱ yo ke rii-yo ma'aste̱ ba u̱t-ween u̱n wu̱ ne̱. Shir no̱mo̱g yo ka u̱n bu̱-yo u̱n ya'as u̱n Wà u̱n wu̱, a wu̱u̱ste̱ hyó-mo̱ u̱n wu̱, wu̱ meret n-to̱n o-kan.

Yahuda-ne̱ 10:29

Yagu̱nte̱ ma ne̱t: Wu̱ yo'oge̱ Wà-wu̱ Shir à, Wu̱ 'yarag ma-to̱ u̱n hyó-mo̱ a e̱ste̱ u̱t-ma u̱n wu̱ ne̱, ka mo̱ so'osu̱ wu̱ à, Komo wu̱ yo'ogte̱ Ku̱kt-o̱ m-Yar mo̱ Shir! Ne̱t-wu̱ nome̱ kaane̱ à, Shir a 'ye wu̱ u̱r-ko̱o̱b arge̱ ka ye̱ pase̱ karamsa-o Mosa à.

Yahuda-ne̱ 13:20

Me̱ u̱n ko̱n-se Shir wu̱ 'ye no̱ ko̱ yo ke rii-yo u̱r-bon yo remen no̱ nomot rii-yo wu̱ co̱ne̱ à. Komo wu̱ se̱nge̱ m-no̱m rii-yo wu̱ co̱ne̱ à, be-u̱r no̱ u̱n bu̱-yo Ye̱so Kiristi. Wu̱ ro̱: Shir wan-'ya u̱n gwu̱gwu̱-mo̱ u̱r-hur! Wu̱ 'yonse̱ Ye̱so Wan-Ko̱yan u̱t-marimar u̱n ka hyó-mo̱ u̱n e̱ss u̱t-ma mo̱, to̱ a e̱sse̱ har da-o̱ ba m-ta à! Ye̱so wu̱ ro̱ kashi u̱n wan-gu̱t-de u̱n ca! A bu̱m no̱ wu̱ har da-o̱ ba m-ta, amin.

Yahuda-ne̱ 9:28

Kaane̱ o̱ komo Ye̱so Kiristi ya'ase̱ hi u̱n de u̱n wu̱ so̱ o-gaan remen wu̱ dekt ba'as-to̱ u̱n hun-ne̱ de̱e̱n. Wu̱a do m-mu̱u̱n, se̱ de̱ yanze remen wu̱ doot de̱k u̱n ba'as-to̱ u̱n hun-ne̱ komo á, amba remen wu̱ guut hun-ne̱ ye̱ u̱n wu̱ ye̱ ro̱ u̱n 'er-de u̱n mu̱u̱n-mo̱ u̱n wu̱ à.

1 Yohana 2:2

Wu̱ wu̱ ya'ase̱ hyó-mo̱ u̱n wu̱ u̱r-sake̱ a rurut na be-to̱ u̱n ba'as-u̱t na. Yanze ne̱ to̱ ma na u̱n ho̱n-de u̱n to̱ á, har u̱n to̱ u̱n ho̱no o-dak ne̱ kap.

U̱t-Hyangan 7:14

U̱m ze̱e̱ru̱ wu̱, “Go̱s-wu̱, o nepste̱.” Ka da-de wu̱ ze̱e̱ru̱ me̱, “Ye̱ ka ye̱ ro̱ hun-ne̱ ye̱ possu̱ne̱ be-de u̱n re̱ u̱r-ko̱o̱b u̱r-go̱s-de à. Ye̱ u̱n so'os matuku-u̱t se̱e̱b-to̱ to̱ u̱n ye̱ u̱n hyó-mo̱ u̱n ká Ca-yo, ye̱ mustu̱ to̱ u̱t-pus to̱.

U̱t-Hyangan 7:9

Bo̱ to̱ ka aragte̱ à, u̱m gwo̱tu̱ru̱ u̱m 'wo̱s de ken caari-de u̱r-mo̱ro̱g de u̱n yan-ba-m-ku̱ko̱p u̱t-mo̱o̱r ne̱ ye̱ arge̱ m-o̱o̱g à. Ye̱ rwu̱u̱nte̱ so̱ u̱n ko̱ to̱ ke dak-to̱, u̱n ko̱ to̱ ke baag-to̱ ne̱, u̱n ko̱ ye̱ ke hun-ne̱ ye̱ ne̱, u̱n ko̱ de ke rem-de ne̱. Ye̱ ro̱ eso eso he̱r-o̱ u̱n ká kwu̱u̱r-o̱ u̱n co-o̱ u̱n ká Ca-yo. Ye̱ cu̱pste̱ matuku-u̱t se̱e̱b-to̱ u̱t-pus to̱, ye̱ bu̱ps jet-se o-do̱bino̱ u̱n kom-to̱ u̱n ye̱.