Matiyos 25:31 - Mɑ‑to̱ Shir Taku̱rda-o swo̱r o-nu pu̱-o̱

³¹ “Da-o̱ Wà-wu̱ u̱n ne̱t he m-haan n-me̱ u̱n se̱ps-mo̱ u̱n wu̱ à u̱n yan-to̱m-ye̱ Shir ne̱ kap, ka da-o̱ wu̱ he m-she'et u̱n kwu̱u̱r-o̱ u̱n se̱ps-mo̱ u̱t-gwo̱mo.

Matiyos 25:31 ပူးပေါင်းရင်းမြစ်များ

Matiyos 16:27

Remen me̱ Wà-wu̱ u̱n ne̱t, man haan u̱n se̱ps-m Tato re ne̱ u̱n yan-to̱m-ye̱ u̱n wu̱ ne̱, man piishe̱ ko̱ wu̱ ke ne̱t-wu̱ u̱t-ma mo̱sse̱ u̱n rii-yo wu̱ no̱me̱ ne̱ à.

Matiyos 19:28

Ye̱so shasu̱ru̱, “Nip-o̱ me̱ no̱ m-ru̱re̱, u̱n ka da-o ro̱o̱ne̱ à, da-o̱ Wà-wu̱ u̱n ne̱t he m-she'et u̱n gwo̱mo-to̱ u̱n wu̱ to̱ u̱t-go̱s à, no̱ ye̱ do̱ru̱ me̱ à, no̱ ye̱ komo he m-she'et u̱n de̱e̱g-to̱ u̱n gwo̱mo-u̱t o̱p u̱t-yoor [12]. No̱ ye̱ he piishe̱ u̱n baag-u̱t o̱p u̱t-yoor [12] to̱ u̱n Isra-ne̱ u̱t-ma.

Matiyos 25:6

“Da-o te̱t-m pu̱rge̱ m-so̱k ne̱ à, ye̱ ho̱gu̱ru̱ eeg a m-ze̱e̱, ‘Ho̱gu̱ no̱, ko-ya-u̱t-ge wu̱ ká! Rwu̱u̱n no̱, no̱ gontu̱ wu̱!’

Matiyos 26:64

Ye̱so ze̱e̱ru̱ wu̱, “E̱e̱, káane̱ o̱ hond hond bo̱ o rwo̱re̱ à. Komo kane̱ co no̱a hyen me̱ Wà-wu̱ u̱n ne̱t ro̱ u̱r-she'et tara u̱n kom-o̱ u̱r-re̱ de u̱n Shir be-de u̱t-gwo̱mo, wu̱ ro̱o̱n komo n-me̱ u̱t-ke'ente̱ to̱ u̱n ku̱s-o̱ n-To̱n shir.”

Markus 14:62

Ye̱so ze̱e̱ru̱, “Me̱ wu̱. No̱a hyen me̱ komo, me̱ Wà-wu̱ u̱n ne̱t, me̱ tara u̱n kom-o̱ u̱r-re̱ o̱ Shir Wa-u̱r-Be̱e̱b. No̱a hyen komo me̱ m-rwu̱u̱n n-me̱ u̱t-ke'ente̱ n-To̱n shir.”

Markus 8:38

U̱rege̱ wu̱ ken wu̱ ro̱ m-ho̱ge̱ u̱n 'e̱-m re u̱n yo me̱ m-yoos ne̱ à, u̱n ka da-o̱, o̱ hun-ne̱ ro̱ m-she̱r be-de Shir á, amba se̱ me̱n-u̱t jaas-to̱, ka da-de, me̱ Wà-wu̱ u̱n ne̱t a ho̱ge̱ 'e̱-mo̱ u̱n wu̱, me̱ mu̱u̱ne̱ u̱n dak. Man mu̱u̱n u̱n se̱ps-mo̱ o-Tato ne̱ mo̱sse̱ u̱n mo̱ u̱n yan-to̱m-ye̱ Shir ne̱ ye̱ ba m-ku̱ko̱p.”

Ruka 22:69

Amba m-mo̱ka, har u̱n co, Wà-wu̱ u̱n ne̱t a she'et u̱r-re̱ de u̱n Shir be-de u̱t-gwo̱mo.”

Ruka 9:26

U̱rege̱ hun-ne̱ ro̱ m-ho̱ge̱ 'e̱-m re u̱n yoos u̱n de ne̱, kaane̱ Wà-wu̱ u̱n ne̱t he m-ho̱ge̱ 'e̱-mo̱ u̱n ye̱ da-o̱ wu̱ he m-mu̱u̱n u̱n se̱ke̱mse̱-mo̱ u̱n wu̱ ne̱, u̱n mo̱ u̱n tato u̱n wu̱ ne̱, u̱n mo̱ u̱n yan-to̱m-se Shir ne̱ à.

Yohana 1:51

Komo wu̱ ze̱e̱ru̱ ye̱, “Me̱ no̱ m-ru̱re̱ o-nip, no̱a hyen a tikste̱ To̱n-o̱ Shir, yan-to̱m-ye̱ Shir ye̱ ro̱ m-kergende̱, ye̱ ro̱ m-da n-to̱n u̱n Wà-wu̱ u̱n ne̱t.”

Se̱nge̱-mo̱ 1:11

Ye̱ ze̱e̱ru̱, “No̱ hun-ne̱ ye̱ o-Gariri, ¿remen yan o̱ no̱tte̱ eso eso u̱n gwo̱t-o̱ n-To̱n shir? Ká Ye̱so wu̱ a de̱ke̱ be u̱n no̱ ha-mo̱ n-To̱n à, wu̱a do m-mu̱u̱n bo̱ no̱ hyane̱ arag-mo̱ u̱n wu̱ à.”

1 Tasaronika-ne̱ 3:13

Te̱ ko̱no̱g u̱nze, Wan-Ko̱yan na Ye̱so wu̱ do rem no̱ u̱r-be̱e̱b, no̱ waragté̱ ba u̱r-ba'as komo ba m-ku̱ko̱p n-co o̱ Shir wu̱ ro̱, Tato na à da-o̱ Wan-Ko̱yan na Ye̱so he m-mu̱u̱n mo̱sse̱ u̱n yan-dor ye̱ u̱n wu̱ ne̱ kap à.

1 Tasaronika-ne̱ 4:16

Remen Wan-Ko̱yan u̱n hi u̱n de u̱n wu̱, wu̱ he m-kergu̱nde̱ rwu̱u̱n-mo̱ n-To̱n shir, u̱s-eeg ne̱ se u̱r-be̱e̱b, u̱n co̱r-o̱ u̱n caari-wu̱ u̱n ko-yan-to̱m-wu̱ Shir ne̱, u̱n hur-mo̱ u̱n kar-o̱ Shir ne̱. Ka ye̱ mare̱ n-me̱ u̱n Kiristi à, ye̱ he m-ba m-ine̱.

Yahuda-ne̱ 1:8

Amba u̱n ma-u̱t Wà u̱n wu̱, wu̱ zee, “Wo̱ Shir, gwo̱mo-u̱t ru to̱ m-ta to̱ á. Piish u̱n ma-to̱ o-nip, to̱ ro̱ gwo̱o̱b-yo u̱n gwo̱mo-u̱t ru.

Yahuda-ne̱ 9:28

Kaane̱ o̱ komo Ye̱so Kiristi ya'ase̱ hi u̱n de u̱n wu̱ so̱ o-gaan remen wu̱ dekt ba'as-to̱ u̱n hun-ne̱ de̱e̱n. Wu̱a do m-mu̱u̱n, se̱ de̱ yanze remen wu̱ doot de̱k u̱n ba'as-to̱ u̱n hun-ne̱ komo á, amba remen wu̱ guut hun-ne̱ ye̱ u̱n wu̱ ye̱ ro̱ u̱n 'er-de u̱n mu̱u̱n-mo̱ u̱n wu̱ à.

Yahudas 1:14

Enok, no̱mo̱g caara-u̱s ta'yoor bo̱ u̱n mar-m Adamu, wu̱ rwo̱ro̱g u̱t-ma mo̱sse̱ u̱n ka hun-ne̱ ye̱ ne̱ u̱nze, “Gwo̱t no̱, Wan-Ko̱yan ro̱o̱n u̱n yan-to̱m-ye̱ u̱n wu̱ ne̱, u̱s-dugu ba u̱r-me'et.

U̱t-Hyangan 1:7

Gwo̱t! Wu̱ ro̱o̱n u̱t-ke'ente̱ to̱ n-To̱n shir. Ko̱ wu̱ ke ne̱t-wu̱ a hyen wu̱, myet u̱n ka ye̱ ho̱ wu̱ ne̱ à. Komo myet-mo̱ u̱n baag-to̱ u̱n ho̱no o-dak a nom tu̱k-mo̱ u̱t-me̱n remen wu̱. E̱e̱ kaane̱ to̱ ro̱, amin.

U̱t-Hyangan 20:11

Ka da-o̱ u̱m hyanu̱ caari-o̱ o-kwu̱u̱r o̱ u̱t-gwo̱mo o-pus o̱. U̱m hyanu̱ru̱ wu̱ ro̱ tara n-to̱n o̱ à. O-dak n-To̱n o̱ shir ne̱ argu̱ m-e̱ge̱ u̱n co-o̱ u̱n wu̱ komo a do to̱ ne̱ m-hyan á.

U̱t-Hyangan 3:21

Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man ru̱ wu̱ wu̱ she'et u̱n me̱ ne̱ u̱n kwu̱u̱r-o re, u̱ntu̱n bo̱ u̱m re̱ u̱r-ho̱, u̱m she'ete̱ u̱n Tato re ne̱ u̱n kwu̱u̱r-o̱ u̱n wu̱ à.