Matiyos 21:21 - Mɑ‑to̱ Shir Taku̱rda-o swo̱r o-nu pu̱-o̱

²¹ Ye̱so shasu̱ru̱, wu̱ zee, “Nip-o̱ me̱ no̱ m-ru̱re̱, u̱rege̱ no̱ m-she̱r ne̱, komo no̱ zap á, ko̱ hiin, no̱a hoks m-no̱m arge̱ rii-yo u̱m no̱me̱ ká rum-yo à. No̱a zee ka haag-o̱ ‘Wuksu̱nde o he̱'e̱be̱ n-me̱ m-sa.’ O̱a nomo no̱ o-do̱ro̱tte̱.

Matiyos 21:21 ပူးပေါင်းရင်းမြစ်များ

Matiyos 14:29

Ye̱so ze̱e̱ru̱, “Haan ge̱.” Ka da-de Bitrus ruuru̱ o-hat, wu̱ ciriru̱ u̱r-hew m-yawag m-ho̱, wu̱ ro̱ m-neke̱ be-u̱r Ye̱so.

Matiyos 17:20

Ye̱so ze̱e̱ru̱ ye̱, “Remen she̱r-m no̱ ro̱ de̱e̱n á. Nip-o̱ me̱ no̱ m-ru̱re̱, u̱rege̱ she̱r-m no̱ wo̱o̱g go̱s-to̱ u̱n go'-yo o-mosta yo jiishe̱ u̱s-re̱k be-de u̱n go̱ kap à, no̱a rees m-ze̱e̱ ka haag-o̱ ine̱ zee-mo̱ u̱n kane̱ ha-mo̱ u̱n re̱e̱no̱, komo o̱a ine̱. Yatt rii-yo he no̱ m-kwange̱ á.”

Matiyos 21:20

Bo̱ yan-neke̱-mo̱ u̱n wu̱ hyente̱ káane̱ à, ye̱ bo̱pu̱ o-nu. Ye̱ ze̱e̱ru̱, “¿Re no̱me̱ ká rum-yo hu̱'u̱te̱ káane̱ ba u̱n rem?”

Matiyos 8:12

Amba Shir a jorbu̱ no̱ n-me̱ o-comb no̱ ye̱ depete̱ no̱ wakte̱ hun-ne̱ ye̱ u̱n wu̱ à, amba no̱ yage̱. Kane̱ no̱ he u̱s-kan u̱n haw-se u̱n yin-ne̱.”

1 Korinti-ne̱ 13:2

Ko̱ me̱ u̱n yar-mo̱ u̱n ko̱'o̱t u̱n ma-to̱ rwu̱u̱ne̱ be-de Shir ne̱ à, u̱m nep komo rii-yo ro̱ wukusse̱ à, u̱m nep komo ho̱n u̱s-nap kap. Komo me̱ m-she̱r ne̱ de̱e̱n, mo̱ wo̱o̱ wugur u̱t-haag à, amba me̱tt m-was á, to̱, me̱ rii-yo á.

Yakubu 1:6

Amba ko̱n o she̱r be-de Shir ba das das á. Wu̱ ro̱ das das à, ya wu̱ ro̱ u̱ntu̱n jo̱k-ye̱ m-sa, ye̱ yo-m ro̱ m-huk mo̱ mus ko̱ ke so̱-se à.