Matiyos 17:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Wu̱ ro̱ m-rwo̱r u̱t-ma káane̱ ke'ente̱-o̱ m-cu̱cas ho̱kku̱ru̱ ye̱. Ye̱ ho̱gu̱ru̱ co̱r n-me̱ u̱n ká ke'ente̱-o̱ o̱ m-ze̱e̱, “Wu̱ ka wu̱ ro̱ Wà re, wu̱ me̱ m-co̱n à, me̱ m-ho̱ge̱ re̱re̱m-mo̱ u̱n wu̱ de̱e̱n. Raks no̱ ma-to̱ u̱n wu̱!”

Matiyos 17:5 ပူးပေါင်းရင်းမြစ်များ

Matiyos 12:18

“Shir ze̱e̱g ko-yan-gu̱w-m re wu̱ ka, wu̱ u̱m daage̱ à, wu̱ me̱ m-co̱n à. Komo hur u̱n de ro̱ gwu̱gwu̱ u̱n wu̱ ne̱. Man shoos wu̱ u̱n Ku̱kt-o re, komo wu̱a ko̱'o̱t u̱nze Shir a piishe̱ myet hun-ne̱ ye̱ u̱n ho̱no o-dak u̱t-ma bo̱ depe̱ à.

Matiyos 17:6

Bo̱ yan-neke̱-mo̱ u̱n wu̱ ho̱gu̱te̱ káane̱ à, gye̱r-o̱ ho̱o̱ru̱ ye̱ de̱e̱n, har ye̱ he̱e̱ru̱ n-dak.

Matiyos 3:17

Ka da-de Shir te̱pru̱nu̱ru̱ zee-mo̱ n-To̱n o-shir, “Wu̱ ka wu̱ ro̱ Wà re, wu̱ me̱ m-co̱n à. Wu̱ me̱ m-ho̱ge̱ re̱re̱m-mo̱ u̱n wu̱ de̱e̱n à.”

Markus 1:11

A ho̱gu̱ru̱ co̱r n-To̱n o̱ Shir. O̱ ro̱ m-ze̱e̱, “Wo̱ ro̱ Wà re, wu̱ me̱ m-co̱n à. Me̱ o-zak u̱n wo̱ ne̱ de̱e̱n.”

Markus 9:7

Ye̱ ro kane̱, o̱ ken ke'ente̱-o̱ kawnu̱ru̱, o̱ ho̱kku̱ru̱ u̱r-ho̱. Ye̱ ho̱gu̱ru̱ co̱r n-To̱n shir. O̱ zee, “Wà re wu̱ ka wu̱ u̱m co̱ne̱ à. Raks no̱ u̱t-to̱, no̱ ho̱ge̱ wu̱.”

Ruka 3:22

Ku̱kt-o̱ Shir haanu̱ru̱ be-u̱r Ye̱so u̱ntu̱n o-tantabara. A ho̱gu̱ru̱ o-co̱r n-To̱n shir, “Wo̱ ro̱ wà re. Me̱ gwu̱gwu̱ u̱n wo̱ ne̱ u̱m co̱no̱g wo̱.”

Yohana 3:16

“Remen was-mo̱ Shir wasse̱ u̱n ho̱no o-dak ne̱ à, o̱ hante̱ wu̱ to̱mo̱nte̱ mat-de u̱n Wà u̱n wu̱ wan-gaan cot. Wu̱ u̱n no̱m kaane̱, remen bo̱ u̱n ne̱t-wu̱ she̱re̱ hur-de u̱n wu̱ be-de u̱n wu̱ à, taase wu̱ sabre̱, amba wu̱ kumut ho̱o̱g-mo̱ ba m-ta.

Yohana 3:35

Tato-o waste̱ u̱n Wà u̱n wu̱ ne̱. Wu̱ bo̱psu̱te̱ wu̱ ko̱ yo ke rii-yo u̱n kom-to̱ u̱n wu̱.

Yohana 5:37

O-Tato komo o̱ to̱mne̱ me̱ à, wu̱ su̱'e̱ me̱ u̱n hi u̱n de u̱n wu̱. No̱ ne̱, no̱ tak m-ho̱ge̱ u̱n co̱r-o̱ u̱n wu̱ á har no̱ hyenet sha-mo̱ u̱n wu̱ á.

Se̱nge̱-mo̱ 1:9

Bo̱ wu̱ ru̱rte̱ kaane̱ à, ye̱ o-gwo̱t, a argu̱ wu̱ m-de̱k n-To̱n shir. O̱ ken ke'ente̱-o̱ ho̱kku̱ru̱ wu̱. Ye̱ do wu̱ m-hyan á.

Se̱nge̱-mo̱ 7:37

“Ka Mosa-wu̱, wu̱ ze̱e̱ Isra-ne̱, ‘Shir a deeg wu̱ ken wan-rwo̱r u̱n Ma-to̱ Shir wu̱ be-de u̱n hun-ne̱ no̱, u̱ntu̱n me̱.’

Apisu-ne̱ 1:6

Remen kaane̱, yage̱ a bu̱mu̱t Shir bo̱ wu̱ kutu na yar-mo̱ u̱n se̱ps-mo̱ u̱n wu̱ à. Wu̱ kututu̱ na yar-mo̱ u̱n wu̱ de̱e̱n remen yo Wà u̱n wu̱ Ye̱so no̱me̱ à, Wà-wu̱ Shir ro̱ m-was ne̱.

Korosiya-ne̱ 1:13

Shir ruutu̱ na u̱n kom-to̱ u̱n ko-Gwo̱mo-wu̱ u̱n ya-u̱t-ko̱t, be-de u̱n she'et-de o-comb. M-mo̱ka wu̱ rwo̱'o̱g Wà u̱n wu̱ Ye̱so wu̱ wu̱ ro̱ m-was de̱e̱n à, wu̱ nom gwo̱mo-u̱t na.

Yahuda-ne̱ 5:9

Swo̱ u̱r-ko̱o̱b rwo̱'o̱g Ye̱so wu̱ shiig hond hond, komo m-mo̱ka wu̱a hoks m-gu u̱n myet ye̱ no̱mu̱ wu̱ o-do̱ro̱tte̱ à, har da-o̱ ba m-ta.

U̱t-Hyangan 1:7

Gwo̱t! Wu̱ ro̱o̱n u̱t-ke'ente̱ to̱ n-To̱n shir. Ko̱ wu̱ ke ne̱t-wu̱ a hyen wu̱, myet u̱n ka ye̱ ho̱ wu̱ ne̱ à. Komo myet-mo̱ u̱n baag-to̱ u̱n ho̱no o-dak a nom tu̱k-mo̱ u̱t-me̱n remen wu̱. E̱e̱ kaane̱ to̱ ro̱, amin.

U̱t-Hyangan 14:14

U̱m gwo̱tu̱ru̱, komo re̱e̱no̱ u̱n co-o re u̱m hyanu̱ru̱ ke'ente̱-o pus-o̱, tara u̱n ka ke'ente̱-o̱ wu̱ ken wu̱ “u̱ntu̱n Wà-wu̱ u̱n Ne̱t” o-go̱nd ne̱ o̱ o-zinariya u̱n hi-de u̱n wu̱, komo wu̱ ro̱ o-riji ne̱ yo m-rye de̱e̱n u̱n kom-o̱ u̱n wu̱.