Matiyos 16:21 - Mɑ‑to̱ Shir Taku̱rda-o swo̱r o-nu pu̱-o̱

²¹ Cin u̱n ká da-o̱, Ye̱so cire̱ m-kute̱ u̱n yan-neke̱-mo̱ u̱n wu̱ u̱nze, se̱ wu̱ haag bo̱-o̱ o-Urusharima. Komo wu̱ ru̱ru̱ ye̱ yo he wu̱ m-ko̱r re̱e̱no̱ à. Wu̱ su̱u̱t u̱r-ko̱o̱b go̱-u̱s-go̱ be-de u̱n ye̱ ro̱ se̱k-ye̱, u̱n Gwo̱mo-ne̱ ye̱ u̱n ko̱n-se Shir, u̱n ya-u̱r-yoos-de karamsa-o̱ Mosa ne̱. Komo a ho wu̱, u̱n ho̱-u̱r atette̱-de komo a 'yons wu̱.

Matiyos 16:21 ပူးပေါင်းရင်းမြစ်များ

Matiyos 12:40

Yunana no̱mo̱g ho̱-u̱t tet, te̱t-m tet, n-me̱ u̱n ku̱t-o̱ u̱n caari-o̱ o-jan. Káane̱ me̱ Wà-wu̱ u̱n ne̱t a he me̱ m-jo̱k ho̱-u̱t tet, m-te̱t, m-ho̱w ne̱ n-dak.

Matiyos 16:22

Bitrus naku̱ru̱ wu̱ n-riib, wu̱ ciru̱ru̱ wu̱ u̱t-kangse̱. Wu̱ ro̱ m-ze̱e̱, “Go̱s-wu̱, Shir ye̱ peste̱! To̱ ka a nome̱ be u̱n du á.”

Matiyos 16:28

Nip-o̱ me̱ no̱ m-ru̱re̱, ye̱ ken ye̱ ro̱ ko̱n eso eso kane̱ ye̱a mer á, har se̱ ye̱ hyanag haan-mo̱ u̱n Wà-wu̱ u̱n ne̱t n-me̱ u̱n gwo̱mo-u̱t Tato u̱n wu̱.”

Matiyos 17:12

Amba me̱ no̱ m-ru̱re̱, E̱reja be'este̱ wu̱ he'esente̱, ye̱ nap u̱n wu̱ ne̱ á, har ma ye̱ nomotu̱ wu̱ rii-yo ye̱ hyane̱ m-so̱k à. Káane̱ komo Wà-wu̱ u̱n ne̱t he swo̱ u̱r-ko̱o̱b u̱n kom-to̱ u̱n ye̱.”

Matiyos 17:9

Bo̱ ye̱ ro̱ m-kergu̱nde̱ u̱n ká haag-o̱ à, Ye̱so naku̱ ye̱ u̱t-to̱. Wu̱ zee, “No̱ ru̱re̱ ne̱t rii-yo no̱ hyane̱ á, se̱ Wà-wu̱ u̱n ne̱t inu̱te̱ u̱t-marimar.”

Matiyos 20:28

Ko̱ me̱ ma, Wà-wu̱ u̱n ne̱t me̱ haan remen a nomotú̱ me̱ m-gu̱w á, se̱ de̱ remen u̱m nomoté̱ ye̱ ken ye̱ m-gu̱w. Komo u̱m ya'asté̱ ho̱o̱g-m re remen u̱m rurut hun-ne̱ de̱e̱n.”

Matiyos 26:2

“No̱ nepse̱ Biki-o̱ m-Pas kuks ho̱-u̱t yoor a cirit, komo me̱ Wà-wu̱ u̱n ne̱t ye̱a ya'as me̱ ye̱a kem me̱ o-kan.”

Matiyos 26:47

Rii-yo wu̱ tigite̱ o-nu, Yahudas, wan-gaan n-me̱ u̱n ká o̱p u̱n yoor-ye̱ [12], wo̱o̱nu̱ru̱ mo̱sse̱ u̱n mo̱ro̱g-de u̱n hun-ne̱ ne̱ de̱e̱n. Ye̱ ro̱ u̱t-magay ne̱ u̱t-kom, u̱t-ko̱ ne̱. Gwo̱mo-ne̱ ye̱ u̱n ko̱n-se Shir u̱n ye̱ ro̱ se̱k-ye̱ ne̱ à, ye̱ tomontu̱ ye̱.

Matiyos 27:12

Amba bo̱ Gwo̱mo-ne̱ ye̱ u̱n ko̱n-se Shir u̱n ye̱ ro̱ se̱k-ye̱ ne̱ pyapu̱ wu̱ à, wu̱ zee ye̱ rii á.

Matiyos 27:63

Ye̱ ze̱e̱ru̱ wu̱, “Ho̱o̱g ru go̱s de̱e̱n! Te̱ bakste̱ rii-yo ká wan-raks u̱n hun-ne̱ wu̱ zee cin da-o̱ wu̱ ro u̱n ho̱o̱g ne̱ à, u̱nze so̱ u̱n ta-de u̱n ho̱-u̱r atette̱-de, wu̱a ine̱ u̱t-marimar.

Matiyos 28:6

Wu̱ ro̱ ko̱n kàne̱ á! Wu̱ inite̱ be-de u̱n margan-ne̱ bo̱ wu̱ rwo̱re̱ a kor à. Haan no̱ gu̱t be-de wu̱r-o̱ u̱n wu̱ ro'e̱ à.

Markus 8:31

Bo̱ wu̱ ka'agte̱ ye̱ u̱nze ye̱ rwo̱r u̱nze wu̱ ro̱ Wà-wu̱ u̱n ne̱t á, ka da-de ne̱, wu̱ taknu̱ ye̱ m-yoose̱ de ken yoos-de. Wu̱ ze̱e̱ru̱, “Gakte̱-mo̱ me̱ Wà-wu̱ u̱n ne̱t u̱m su̱ u̱r-ko̱o̱b. Se̱k-ye̱ ye̱ u̱n Yahuda-ne̱ u̱n Gwo̱mo-ne̱ ye̱ u̱n ko̱n-se Shir, u̱n yan-Yoos-de u̱n karamsa-o Mosa ne̱, ye̱a 'yarag me̱ har ye̱a ho me̱. Ye̱ ho me̱, ho̱-u̱t tet to̱ u̱m he m-no̱m u̱n saag u̱m inu̱te̱ u̱n ho̱o̱g ne̱.”

Markus 9:12

Ye̱so shasu̱ru̱ ye̱, wu̱ ze̱e̱ru̱, “Nip-o̱, a ge̱ne̱g be-de u̱n Ma-to̱ Shir u̱nze se̱ E̱reja heesu̱nte̱ wu̱ ja'asse̱ ko̱yan, ka da-de ne̱, Kiristi haanu̱ru̱. Ro̱ gense̱ tomso u̱nze hun-ne̱ a nomu̱ wu̱ kap rii-yo ye̱ co̱ne̱ à. Ka ne̱t-wu̱ a tane̱ u̱n jin-u̱r E̱reja à, wu̱ be'este̱ ne̱ wu̱ heesu̱nte̱. Bo̱ u̱n rii-yo a ge̱ne̱ u̱nze a nomu̱ wu̱ yo à, to̱, bo̱ u̱n haan-mo̱ u̱n wu̱ a nomu̱ru̱ wu̱ yo. Wà-wu̱ u̱n ne̱t, wu̱ Shir he m-to̱mo̱n u̱n jim-u̱r E̱reja à, a geneste̱ u̱nze wu̱a su̱ u̱r-ko̱o̱b de̱e̱n be-de u̱n hun-ne̱, ye̱a yo'og wu̱.”

Ruka 17:25

Amba u̱r-takan Wà-wu̱ u̱n ne̱t wu̱a su̱ u̱r-ko̱o̱b de̱e̱n hun-ne̱ ye̱ u̱n ka da-o̱, ye̱a 'yarag wu̱.

Ruka 24:46

“Yo a ge̱ne̱ à yo ka: Kiristi a su̱ u̱r-ko̱o̱b, komo wu̱a ine̱ be-de u̱n margan-ne̱ u̱n ho̱-u̱r atette̱-de.

Ruka 9:31

Ye̱ rwu̱u̱ne̱ u̱n se̱ke̱mse̱-mo̱ n-to̱n ne̱, komo ye̱ no̱mu̱ru̱ u̱t-ma u̱n Ye̱so ne̱. Hi-de u̱n ma-to̱ u̱n ye̱ de ka, bo̱ Ye̱so he m-shoos u̱n Ma-to̱ Shir wu̱ meret o-Urusharima à.