Matiyos 15:31 - Mɑ‑to̱ Shir Taku̱rda-o swo̱r o-nu pu̱-o̱

³¹ Har hun-ne̱ hyen o-made̱ bo̱ ye̱ hyane̱ 'kato̱-ne̱ te̱pe̱rte̱ à, ya-u̱t-cim komo ye̱ m-se̱nge̱, ryam-ne̱ u̱r-hew, po̱-ne̱ komo ye̱ ro̱ o-hyan. Kap mo̱ u̱n ye̱, ye̱ nomu̱ru̱ Shir o̱ o-Isra u̱r-bo̱ngo̱n.

Matiyos 15:31 ပူးပေါင်းရင်းမြစ်များ

Matiyos 15:30

Hun-ne̱ haanu̱ru̱ be-de u̱n wu̱ de̱e̱n. Ye̱ neknu̱te̱ u̱n ryam-ne̱ ne̱, u̱n po̱-ne̱ ne̱, u̱n cim-ne̱ ne̱, u̱n 'kato̱-ne̱ ne̱, u̱n ye̱ ken ya-u̱s-go̱m ye̱ ne̱ de̱e̱n, ye̱ e̱ssu̱ru̱ ye̱ u̱n co Ye̱so. Wu̱ taasu̱ru̱ ye̱ go̱m-se u̱n ye̱ kap.

Matiyos 18:8

U̱rege̱ kom-o ru, ko̱ na-o ru ro̱ wo̱ u̱n rwo̱ u̱r-ba'as, kups o jore̱. A jiish wo̱ o cu̱w ho̱o̱g-o̱ ba m-ta u̱n na-o gaan ko̱ kom-o gaan, o̱tte̱ a jorbe̱ wo̱ n-me̱ o-ra o̱ ro̱ m-ryomse̱ á, u̱n kom-u̱t ru ne̱ u̱t-yoor ko̱ na-u̱s ru u̱s-yoor.

Matiyos 21:14

Po̱-ne̱ u̱n ryam-ne̱ ne̱ haanu̱ru̱ be-de u̱n wu̱ u̱n Pyo-o̱ Shir, wu̱ taasu̱ru̱ go̱m-se u̱n ye̱.

Matiyos 8:10

Bo̱ Ye̱so ho̱gu̱te̱ kaane̱ à, wu̱ bo̱pu̱ru̱ o-nu. Wu̱ ze̱e̱ru̱ yan-neke̱-mo̱ u̱n wu̱, “Nip-o̱ me̱ no̱ m-ru̱re̱, ko̱ n-me̱ u̱n dak-o̱ o-Isra me̱ tak m-kum wa-m-she̱r m-'wo̱ns ne̱ u̱ntu̱n wu̱ ka á.

Matiyos 9:32

Bo̱ ye̱ zette̱ ru-mo̱ ka à, hun-ne̱ hantu̱ru̱ Ye̱so wu̱ ken campo̱-wu̱. Ko-ya-u̱t-ko̱t we̱ne̱g wu̱ te̱p.

Matiyos 9:33

Ye̱so ruutu̱ru̱ ko-ya-u̱t-ko̱t, ka wu̱ ro u̱n hoks m-te̱pe̱r á, ka da-o̱ wu̱ ciru̱ru̱ te̱p. Mo̱ro̱g-de u̱n hun-ne̱ bo̱pu̱ru̱ nu-se u̱n ye̱. Ye̱ ze̱e̱ru̱, “Te̱ we̱t m-hyan u̱n yo ken rii-yo u̱ntu̱n kaane̱ n-me̱ u̱n dak-o̱ Isra-ne̱ á.”

Matiyos 9:8

Bo̱ mo̱ro̱g-de u̱n hun-ne̱ hyente̱ kaane̱ à, ye̱ ho̱gu̱ru̱ o-gye̱r. Ye̱ bo̱mu̱ru̱ Shir, wu̱ ya'e̱ ne̱t go̱n ka gwo̱mo-to̱ à.

Markus 2:12

Ka ne̱t-wu̱ inu̱ru̱ ge̱, wu̱ mossu̱ru̱ ke̱re̱m-o̱ u̱n wu̱. Wu̱ ruuru̱ u̱n yish-ye̱ u̱n hun-ne̱ har ye̱ bo̱pu̱ru̱ nu. Ye̱ se̱ke̱msu̱ru̱ Shir u̱r-bo̱ngo̱n u̱r-bo̱ngo̱n. Ye̱ ze̱e̱ru̱, “Wuuu, te̱ we̱t m-hyan kaane̱ á.”

Markus 7:37

Ye̱ ho̱ge̱ ka ma-to̱ u̱n to̱-to̱ u̱n ye̱ à, ye̱ bo̱pu̱ru̱ u̱s-nu remen ye̱ hyanag rii-yo u̱t-hyat. Ye̱ ze̱e̱ru̱, “Wu̱ nak no̱m u̱n ko̱ yo ke rii-yo u̱r-bon ne̱ har wu̱ rwo̱'o̱g ka'ato̱-ne̱ u̱n be̱be̱-ne̱ m-ho̱ge̱, ye̱ te̱pe̱r.”

Markus 9:43

U̱rege̱ kom-o ru ro̱ wo̱ m-hante̱ u̱r-ba'as, kups o̱ o jore̱. Jiishte̱ o kum ho̱o̱g-o̱ u̱n ba m-ta kom-o gaan, o̱tte̱ a jorbe̱ wo̱ n-me̱ den-o̱ o-ra kom-u̱t yoor à, ra-o̱ ba m-ryomse̱.

Ruka 14:13

Amba da-o̱ wo̱ ine̱ o-biki, ban ko̱o̱b-ne̱, u̱n ryam-ne̱ ne̱ u̱n po̱-ne̱ ne̱.

Ruka 14:21

“Ka ko-gu̱w-wu̱ wargu̱ru̱ wu̱ ru̱ru̱ wan-hur-o̱ u̱n wu̱. Wan-hur-o̱ u̱n wu̱ swo̱o̱ru̱ u̱s-ryaab. Wu̱ ze̱e̱ru̱ ko-gu̱w, ‘M-mo̱ka ru, o do̱re̱ u̱s-co̱w u̱s-bu̱ ne̱ se o-bo̱, o band ko̱o̱b-ne̱, ryam-ne̱, u̱n po̱-ne̱ ne̱.’

Ruka 18:43

U̱n gyept-o̱ u̱n yish, wu̱ hyanu̱ru̱ cas kane̱, wu̱ do̱ru̱ru̱ Ye̱so, wu̱ ro̱ u̱n nome̱ u̱n Shir u̱r-bo̱ngo̱n. Da-o̱ bu̱u̱g-de u̱n hun-ne̱ hyane̱ kaane̱ à, ye̱ bo̱mu̱ru̱ Shir kap mo̱ u̱n ye̱.

Ruka 7:16

Kap mo̱ u̱n ye̱ ho̱gu̱ru̱ o-gye̱r, ye̱ bo̱mu̱ru̱ Shir. Ye̱ ze̱e̱ru̱, “Ko-caari-wu̱ u̱n wan-Rwo̱r u̱n Ma-to̱ Shir haante̱ be-u̱r na! Shir haante̱ wu̱ guut hun-ne̱ ye̱ u̱n wu̱.”

Yohana 9:24

Se̱k-ye̱ u̱n Parisa-ne̱ ja'asu̱ru̱ agbe̱ u̱n ka ne̱t-wu̱ wu̱ ro u̱t-po̱ n-ga à. Ye̱ ze̱e̱ru̱ wu̱, “'Ya Shir m-se̱ps, o ru̱r o-nip. Te̱ de̱ te̱ nepste̱ ka ne̱t-wu̱ ko-ya-u̱r-ba'as-wu̱.”