Matiyos 13:15 - Mɑ‑to̱ Shir Taku̱rda-o swo̱r o-nu pu̱-o̱

¹⁵ Ka da-o̱ Shir ze̱e̱ru̱ Ishaya mo̱sse̱ u̱n hun-ne̱ ye̱ o-Isra-ne̱, “ ‘Me̱ u̱n zee káane̱, remen hur-de u̱n ká hun-ne̱ ye̱ de ro̱ m-hwo̱go̱n ne̱, Ye̱ ro̱ u̱t-to̱ ne̱, amba ye̱ ro̱ m-nap u̱n yo ye̱ ho̱ge̱ á. Komo ye̱ bitishshu̱te̱ yish-ye̱ u̱n ye̱, remen ye̱ co̱n ye̱ nep yo ro̱ o-nip á. A ro ze̱e̱ge̱ ye̱ yagu̱te̱ m-co̱n m-nap u̱n yo ro̱ o-nip á, ye̱ roa nep yo me̱ m-no̱m à. Ye̱ ho̱gu̱ssu̱te̱ cas yo me̱ m-rwo̱r à, ye̱ neps yo u̱m co̱ne̱ à. Amba ye̱ co̱n ye̱ nom káane̱ á. Har ye̱ waktu̱nte̱ be u̱n de u̱m sokste̱ ye̱ ba'as-de u̱n ye̱ á.’ ”

Matiyos 13:15 ပူးပေါင်းရင်းမြစ်များ

Markus 4:12

Remen a shoosté̱ Ma-to̱ Shir: “ ‘Ye̱a hyen yo me̱ m-no̱m à amba ye̱a hoks m-nap u̱n yo̱ me̱ m-no̱m á. Ye̱a ho̱ge̱ yo me̱ m-ze̱e̱ à, amba ye̱a nep á; taasu̱ ye̱ waktu̱ne̱ be-de Shir a soksu̱te̱ ye̱ u̱t-ba'as.’ ”

Ruka 19:42

Wu̱ ro̱ m-ze̱e̱, “U̱rege̱ no̱ nak caane̱ rii-yo he no̱ m-hante̱ she'et-de u̱n gwu̱gwu̱-mo̱ u̱r-hur à! Amba m-mo̱ka Shir wukute̱ no̱ yo, remen no̱ go̱ks me̱ á!

Se̱nge̱-mo̱ 28:27

Remen hur-de u̱n ka hun-ne̱ ye̱ nomoste̱ m-hwo̱go̱n, ye̱ zu̱pste̱ to̱-to̱ u̱n ye̱, ye̱ bitisshe̱ yish-ye̱ u̱n ye̱, Taase ye̱ hyen u̱n yish-ye̱ u̱n ye̱, ye̱ ho̱ge̱ u̱n to̱-to̱ u̱n ye̱, ye̱ ke̱rgu̱te̱ komo u̱n hur-de u̱n ye̱, har ye̱ waktu̱nte̱ be u̱n de u̱m soksu̱tu̱ ye̱ u̱r-ba'as.’

Se̱nge̱-mo̱ 3:19

U̱n remen kaane̱ se̱, no̱ yage̱ u̱r-ba'as, no̱ waktu̱ne̱ be-de Shir remen a so'osté̱ ba'as-u̱t no̱,

Se̱nge̱-mo̱ 7:57

Amba ye̱ ciru̱ kan-se o-zaaz de̱e̱n de̱e̱n, ye̱ zwo̱pu̱ to̱-to̱ u̱n ye̱, ye̱ mo̱ru̱ wu̱ da-o gaan.

2 Timoti 4:4

Hun-ne̱ a no̱m go̱p-de u̱n ho̱ge̱ o-nip u̱n Ma-to̱ Shir á, amba ye̱a ke to̱-to̱ u̱n ye̱ be-de u̱t-zwo̱m to̱ o-hwaa.

Yahuda-ne̱ 5:11

Te̱ u̱n rii ne̱ de̱e̱n yo te̱ he m-ze̱e̱ mo̱sse̱ u̱n ka ma-to̱ ne̱ à, amba to̱ ro̱ u̱s-nu̱ ne̱ a ru̱ru̱te̱ no̱ bo̱ to̱ ro̱ à remen no̱tt ho̱r-mo̱ nap u̱n rii á.

U̱t-Hyangan 22:2

Mo̱ m-ja n-te̱te̱ de u̱n caari-yo u̱n co̱w-yo u̱n ka bo̱-o̱. U̱n ko̱ yo ke riib-yo ká ro̱o̱g-o̱ 'yo-o ro̱ ko̱n yo u̱n ho̱o̱g, yo ro̱ u̱n mat u̱r-mat so̱-o o̱p u̱n yoor hak gaan. Ko̱ yo ke re̱ng-yo yo ro̱ m-mat so̱-o gaan. A u̱n no̱m u̱s-baat u̱n wá-to̱ u̱n ka 'yo-yo remen taasté̱ u̱n go̱m-se u̱n hun-ne̱ ye̱ u̱t-dak kap.