Matiyos 13:11 - Mɑ‑to̱ Shir Taku̱rda-o swo̱r o-nu pu̱-o̱

¹¹ Ye̱so shasu̱ru̱ ye̱, “Shir dak no̱, no̱ ye̱ she̱re̱ be-de u̱n wu̱ à, remen no̱ hoksté̱ m-nap u̱n yo ka. Ye̱ she̱re̱ be-de u̱n wu̱ á, ye̱a hoks m-nap mo̱sse̱ u̱n gwo̱mo-to̱ Shir ne̱ á.

Matiyos 13:11 ပူးပေါင်းရင်းမြစ်များ

Matiyos 13:10

Yan-neke̱-m Ye̱so haanu̱ru̱, ye̱ ze̱e̱ru̱ wu̱, “¿Remen yan o̱ wo̱tte̱ ye̱ m-no̱me̱ u̱t-ma u̱n sha-mo̱ u̱t-ma?”

Matiyos 16:17

Ye̱so shasu̱ru̱, wu̱ zee, “Simo̱n wà Yohana, wo̱ ko-ya-o-kwu̱m-wu̱! Remen Tato re wu̱ ro̱ n-To̱n shir à, wu̱ kutu̱ wo̱ to̱ ka, ba ne̱t á.

Matiyos 19:11

Amba wu̱ ze̱e̱ru̱ ye̱, “Ba ho̱n u̱n ne̱t o̱ he m-hoks m-de̱k u̱n ka ma-to̱ á se̱ de̱ ye̱ Shir ya'e̱ u̱r-be̱e̱b à.

Matiyos 20:23

Wu̱ ze̱e̱ru̱ ye̱, “M-so̱k ne̱, no̱a su̱ ibitte̱ u̱n de. Amba she'et-de u̱n re̱ u̱n de ko̱ kwanta u̱n de me̱ wu̱ ro̱ wan-gwo̱mo-to̱ m-'ya á. Tato re wu̱ n-To̱n shir, wu̱ zo̱ngse̱ ka be-to̱, remen ká ye̱ wu̱ daage̱ à.”

Markus 10:40

Amba she'et-de u̱n re̱ u̱n de ko̱ kwanta u̱n de me̱ wu̱ ro̱ wan-gwo̱mo-to̱ m-'ya á. Shir wu̱ zo̱nge̱ ka be-to̱, remen ká ye̱ wu̱ daage̱ à.”

Markus 4:11

Wu̱ ze̱e̱ru̱ ye̱, “No̱ ye̱ ya'ase̱ Shir hur-u̱r no̱ à, no̱ ye̱ Shir ya'e̱ no̱ nept ma-to̱ u̱n gwo̱mo-to̱ u̱n wu̱. Ye̱ ya'ase̱ Shir hur-de u̱n ye̱ á, ye̱ a m-yoose̱ u̱n sha-mo̱ u̱t-ma.

Ruka 8:10

Wu̱ shasu̱ru̱, “Rii-yo a wuke̱ be-de u̱n gwo̱mo-to̱ Shir à, yo ro̱ u̱n kom-u̱t no̱, amba be-de u̱n ye̱ ken ye̱ se̱ a mo̱ssu̱te̱ u̱n sha-mo̱ u̱t-ma ne̱ remen ye̱a gu̱t, amba ye̱a hyen á, komo ye̱a ho̱ge̱ amba ye̱a nep á.

Yohana 6:65

Wu̱ dooru̱ m-ze̱e̱, “O̱ u̱m zette̱ no̱, yatt-wu̱ he hoks m-haan be u̱n de à, se̱ de̱ wu̱ Shir o-Tato ya'e̱ co̱w-yo wu̱ haante̱ be u̱n de à.”

Yohana 7:17

Kap wu̱ daage̱ wu̱ nomot rii-yo Shir co̱ne̱ à, wu̱a nep u̱rege̱ be-de Shir yoos u̱n de rwu̱u̱ne̱. U̱rege̱ ne̱ de u̱n hi u̱n de de, komo wu̱a nep.

Se̱nge̱-mo̱ 16:14

Wu̱ ken ne'a-wu̱ ro kon jin-de u̱n wu̱ Ridiya, “Wan-se̱ps u̱n Shir,” wu̱ ro te̱ m-ho̱ge̱. Wu̱ ko-yan-bo̱-o̱ o-Tiyatira wu̱, wu̱ ro m-baab u̱n gund-u̱t jaas-to̱ to̱ u̱n hwo̱r. Wan-Ko̱yan tikshte̱ hur-de u̱n wu̱, har wu̱ e̱ste̱ u̱r-hi wu̱ raks rii-yo Burus rwo̱re̱ à.

Roma-ne̱ 11:25

O̱r re ne̱, u̱m co̱no̱g no̱ nep ka ka rii-yo ro̱ wukusse̱ à. Taase no̱ warag yan-uku-cin. Cikt-de u̱r-hur ko̱ro̱g be-de u̱n Isra-ne̱ har myet mo̱o̱r-to̱ u̱n ye̱ ro̱ Yahuda-ne̱ á, ye̱a kum m-co̱w be-de Shir.

Roma-ne̱ 16:25

Yage̱ a ye'et Shir m-se̱ps! Wu̱ ro̱ u̱r-be̱e̱b ne̱ de no̱ hette̱ m-e̱s eso n-te̱ m-she̱r à, remen ka Ma-to̱ m-Re̱re̱m to̱ me̱ m-ko̱'o̱t à, to̱ ma Ye̱so Kiristi. Ka Ma-to̱ m-Re̱re̱m to̱ a u̱n wuke̱ to̱ cin n-ga.

1 Korinti-ne̱ 13:2

Ko̱ me̱ u̱n yar-mo̱ u̱n ko̱'o̱t u̱n ma-to̱ rwu̱u̱ne̱ be-de Shir ne̱ à, u̱m nep komo rii-yo ro̱ wukusse̱ à, u̱m nep komo ho̱n u̱s-nap kap. Komo me̱ m-she̱r ne̱ de̱e̱n, mo̱ wo̱o̱ wugur u̱t-haag à, amba me̱tt m-was á, to̱, me̱ rii-yo á.

1 Korinti-ne̱ 15:51

Raag no̱ man pyeesu̱ no̱ rii-yo ro̱ wukusse̱ à! Ba myet-m na mo̱ he m-mar á, amba myet-m na a baramsusse̱ sha-m na.

1 Korinti-ne̱ 2:14

Bo̱n ne̱t-wu̱ ro̱tte̱ o-Ku̱kt á wu̱a tu̱n wu̱ ho̱ge̱ rem-se Ku̱kt-o̱ Shir ru̱re̱ hun-ne̱ á, remen be-de u̱n wu̱ se ka rem-se o-hwaa se. Wu̱a hoks m-nap bo̱ ka rem-se ro̱ á, remen Ku̱kt-o̱ Shir o̱ ro̱ u̱n hante̱ u̱n nap-se Shir.

1 Korinti-ne̱ 2:7

Amba te̱ u̱t-ma u̱n nap-se Shir wukusse̱, se hun-ne̱ ro nakke̱ á, se ro̱ nap-se Shir se wu̱ daage̱ remen se̱ps-m na cin ba a ro̱ no̱mo̱g ho̱no o-dak à. N-ga Shir kute̱ ko̱ wan-gaan ka napse̱ á.

1 Korinti-ne̱ 4:1

Hun-ne̱ dek, Apo̱ro̱s u̱n me̱ ne̱ yan-gu̱w-m Kiristi te̱ ro̱. Shir ya'astu̱ te̱ se̱nge̱-mo̱ u̱n rwo̱r u̱n ma-to̱ u̱n wu̱, to̱ o-nip to̱ ro̱ wukusse̱ à.

1 Korinti-ne̱ 4:7

¿Wan wu̱ ze̱e̱ o aragte̱ ye̱ ken ye̱? ¿Yan yo ne̱ o ro̱tte̱ yo u̱n hi u̱n du hu̱sse̱ rii-yo Shir ya'u̱ wo̱ à? To̱, u̱rege̱ har kaa o̱, ¿ya hante̱ o ro̱tte̱ u̱n jaks u̱r-hi sa o zee ba yar-mo̱ a ya'u̱ wo̱ á?

Apisu-ne̱ 1:18

Me̱ u̱s-ko̱n Shir tiksh hur-u̱t no̱, no̱ hyenet nip-o̱ rwu̱u̱ne̱ be-de u̱n wu̱ à remen no̱ nept ka sakto̱-o̱ wu̱ swo̱re̱ o-nu da-o̱ wu̱ dagnu̱ no̱ à. Komo no̱ nept u̱nze se̱ps-mo̱ Shir ro̱ u̱t-mo̱o̱r ne̱ o̱ wu̱ su̱rte̱ o-nu wu̱a 'ye hun-ne̱ ye̱ u̱n wu̱ à.

Apisu-ne̱ 1:9

Shir rwo̱'o̱g na a nep yo ro̱ wukusse̱ u̱n hur-de u̱n wu̱ à, u̱n ho̱ge̱ u̱n re̱re̱m-mo̱ u̱n yo wu̱ zo̱ngse̱ u̱n Kiristi à.

Apisu-ne̱ 5:32

Caari-to̱ u̱t-ma ro̱ wuke̱ kane̱. Me̱ me̱n de̱k to̱ u̱n e̱sse̱nte̱-de u̱n Kiristi u̱n hun-ne̱ yan-dor ne̱.

Apisu-ne̱ 6:19

Ko̱n no̱ rem re bo̱ Shir he me̱ m-'ya kashi u̱t-ma à, bo̱ u̱m he m-ko̱'o̱t u̱n Ma-to̱ m-Re̱re̱m ba o-gye̱r à, bo̱ u̱m he ru̱re̱ u̱n hun-ne̱ ma-to̱ o-nip to̱ ro̱ wukuse̱ n-me̱ u̱n Ma-to̱ m-Re̱re̱m à.

Korosiya-ne̱ 2:2

Me̱ m-no̱m u̱n yo ka remen u̱m dooté̱ ku̱kt-o no̱ jaab-o̱ u̱t-me̱n, komo remen was-m o̱r no̱ ne̱ dootú̱ no̱ gam-o̱ u̱r-hi. U̱n kaane̱ no̱ he kum u̱n caari-o̱ o-zak o-nip ne̱ o̱ hun-ne̱ rotte̱ ye̱ nape̱ Ma-to̱ Shir à, remen no̱ nept to̱m-o̱ Shir wuke̱ à, wata, Kiristi u̱n hi u̱n de u̱n wu̱.

1 Timoti 3:16

Nip-o̱, m-she̱r be-de Shir ro̱ m-'wo̱ns ne̱ ko̱ de nomte̱ se ken rem-se ro̱ko̱n wukusse̱ à: Ye̱so haante̱ n-me̱ o-wu̱r u̱ntu̱n o̱ ma na, Ku̱kt-o̱ Shir kutute̱ na wu̱ kashi u̱n ne̱t-wu̱. Yan-to̱m-ye̱ Shir ye̱ hyanag wu̱. Yan-dor Ye̱so ko̱'o̱te̱ ma-to̱ u̱n wu̱ be-de hun-ne̱ kap ho̱no o-dak. Hun-ne̱ go̱kste̱ kà ko̱'o̱t-o̱ be-u̱t-be ho̱no o-dak kap. Shir de̱ku̱ wu̱ ha-m o̱ n-To̱n be-de m-se̱ps.

1 Timoti 3:9

Komo ye̱ bu̱p she̱r-mo̱ u̱n ye̱ u̱n hur-u̱r gaan.

Yakubu 1:5

U̱rege̱ wu̱ ken wu̱ be-u̱r no̱ co̱no̱g u̱s-nap, wu̱ kon Shir wu̱ ro̱ m-'ya u̱n ko̱wan à, ko̱ o̱ ke da-o̱ u̱n me̱n-u̱t gaan, wu̱a 'ye wu̱. Da-o̱ wu̱ ko̱ne̱, Shir a kangsu̱ wu̱ á.

1 Yohana 2:20

Amba no̱, Ye̱so Kiristi ya'ag no̱ Ku̱kt-o̱ Shir. No̱ komo, kap, no̱ nepste̱ o-nip.

1 Yohana 2:27

Amba no̱, Ye̱so ya'aste̱ no̱ Ku̱kt-o Shir. M-mo̱ka ka Ku̱kt-o̱ ro̱ be u̱n no̱. No̱ u̱n dish-o̱ wu̱ ken wu̱ yoosu̱tu̱ no̱ komo á. Remen yan á, Ku̱kt-o̱ ro̱ no̱ m-yoose̱ u̱n ko̱ yo ke rii-yo. Yoos-de u̱n o-Ku̱kt ne̱ bo̱-to̱ á, nip-o̱. No̱m no̱ o-do̱ro̱tte̱ u̱n ka yoos-de ne̱, she'et no̱ be-u̱r Ye̱so Kiristi.