Matiyos 11:8 - Mɑ‑to̱ Shir Taku̱rda-o swo̱r o-nu pu̱-o̱

⁸ Ai, u̱rege̱ no̱ ha m-gwo̱t u̱n ne̱t-wu̱ ro̱tte̱ jaab-o̱ u̱t-me̱n á, ¿to̱ yan go̱n ne̱t-wu̱ no̱ ha m-gwo̱t? ¿No̱ u̱n zee no̱a hyen ne̱t-wu̱ co̱pe̱ matuku-to̱ u̱r-bon? Ay, hun-ne̱ ye̱ u̱n hur-o̱ u̱n ko-Gwo̱mo, ye̱ ro̱ m-co̱p u̱n matuku-to̱ u̱r-bon ba ye̱ ro̱ o-ko̱t á.

Matiyos 11:8 ပူးပေါင်းရင်းမြစ်များ

Matiyos 11:7

Da-o̱ yan-to̱m Yohana ro̱ m-warag à, Ye̱so ciru̱ru̱ nome̱ u̱n mo̱ro̱g-de u̱n hun-ne̱ ma-u̱t Yohana, wu̱ zee, “¿Ya no̱ ha m-gwo̱t o-ko̱t? ¿Yan go̱n ne̱t-wu̱ no̱ hwo̱ o-sakto̱ no̱ hyen? ¿No̱ u̱n ha gwo̱t u̱n ne̱t-wu̱ ro̱tte̱ jaab-o̱ u̱t-me̱n á, u̱ntu̱n gwo̱-se m-se̱e̱b se yo-m mo̱ m-nakt?

Matiyos 11:9

¿Remen yan o̱ no̱ heete̱ no̱ hyenet Yohana o-ko̱t? ¿No̱ u̱n hwo̱ o-sakto̱ no̱ hyen wan-rwo̱r u̱n Ma-to̱ Shir? E̱e̱, kaane̱ o̱ me̱ no̱ m-ru̱re̱ har wu̱ jiishte̱ wan-rwo̱r u̱n Ma-to̱ Shir à.

Matiyos 3:4

Matuku-de Yohana co̱pe̱ à, u̱n can-se o-dorom a ce̱e̱ o̱. Wu̱ gak hap-yo o-ka u̱n byon-o u̱n wu̱. Rii-yo m-re̱ yo u̱n wu̱ ye̱ge̱-'e ye̱ u̱n wu̱u̱g-mo̱ u̱n so̱ ne̱.

Ruka 7:25

¿Ya no̱ ruwe̱ m-hyane̱? No̱ u̱n ru kane̱ remen no̱ hyenet ne̱t-wu̱ co̱pe̱ saw-to̱ u̱r-bon à. Ye̱ co̱pe̱ saw-to̱ u̱r-bon à ye̱ ro̱ u̱n pyo-o̱ u̱t-gwo̱mo!

1 Korinti-ne̱ 4:11

M-mo̱ka kaane̱ te̱ u̱n ho̱ge̱ u̱n me̱r u̱n swo̱o̱t-o̱ m-ho̱ ne̱, te̱ u̱n co̱p u̱n kashi u̱t-saw á, a te̱ m-dum te̱tt o-hur á.

2 Korinti-ne̱ 11:27

U̱m swo̱o̱g o-darem, u̱r-ko̱o̱b ne̱, u̱n ko̱o̱b-de m-rew, u̱n me̱r ne̱, o-swo̱o̱t o̱ m-ho̱ ne̱. Ba o-gaan á u̱m taage̱ rii-yo m-re̱, u̱m swo̱o̱g o-hu̱w, u̱m taage̱ u̱n co̱p-o̱ m-co̱p.

U̱t-Hyangan 11:3

Man 'ye yan-swo̱-u̱s re ne̱n yoor u̱r-be̱e̱b. Ye̱a cu̱p matuku-to̱ u̱n tu̱k-mo̱ u̱t-me̱n, ye̱a ru̱r Ma-to̱ Shir har u̱t-ho̱ o-dugu u̱n zungu-u̱s yoor u̱n ho̱-u̱t kwo̱o̱z-u̱t tet [1,260].”