Matiyos 11:22 - Mɑ‑to̱ Shir Taku̱rda-o swo̱r o-nu pu̱-o̱

²² Amba me̱ no̱ m-ru̱re̱, u̱n ho̱-de u̱n piish u̱t-ma a jiish m-ho̱ge̱ u̱n 'wo̱n-de u̱n hun-ne̱ ye̱ o-Taya u̱n ye̱ o-Sidon ne̱ arge̱ no̱.

Matiyos 11:22 ပူးပေါင်းရင်းမြစ်များ

Matiyos 10:15

Nip-o̱ me̱ no̱ m-ru̱re̱, da-o̱ Shir he piishe̱ u̱n hun-ne̱ kap u̱t-ma à, Shir a jiish m-ho̱ge̱ u̱n 'wo̱n-de u̱n hun-ne̱ ye̱ o-So̱do̱m u̱n ye̱ o-Gomora ne̱ arge̱ hun-ne̱ ye̱ u̱n ká bo̱-o̱.”

Matiyos 11:21

“Shir a 'ye no̱ u̱r-ko̱o̱b hun-ne̱ ye̱ o-Korazin! Kaane̱ komo Shir a 'ye no̱ u̱r-ko̱o̱b hun-ne̱ ye̱ u̱n bo̱-o̱ o-Besayada! Remen kà rii-yo u̱t-hyat yo a no̱me̱ be u̱n no̱ à. A ro nomge̱ yo u̱n bo̱-to̱ o-Taya o-Sidon ne̱, ye̱ roa waktu̱ne̱ be-de Shir. Komo ye̱ cu̱p gund-to̱ u̱n naasu̱-mo̱ u̱t-me̱n, ye̱ aas m-co̱w u̱n wu̱r-to̱ u̱n ye̱ cin o-da ne̱.

Matiyos 11:24

Amba me̱ no̱ m-ru̱re̱ u̱n ho̱-de u̱n piishe̱ u̱n hun-ne̱ u̱t-ma, a jiish m-ho̱ge̱ u̱n 'wo̱n-de u̱n hun-ne̱ ye̱ o-So̱do̱m arge̱ no̱. Remen no̱ hyenestu̱ me̱ m-no̱m u̱n rem-se u̱t-hyat, amba no̱ waktu̱ne̱ be-de Shir á.”

Matiyos 12:36

Me̱ no̱ m-ru̱re̱, kap ho̱n u̱n ma-to̱ o-hwaa to̱ hun-ne̱ ro̱ m-no̱m à, se̱ Shir rwo̱'o̱g ye̱ ogom-de u̱n to̱ u̱n ho̱-de u̱n piish u̱t-ma.

Ruka 10:14

No̱a su̱ u̱r-ko̱o̱b arge̱ o-Taya o-Sidon ne̱, ho̱-de u̱n piish u̱t-ma.

Yahuda-ne̱ 2:3

A ru á, u̱rege̱ a yagu̱te̱ m-was u̱n ka caari-to̱ u̱t-ma to̱ u̱n gwu̱ to̱ ne̱. To̱ rwu̱u̱ne̱ u̱n nu-o̱ u̱n Wà-wu̱ Shir à. Wà-wu̱ Shir, wu̱ ro̱ na Wan-Ko̱yan à, Ye̱so u̱n hi u̱n de u̱n wu̱, wu̱ ru̱ru̱ na to̱. Ká da-de ne̱, ye̱ ho̱ge̱ to̱ u̱n nu-o̱ u̱n wu̱ à, ye̱ dooru̱ na m-ru̱re̱ u̱n nip-o̱ u̱n to̱.

2 Bitrus 2:9

U̱rege̱ har kááne̱ o̱, Wan-Ko̱yan nepste̱ bo̱ wu̱ he gu u̱n hun-ne̱ ye̱ Shir be-de u̱t-meger à. Komo wu̱ neps bo̱ wu̱ he se̱nge̱ u̱n 'ya u̱n yan-me̱n-u̱t jaas-to̱ u̱r-ko̱o̱b à, har ho̱-de u̱n piish u̱t-ma to̱ u̱r-ko̱m wo̱o̱nte̱.

2 Bitrus 3:7

U̱n ká gom-u̱r gaan-de, Shir e̱ste̱ ho̱no o-dak o̱ m-mo̱ka o̱ o-To̱n ne̱ remen to̱ tu̱kt o-ra, komo a u̱n yagu̱ to̱ se̱ ho̱-de u̱n piish u̱t-ma u̱n sabarse̱ u̱n hun-ne̱ ne̱ ye̱ ro̱tte̱ Shir á.

1 Yohana 4:17

U̱rege̱ a waste̱ u̱n o̱r na ne̱ o-nip, komo a no̱m bo̱ Kiristi no̱me̱ u̱n ka dak-o̱ à, a rangse̱ hi u̱n na u̱n gye̱r-o̱ u̱n ho̱-de u̱n piish u̱t-ma á.

U̱t-Hyangan 20:11

Ka da-o̱ u̱m hyanu̱ caari-o̱ o-kwu̱u̱r o̱ u̱t-gwo̱mo o-pus o̱. U̱m hyanu̱ru̱ wu̱ ro̱ tara n-to̱n o̱ à. O-dak n-To̱n o̱ shir ne̱ argu̱ m-e̱ge̱ u̱n co-o̱ u̱n wu̱ komo a do to̱ ne̱ m-hyan á.

U̱t-Hyangan 20:12

U̱m hyanu̱ru̱ margan-ne̱, caari u̱n re̱k-ye̱ ne̱, ye̱ eso eso n-he̱r o̱ u̱n ká kwu̱u̱r-o̱ u̱t-gwo̱mo o̱. A upsu̱ u̱t-taku̱rda, komo a upsu̱ru̱ ka taku̱rda-o̱ u̱n ho̱o̱g-o̱. A piishu̱ margan-ne̱ u̱t-ma u̱n bo̱ u̱n rii-yo ye̱ no̱me̱ à, bo̱ to̱ ro̱ gense̱ n-me̱ u̱n ka taku̱rda-to̱ à.