Matiyos 11:21 - Mɑ‑to̱ Shir Taku̱rda-o swo̱r o-nu pu̱-o̱

²¹ “Shir a 'ye no̱ u̱r-ko̱o̱b hun-ne̱ ye̱ o-Korazin! Kaane̱ komo Shir a 'ye no̱ u̱r-ko̱o̱b hun-ne̱ ye̱ u̱n bo̱-o̱ o-Besayada! Remen kà rii-yo u̱t-hyat yo a no̱me̱ be u̱n no̱ à. A ro nomge̱ yo u̱n bo̱-to̱ o-Taya o-Sidon ne̱, ye̱ roa waktu̱ne̱ be-de Shir. Komo ye̱ cu̱p gund-to̱ u̱n naasu̱-mo̱ u̱t-me̱n, ye̱ aas m-co̱w u̱n wu̱r-to̱ u̱n ye̱ cin o-da ne̱.

Matiyos 11:21 ပူးပေါင်းရင်းမြစ်များ

Matiyos 11:22

Amba me̱ no̱ m-ru̱re̱, u̱n ho̱-de u̱n piish u̱t-ma a jiish m-ho̱ge̱ u̱n 'wo̱n-de u̱n hun-ne̱ ye̱ o-Taya u̱n ye̱ o-Sidon ne̱ arge̱ no̱.

Matiyos 15:21

Ye̱so ruuru̱ o-Gariri wu̱ neku̱ru̱ raag-o̱ u̱n dak-to̱ o-Taya o-Sidon ne̱,

Matiyos 18:7

“Rii-yo u̱r-'wo̱n yo ka wu̱ rwo̱'e̱ ye̱ ken ye̱ no̱m u̱r-ba'as à. Rii-yo u̱n rwo̱ u̱r-ba'as ro̱ ko̱n, amba rii-yo u̱r-'wo̱n yo be-de u̱n ká wu̱ rwo̱'e̱ ka ba'as-de à.

Matiyos 26:24

Me̱ u̱n ze̱e̱ kaane̱, remen me̱ Wà-wu̱ u̱n ne̱t se̱ u̱m marag bo̱ Ma-to̱ Shir zee cin n-ga à. Amba rii-yo u̱r-'wo̱n yo ká wu̱ he ya'as u̱n ‘Wà-wu̱ u̱n ne̱t à’! Roa jiish ká ne̱t-wu̱ ma a ro yagu̱tu̱ wu̱ m-mat.”

Markus 6:45

Bo̱ Ye̱so komte̱ re̱e̱gte̱ u̱n hun-ne̱ à, ba u̱n naas o-da, wu̱ ze̱e̱ru̱ yan-neke̱-mo̱ u̱n wu̱ ye̱ tu̱w o-hat ye̱ neke̱, ye̱ pes o-mar, ye̱ wo u̱n o̱ ken bo̱-o̱ o̱ a m-ze̱e̱ o-Besayada. Wu̱ komo wu̱ 'yonsu̱te̱ ka hun-ne̱ ye̱.

Markus 7:24

Ye̱so yagu̱ru̱ o-Gariri, wu̱ co̱wu̱ru̱ u̱n o̱ ken dak-o̱ u̱r-hew ne̱, dak-o̱ u̱n o̱ ken bo̱-o̱ o̱ a m-ze̱e̱ o-Taya à. Wu̱ comsu̱ru̱ u̱n o̱ ken hur-o̱. Wu̱ co̱nu̱ ne̱ hun-ne̱ nep á. Amba hun-ne̱ ro̱ u̱n 'er-de u̱n wu̱ ko̱ ye̱a hyen wu̱ à.

Markus 7:31

Ye̱so ro m-ru u̱n dak-o̱ u̱n riib-o u̱n bo̱-o̱ o-Taya, wu̱ do̱ru̱ru̱ so̱ o-Sidon wu̱ heet Mar-o̱ o-Gariri. Ka da-de ne̱, wu̱ hessu̱nu̱ru̱ u̱n dak-o̱ a m-ze̱e̱ dak-o̱ u̱n Bo̱-u̱t O̱p.

Markus 8:22

Ye̱so u̱n yan-neke̱-mo̱ u̱n wu̱ ne̱ ye̱ haaru̱ u̱n de ken bo̱-de de a m-ze̱e̱ o-Besayada à. Bo̱ ye̱ woote̱ à, hun-ne̱ hantu̱ru̱ Ye̱so, wu̱ ken ko-po̱-wu̱. Ye̱ ko̱nu̱ru̱ wu̱ u̱nze wu̱ ci yish-ye̱ u̱n wu̱ ko̱ ye̱a upse̱ à.

Ruka 4:26

Shir to̱m E̱reja ko̱ kene̱ u̱n dak-o̱ o-Isra á, amba se̱ be-de u̱n wu̱ ken ko-gwo̱r-wu̱ u̱n ne'a wu̱, ba ko-Isra á, wu̱ ro̱ o-Zaraha u̱n so̱ u̱n dak-o̱ o-Sidon.

Ruka 6:17

Da-o̱ Ye̱so kergene̱ n-to̱n u̱r-dor u̱n yan-to̱m-ye̱ u̱n wu̱ ne̱ à, wu̱ e̱su̱ru̱ eso u̱n be-de ro̱ cangam à, u̱n yan-neke̱-mo̱ u̱n wu̱ ne̱ de̱e̱n. Hun-ne̱ de̱e̱n ye̱ rwu̱u̱ne̱ ho̱no dak-o̱ o-Judiya à, o-Urusharima ne̱, u̱n he̱be̱-mo̱ o-Taya, o-Sidon ne̱ bo̱-to̱ u̱n riib-o̱ m-sa.

Ruka 9:10

Yan-To̱m Ye̱so mu̱u̱nu̱ru̱ komo ye̱ ru̱ru̱ Ye̱so kap rii-yo ye̱ no̱me̱ à. Wu̱ de̱ku̱ru̱ ye̱, komo ye̱ ruuru̱ u̱n hi u̱n de u̱n ye̱, ye̱ co̱wu̱ru̱ o̱ ken bo̱-o̱ jin-de u̱n o̱ o-Besayada.

Yohana 1:44

Pirip ko-wan-bo̱-o̱ o-Besayada wu̱. Ye̱ ro bo̱-o gaan Andarawus ne̱, Bitrus ne̱.

Yohana 12:21

Ye̱ haanu̱ru̱ be-u̱r Pirip (wu̱ ko-wa-o-Besayada u̱n dak-o̱ o-Gariri). Ye̱ ko̱nu̱ru̱ wu̱, ye̱ ze̱e̱ru̱, “Go̱s-wu̱, te̱ co̱no̱g hyan-o Ye̱so.”

Se̱nge̱-mo̱ 12:20

U̱n ka da-o̱, Here̱ ro u̱n ryaab-se u̱n hun-ne̱ ye̱ o-Taya u̱n ye̱ o-Sidon ne̱ de̱e̱n. Ye̱ haanu̱ru̱ be-u̱r Here̱ u̱n hur-de u̱n ye̱ u̱r-gaan, komo ye̱ ho̱o̱bu̱ru̱ o-so̱ro̱g be-u̱r Birastus wan-co-o̱ pyo-o ko-Gwo̱mo, wu̱ ne̱ wu̱ deku̱ ma-to̱ u̱n ye̱ wu̱a gu ye̱. Ka da-de ye̱ haaru̱ be-u̱r Here̱, ye̱ ho̱o̱bu̱ wu̱ she'et-de ba u̱t-ween, remen dak-o̱ u̱n ka ko-Gwo̱mo-wu̱ ye̱ rotte̱ u̱r-be̱e̱b, remen o̱ ye̱tte̱ u̱n kum u̱n rii-yo m-re̱.

Se̱nge̱-mo̱ 27:3

Bo̱ ish geste̱ à, te̱ wo̱o̱ru̱ bo̱-o̱ o-Sidon, komo Juriyos ya'u̱ Burus u̱r-'wo̱n, Burus yagu̱ wu̱, wu̱ he wu̱ hyenet nay-ne̱ ye̱ u̱n wu̱, ye̱ nomotu̱ wu̱ yo wu̱ co̱ne̱ à.

Yahudas 1:11

Rii-yo u̱r-'wo̱n yo ye̱! Remen ye̱ do̱ru̱te̱ co̱w-o Keen, wu̱ ho̱ heno-o̱ u̱n wu̱ à. Ya ye̱ ro̱ u̱ntu̱n ká ne̱t-wu̱ Baram, ye̱ rakste̱ hun-ne̱ remen ye̱ kumut o-hwo̱r. Komo u̱ntu̱n ká ne̱t-wu̱ Kora, ka ye̱ he m-sabre̱ remen zang-o̱ u̱n ye̱.

U̱t-Hyangan 11:3

Man 'ye yan-swo̱-u̱s re ne̱n yoor u̱r-be̱e̱b. Ye̱a cu̱p matuku-to̱ u̱n tu̱k-mo̱ u̱t-me̱n, ye̱a ru̱r Ma-to̱ Shir har u̱t-ho̱ o-dugu u̱n zungu-u̱s yoor u̱n ho̱-u̱t kwo̱o̱z-u̱t tet [1,260].”

U̱t-Hyangan 6:12

Ka da-o̱ u̱m hyanu̱ru̱ Ya o-Rwu̱u̱g o-Ca ke'este̱ reke̱-u̱r acinde̱-de. A no̱mu̱ru̱ mo̱ ken caari-mo̱ u̱n nukte̱-mo̱ o-dak mo̱. Ho̱-u̱r wargu̱ru̱ u̱r-rim-de u̱ntu̱n gwo̱do̱-o rim-o̱, o-re̱ng komo da-o gaan-yo wargu̱ru̱ o-jaas yo záá u̱ntu̱n m-hyó.