Matiyos 10:2 - Mɑ‑to̱ Shir Taku̱rda-o swo̱r o-nu pu̱-o̱

² Jin-to̱ u̱n ká yan-To̱m-ye̱ to̱ ka o̱p yoor [12]. Ye̱ Ye̱so aage̱ yan-neke̱-mo̱ u̱n wu̱ à. U̱r-takan Simo̱n (wu̱ a m-ze̱e̱ Bitrus à), u̱n heno u̱n wu̱ ne̱ Andarawus. Yakubu (wà Ze̱be̱di), u̱n hen u̱n wu̱ ne̱ Yohana,

Matiyos 10:2 ပူးပေါင်းရင်းမြစ်များ

Matiyos 17:1

Bo̱ a rewete̱ ho̱-u̱t cind à, Ye̱so de̱ku̱ru̱ Bitrus ne̱, u̱n Yakubu, u̱n Yohana (heno Yakubu) ne̱, wu̱ daaru̱ o-haag u̱n ye̱ ne̱ u̱n ho̱n-de u̱n ye̱.

Matiyos 20:20

Ka da-o̱, inu yakar Ze̱be̱di haanu̱ru̱ be-u̱r Ye̱so u̱n yakar-ye̱ u̱n wu̱ ne̱, Yakubu u̱n Yohana ne̱. Wu̱ kwu̱ktu̱ru̱ u̱n co-o̱ u̱n wu̱, wu̱ ko̱nu̱ru̱ Ye̱so yo ken rii-yo.

Matiyos 26:37

Wu̱ de̱ku̱ru̱ Bitrus ne̱ u̱n yakar Ze̱be̱di ne̱ yoor, ye̱ ro̱ Yakubu u̱n Yohana. Wu̱ ciru̱ru̱ tu̱k-mo̱ u̱t-me̱n o-regen ne̱ de̱e̱n.

Matiyos 4:18

Ye̱so ro̱ m-arag n-riib o̱ u̱n Mar-o̱ o-Gariri. Wu̱ hyanu̱ru̱ ye̱ ken hen-ne̱ ye̱ ne̱n yoor, Simo̱n wu̱ a m-ze̱e̱ Bitrus à, u̱n hen u̱n wu̱ ne̱ wu̱ a m-ze̱e̱ Andarawus à. Ye̱ ro̱ m-jorbe̱ o-yo n-me̱ o-mar, remen ye̱ ya-m-ship u̱n jan-ye̱, u̱n baab-to̱ u̱n jan ne̱.

Matiyos 4:21

Bo̱ Ye̱so aragte̱ u̱n co à, wu̱ hyanu̱ru̱ ye̱ ken hen-ne̱ ye̱ ne̱n yoor komo. Ye̱ ro̱ Yakubu u̱n hen u̱n wu̱ ne̱ Yohana yakar Ze̱be̱di. Ye̱ ro̱ u̱n ja'as u̱n yo-o̱ u̱n ship u̱n jan o-hat u̱n tato-o̱ u̱n ye̱ ne̱, ye̱ shipt jan. Ye̱so aagu̱ru̱ ye̱.

Markus 1:29

Ye̱so u̱n yan-neke̱-mo̱ u̱n wu̱ ne̱, mo̱sse̱ u̱n Yakubu u̱n Yohana ne̱ rwu̱u̱nu̱ru̱ u̱n kuke̱-o̱ u̱n yoos u̱n Ma-to̱ Shir. Bo̱ wu̱ rwu̱nte̱ à, wu̱ co̱wu̱ru̱ u̱n den-o Simo̱n ne̱ u̱n Andarawus.

Markus 13:3

Bo̱ jimite̱ à, Ye̱so ro tara u̱n Haag-o̱ u̱n 'yo-se o-Ze̱tun, ka haag-o̱ ro̱ u̱n gwo̱tbe̱ u̱n Pyo-o̱ Shir à. Se̱ ye̱ ken ye̱ be-de u̱n yan-neke̱-mo̱ u̱n wu̱, (Bitrus wu̱, Yakubu wu̱, u̱n Yohana ne̱, u̱n Andarawus ne̱), ye̱ citu̱ru̱ wu̱ pakse̱.

Markus 6:30

Yan-To̱m Ye̱so, ye̱ wu̱ to̱me̱ ye̱ ru̱r Ma-to̱ Shir à, ye̱ mu̱u̱nu̱ru̱, ye̱ mo̱rgu̱ru̱ be-u̱r Ye̱so. Ye̱ ru̱ru̱ wu̱ kap rii-yo ye̱ no̱me̱ à u̱n rii-yo ye̱ yoos ne̱ à.

Ruka 11:49

Remen kaane̱, we̱e̱r-se Shir ze̱e̱g, ‘Man tomo̱ ye̱ yan-rwo̱r u̱n Ma-to̱ Shir u̱n yan-to̱m ne̱, ye̱a ho ye̱ ken ye̱, komo ye̱ ke ye̱ ken ye̱.’

Ruka 22:14

Bo̱ da-o wo̱o̱nte̱ à, Ye̱so she'etu̱ru̱ be-de u̱n re̱ rii-yo m-re̱ u̱n yan-to̱m-ye̱ u̱n wu̱ ne̱.

Ruka 22:8

Ye̱so to̱mu̱ru̱ Bitrus u̱n Yohana, wu̱ ze̱e̱ru̱, “Ha no̱ zo̱nge̱ no̱ nom rii-yo m-re̱ yo u̱n Biki-o̱ m-Pas a reet no̱!”

Ruka 5:10

Kaane̱ no̱me̱ Bitrus u̱n o̱r u̱n wu̱ ne̱ ne̱ ya-u̱t-yo, Yakubu u̱n Yohana (yakar Ze̱be̱di). Ye̱so ze̱e̱ru̱ Simo̱n, “Wo̱ ho̱ge̱ o-gye̱r á, m-mo̱ka wo̱a warag wan-hante̱ u̱n hun-ne̱ be-de Shir, bo̱ wo̱ u̱n ship u̱n jan à.”

Ruka 9:10

Yan-To̱m Ye̱so mu̱u̱nu̱ru̱ komo ye̱ ru̱ru̱ Ye̱so kap rii-yo ye̱ no̱me̱ à. Wu̱ de̱ku̱ru̱ ye̱, komo ye̱ ruuru̱ u̱n hi u̱n de u̱n ye̱, ye̱ co̱wu̱ru̱ o̱ ken bo̱-o̱ jin-de u̱n o̱ o-Besayada.

Yohana 12:22

Pirip haaru̱, wu̱ ru̱ru̱ Andarawus. Andarawus u̱n Pirip ne̱ haanu̱ru̱, ye̱ ru̱ru̱ Ye̱so.

Yohana 13:23

Wu̱ ken be-de u̱n yan-neke̱-mo̱ u̱n wu̱, wu̱ Ye̱so wasse̱ u̱n wu̱ ne̱ de̱e̱n à, wu̱ ro u̱n he̱r-o Ye̱so.

Yohana 20:2

Wu̱ so̱mnu̱ru̱ o-rek be-u̱r Simo̱n Bitrus u̱n ka wan-neke̱-m Ye̱so wu̱ ne̱, wu̱ Ye̱so ro m-was u̱n wu̱ ne̱ à. Wu̱ ze̱e̱ru̱, “A dekste̱ u-u̱r Go̱s-wu̱ u̱n saag. Te̱ napu̱ ne̱ be-de a heete̱ de á.”

Yohana 21:2

Simo̱n Bitrus ne̱ u̱n Tomas (wu̱ a m-ze̱e̱ ko-Pe̱se̱ à), u̱n Nataniyar ne̱ (ko-wa-o-Kana dak-o̱ o-Gariri), u̱n yakar ne̱ ye̱ ma Ze̱be̱di, u̱n ye̱ ken yan-neke̱-mo̱ u̱n wu̱ ye̱ ne̱ ne̱n yoor, kap mo̱ u̱n ye̱ ye̱ ro mo̱sse̱.

Yohana 21:20

Bitrus byandu̱ru̱, wu̱ 'wo̱ss ka wan-neke̱-m Ye̱so wu̱, wu̱ Ye̱so ro m-was à. (Ka ne̱t-wu̱ ro to̱sse̱ u̱n he̱r-o Ye̱so u̱n ka biki-o̱ à. Komo ka ne̱t-wu̱ citu̱ru̱ Ye̱so, “Go̱s-wu̱, ¿wan-wu̱ ne̱ he wu̱ m-ya'as?”)

Yohana 21:24

Wu̱, ka wan-neke̱-m Ye̱so wu̱, wu̱ ro̱ Ye̱so m-su̱ ye̱ u̱n ka ma-to̱. Wu̱ ge̱ne̱ to̱ tomso ne̱. Te̱ nepste̱ ne̱ u̱nze su̱'e̱-mo̱ u̱n wu̱ hond hond o̱.

Yohana 6:67

Ye̱so ze̱e̱ru̱ ka ne̱n o̱p yoor-ye̱ [12], “¿No̱ ma no̱ u̱n co̱n no̱ yagu̱ me̱ m-do̱re̱?”

Yohana 6:70

Ye̱so ze̱e̱ru̱ ye̱, “¿Me̱ daage̱ no̱ ka ne̱n o̱p u̱n yoor [12] á? To̱, wan-gaan be u̱n no̱ ko-Gwo̱mo-wu̱ u̱n ya-u̱t-ko̱t wu̱!”

Yohana 6:71

U̱n Yahudas (wà Simo̱n Iskariyoti), Ye̱so ro u̱t-ma remen wu̱ nepste̱ wu̱ wu̱ he wu̱ m-ya'as ko̱ de̱ wu̱ rotte̱ be-de u̱n ka ne̱n o̱p u̱n yoor-ye̱ à [12].

Yohana 6:8

Wu̱ ken wu̱ ro kon be-de u̱n yan-neke̱-m Ye̱so, jin-de u̱n wu̱ Andarawus (heno Simo̱n Bitrus ne̱). Wu̱ ru̱ru̱ ye̱,

Se̱nge̱-mo̱ 1:13

Bo̱ ye̱ cu̱wte̱ o-bo̱ à, ye̱ daaru̱ kuke̱-o̱ a ma'e̱ n-to̱n u̱n o̱r u̱n o̱ be-de ye̱ u̱r-she'et à. Ye̱ ro'e̱ kane̱ à, ye̱ ro̱, Bitrus ne̱, Yohana ne̱, Yakubu ne̱, Andarawus ne̱, Pirip ne̱, Tomas ne̱, Bataromi ne̱, Matiyos ne̱, Yakubu ne̱ (wà Aru̱payes), Simo̱n ne̱ (wu̱ a m-aag ya'as u̱r-hi à), komo u̱n Yahudas ne̱ (wà Yakubu).

Se̱nge̱-mo̱ 1:26

Ye̱ nom u̱r-barag. Barag-u̱r he̱'e̱nu̱ru̱ Matiyas. A rwo̱'u̱ wu̱ komo wu̱ wargu̱ ko-yan-To̱m Ye̱so mo̱sse̱ u̱n ka ne̱n o̱p o-gaan ye̱ ne̱.

Se̱nge̱-mo̱ 12:2

Here̱ rwo̱'o̱g a ho Yakubu, (heno Yohana), o-magay.

Se̱nge̱-mo̱ 3:1

De ken ho̱-de Bitrus ne̱ u̱n Yohana ye̱ ro m-neke̱ u̱n Pyo-o̱ Shir u̱n da-o̱ u̱n ko̱n-se Shir, so̱ u̱n kwo̱m-u̱s tet-se m-rim.

1 Korinti-ne̱ 15:7

Ka da-de ne̱ Yakubu hyanag wu̱, komo kap ka yan-to̱m ye̱ hyanag wu̱.

Apisu-ne̱ 4:11

Kiristi ya'ase̱ hun-ne̱ m-yar. Wu̱ daagu̱ru̱: Ye̱ ken ye̱, ye̱ warag yan-To̱m Ye̱so, Ye̱ ken ye̱ yan-Rwo̱r u̱n Ma-to̱ Shir, Ye̱ ken ye̱ yan-Rwo̱r u̱n Ma-to̱ m-Re̱re̱m, Ye̱ ken ye̱ yan-Gu̱t-de u̱n hun-ne̱ ye̱ Shir, u̱n Ye̱ ken ye̱ ya-u̱r-Yoos ne̱.

Yahuda-ne̱ 3:1

Remen kaane̱, tu no̱ yish be-u̱r Ye̱so, wu̱ Shir to̱mne̱, wu̱ waragte̱ na ko-Gwo̱mo-wu̱ u̱n ko̱n-se Shir u̱n ru̱ru̱ u̱n ye̱ ken ye̱ ne̱ u̱n yo te̱ she̱rte̱ à.

1 Bitrus 1:1

Me̱, Bitrus, ko-yan-To̱m Ye̱so Kiristi, ge̱nbe̱ ka taku̱rda-o̱, Ha-mo̱ u̱n be-de u̱n hun-ne̱ ye̱ Shir daage̱ u̱ntu̱n hamat-ne̱ u̱n ho̱no o-dak ye̱ cakre̱ u̱n dak-to̱ o-Pantus, o-Garatiya ne̱, o-Kapado̱ki ne̱, o-Asiya ne̱ komo o-Bitaniya ne̱ à.

2 Bitrus 1:1

Me̱, Simo̱n Bitrus, ko-gu̱w komo u̱n wan-To̱m Ye̱so Kiristi ne̱. Me̱ ge̱nbe̱ ka taku̱rda-o̱ ha-mo̱ u̱n be-de u̱n ye̱ go̱kse̱ m-she̱r o-nip ne̱ u̱ntu̱n mo̱ ma na. No̱ u̱n nom kaane̱ u̱n bu̱-yo kashi-o̱ Shir na u̱n Ye̱so Kiristi ne̱ Wan-Gwu̱.

2 Yohana 1:1

Me̱, Yohana, se̱k-wu̱ me̱ u̱n ge̱nbe̱ ka taku̱rda-o̱, ha-mo̱ u̱n be-de u̱n ka ne'a-wu̱ a daage̱ à u̱n yakar-ye̱ u̱n wu̱ ne̱, ye̱ u̱m wasse̱ u̱n ye̱ ne̱ de̱e̱n n-me̱ o-nip à. Yanze ne̱ me̱ wu̱ u̱n ho̱n-de á, amba har kap u̱n ye̱ nape̱ o-nip ne̱ à.

3 Yohana 1:1

Me̱, Yohana, se̱k-wu̱ me̱ wu̱ ge̱nbe̱ ka taku̱rda-o̱, ha-mo̱ u̱n be-u̱r Gayas wan-yen de wu̱ me̱ m-was n-me̱ o-nip à.

U̱t-Hyangan 1:1

Ka hyangan-to̱ u̱n rwu̱u̱n be-u̱r Ye̱so Kiristi, to̱ Shir kute̱ wu̱ mo̱sse̱ u̱n rem-se he m-ko̱r ne̱ ba m-jime̱ à. Wu̱ u̱n to̱mo̱n wan-to̱m-wu̱ Shir be-de u̱n ko-gu̱w-wu̱ u̱n Shir Yohana remen wu̱ ru̱ru̱té̱ ye̱ ken yan-gu̱w-mo̱ Shir ye̱ ka hyangan-to̱.

U̱t-Hyangan 1:9

Me̱ ro̱ Yohana, komo o̱r no̱ be-de u̱n swo̱ u̱r-ko̱o̱b, u̱t-gwo̱mo ne̱ m-du̱ngu̱ne̱ ne̱ mo̱ ro̱ mo̱ ma na à u̱n Ye̱so. A yanag me̱ yan-se m-gakte̱ ha-mo̱ u̱n dak-o̱ u̱n te̱te̱-de m-sa re̱e̱no̱ o̱ a m-ze̱e̱ o-Patmo̱s à remen u̱m ko̱'o̱te̱ Ma-to̱ Shir to̱ o-nip u̱n rwo̱r u̱n ma-u̱t Ye̱so ne̱.

U̱t-Hyangan 18:20

No̱m no̱ o-zak, no̱ ye̱ ro̱ u̱r-she'et n-To̱n shir à, no̱m no̱ o-zak no̱ yan-ba-m-ku̱ko̱p, yan-To̱m Ye̱so, u̱n yan-Rwo̱r u̱n Ma-to̱ Shir ne̱. U̱r-ko̱m Shir piishite̱ o-Babira u̱t-ma remen rii-yo o̱ no̱mu̱ no̱ à!’ ”

U̱t-Hyangan 22:8

Me̱ wu̱ Yohana, me̱ hyane̱ u̱m ho̱ge̱, kap ka rem-se. Da-o̱ u̱m ho̱ge̱ komo u̱m hyen se à, u̱m he̱e̱ru̱ u̱n na-se u̱n wan-to̱m-wu̱ Shir, wu̱ kutu me̱ ka rem-se à.