Markus 7:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Remen kaane̱, Parisa-ne̱ u̱n yan-Yoos-de u̱n karamsa-o Mosa ne̱ ye̱ citu̱ru̱ Ye̱so. Ye̱ ze̱e̱ru̱, “¿Ya hante̱ yan-neke̱-m ru ye̱ ro̱tte̱ u̱n do̱re̱ u̱n jor-se ya-n-ga-ye̱ á? Ye̱ ro̱tte̱ u̱n re̱ u̱n rii u̱t-ri'in ne̱ u̱n kom-to̱ u̱n ye̱.”

Markus 7:5 ပူးပေါင်းရင်းမြစ်များ

Matiyos 15:2

“¿Remen yan o̱ ne̱ yan-neke̱-m ru ro̱tte̱ m-jetem u̱n jor-se u̱n mo̱ng-ne̱? Te̱ u̱n ze̱e̱ kaane̱ remen ye̱ ro̱ m-sapt u̱t-kom ye̱ reet rii-yo m-re̱ bo̱ a o̱o̱s á.”

Markus 7:13

Ka bo̱ no̱ m-muut u̱n Ma-to̱ Shir hwaa. No̱tte̱ u̱n do̱re̱ u̱n jor-se u̱n ya-n-ga-ye̱. No̱tte̱ u̱n yoose̱ u̱n yakar no̱. Sha-mo̱ u̱n ma-u̱t gaan-mo̱ ka u̱m nomu̱ no̱. Se ken rem-se ro̱ ko̱n u̱t-mo̱o̱r ne̱ se no̱ m-no̱m à.”

Markus 7:8

Ye̱so dooru̱ ye̱ m-ze̱e̱, “Kaane̱ o̱ no̱ m-no̱m. No̱ m-yage̱ u̱n karamsa-o̱ Shir, no̱tte̱ u̱n do̱re̱ u̱n jor-u̱s tat no̱ ne̱.”

Markus 7:9

Ye̱so dooru̱ m-do̱, wu̱ ze̱e̱ru̱ ye̱, “¿We̱e̱r-u̱s no̱ se ka? No̱ m-muut u̱n karamsa-o̱ Shir hwaa remen no̱ do̱ru̱te̱ jor-u̱s tat no̱ ne̱!

Se̱nge̱-mo̱ 21:21

A ru̱ssu̱tu̱ Yahuda-ne̱ kane̱ yan-dor u̱nze wo̱ m-yoose̱ u̱n kap Yahuda-ne̱, ye̱ ro̱ n-me̱ u̱n ye̱ ro̱ Yahuda-ne̱ á u̱nze ye̱ jore̱ karamsa-o̱ Mosa. U̱nze wo̱ Yahuda-ne̱ m-yoose̱ taase ko yakar-ye̱ u̱n ye̱ u̱r-ko̱, ko̱ komo ye̱ do̱re̱ ges-o̱ u̱n jind-se u̱n Yahuda-ne̱.

Se̱nge̱-mo̱ 21:24

De̱k ye̱ no̱ neke̱ u̱n Pyo-o̱ Shir, no̱m no̱ ka rem-se u̱n ye̱ ne̱, no̱a warag ba m-ku̱ko̱p remen no̱ bu̱mu̱t Shir, komo o topo ye̱ hwo̱r remen a orot ye̱. U̱n kaane̱ ko̱ wu̱ ke a nep u̱nze kap ma-to̱ a ru̱ru̱ ye̱ mo̱sse̱ u̱n wo̱ ne̱ à bo̱-to̱, a hyen a zee wo̱ u̱n do̱re̱ karamsa-o̱ Yahuda-ne̱.

Roma-ne̱ 4:12

U̱n kaane̱, komo Ibrahi waragte̱ tato-o̱ u̱n ye̱ a ko̱e̱, ye̱ she̱re̱ be-de Shir à. Ba remen ko̱-de a ko̱ ye̱ u̱n hond u̱n de á. Amba bo̱ Ibrahi no̱me̱ cin ba a u̱n ko̱ wu̱ à, ye̱ de̱ku̱ru̱ sha-mo̱ u̱n she̱r-m Ibrahi mo̱ wu̱ rotte̱ à.

Garatiya-ne̱ 1:14

No̱ nepste̱ komo be-de u̱n dor-o̱ jor-se u̱n Yahuda-ne̱ u̱m jiishte̱ o̱r re ne̱ Yahuda-ne̱ m-se̱nge̱ ye̱ te̱ bo̱su̱te̱ caara-o gaan à. U̱m no̱mo̱g se̱nge̱-mo̱ u̱n dor-o̱ u̱n bu̱-se u̱n ya-n-ga-ye̱ se n-ga m-so̱k ne̱.

2 Tasaronika-ne̱ 3:11

Te̱ ho̱gu̱te̱ u̱nze ye̱ ken ye̱ be-u̱r no̱ ya-m-zar-ye̱, komo ye̱ ro̱ m-no̱m u̱n yo ken rii-yo á se̱ o-he̱be̱ gwu̱w.

2 Tasaronika-ne̱ 3:6

O̱r te̱ ne̱, te̱ ka'agte̱ no̱ u̱n jin-u̱r Wan-Ko̱yan na Ye̱so Kiristi, ru no̱ co̱w-yo u̱n ko̱ wu̱ ke, wu̱ ro̱ u̱n she'et-de o-hwaa à, wu̱ ro̱ u̱n do̱ro̱tte̱-o̱ u̱n ká rii-yo te̱ yoosu̱ no̱ á.